[X] Close
JUST IN
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்
  • BREAKING-NEWS ஆஸ்திரேலியாவுக்கு எதிரான 2வது ஒருநாள் போட்டியில் இந்திய அணி வெற்றி
  • BREAKING-NEWS கோடநாடு விவகாரத்தில் சயான், மனோஜ் இருவரும் பிணைத் தொகையை செலுத்தியதை தொடர்ந்து ஜாமீன் வழங்கப்பட்டது
  • BREAKING-NEWS திமுக எம்எல்ஏக்கள் மட்டுமல்ல தமிழகமே அதிமுக ஆட்சி கலைய காத்துக்கொண்டிருக்கிறது - கனிமொழி
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு
  • BREAKING-NEWS சென்னையில் முதல்வர் பழனிசாமி தலைமையில் தமிழக அமைச்சரவை கூட்டம் தொடங்கியது

கெவின் ஆணவக் கொலை வழக்கை முடிக்க நீதிமன்றம் 6 மாத கெடு 

kevin-p-joseph-was-abducted-and-allegedly-murdered-by-his-wife-neenu-s-family

கெவின் கொலை வழக்கு விசாரணையை 6 மாதத்திற்குள் முடிக்க வேண்டும் என கேரள நீதிமன்றம் உத்தரவிட்டுள்ளது. 

கேரள மாநிலம் கோட்டயத்தைச் சேர்ந்தவர் கெவின் பி ஜோசப். இவரும் கொல்லம் பகுதியை சேர்ந்த நீனு என்ற பெண்ணும் இரண்டு வருடங்களாக காதலித்து வந்துள்ளனர். 

இந்நிலையில், கல்லூரி படிப்பை முடித்த கெவின் வேலைக்காக துபாய் சென்றுவிட்டு கடந்த ஜனவரி மாதம் மீண்டும் வீடு திரும்பினார். இதையடுத்து கொல்லம் தென்மலையில் உள்ள ஒரு தனியார் பள்ளியில் ஆசிரியராக பணியாற்றி வந்த நீனுவை திருமணம் செய்ய முடிவு செய்துள்ளார் கெவின்.  

இதைத்தொடர்ந்து நீனுவின் பெற்றொரிடம் அனுமதி கேட்டுள்ளார். ஆனால் இருவரும் வேறு ஜாதியை சேர்ந்தவர்கள் என்பதால் நீனு வீட்டில் கடும் எதிர்ப்பு தெரிவித்துள்ளனர். 

இதையடுத்து கெவினும் நீனுவும் வீட்டை விட்டு வெளியேறி நண்பர்கள் முன்னிலையில் திருமணம் செய்துள்ளனர். இதையறிந்த நீனுவின் பெற்றோர் போலீஸ் நிலையத்தில் புகார் அளித்தனர். இருவரும் இருக்கும் இடத்தை கண்டறிந்த போலீசார் நீனுவை கெவினிடம் இருந்து பிரித்து வலுக்கட்டாயமாக அவரது பெற்றோருடன் அனுப்பி வைத்துள்ளனர். 

பின்னர், நீனுவின் அண்ணன் 12 பேர் வீட்டினுள் புகுந்து கெவினை தாக்கி கடத்தி சென்றுள்ளார். இதைப்பார்த்த கெவினின் நண்பர் அனிஷ், போலிஸில் புகார் அளித்தார். 

இதைத்தொடர்ந்து தென்மலை அருகே சாலியக்கரா பகுதியில் உள்ள ஒரு குட்டையில் இரு கண்களும் தோண்டப்பட்ட நிலையில் கெவின் பிணமாக மிதப்பதாக புனலூர் போலீசாருக்கு தகவல் கிடைத்தது. 

விசாரணையில், கெவின் கலப்பு திருமணம் செய்ததால் ஆணவக் கொலை செய்யப்பட்டு இருப்பது தெரியவந்தது. இதுகுறித்த வழக்கில் நீனுவின் பெற்றோர் உட்பட 14 பேர் மீது வழக்குப்பதிவு செய்யப்பட்டது. 

இந்நிலையில், கெவின் கொலை வழக்கு விசாரணையை 6 மாதத்திற்குள் முடிக்க வேண்டும் என கேரள நீதிமன்றம் உத்தரவிட்டுள்ளது. 
 

Advertisement:
இது தொடர்பான செய்திகள் :
Advertisement:
Advertisement:
[X] Close