[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.99 காசுகளாகவும், டீசல் லிட்டருக்கு ரூ. 69.62 காசுகளாகவும் விலை நிர்ணயம்
  • BREAKING-NEWS மேகதாது அணை விவகாரத்தில் மத்திய அரசுக்கு தமிழக அரசு அழுத்தம் தர வேண்டும்; மேகதாது அணை கட்டுவதற்கு உச்சநீதிமன்றத்தில் உடனடியாக தடை பெற வேண்டும் - மு.க.ஸ்டாலின்
  • BREAKING-NEWS நாடாளுமன்ற தேர்தலில் மம்தா பானர்ஜியால் பெரிய அளவில் வெற்றி பெற முடியாது; கொல்கத்தாவில் நடந்த மாநாட்டில் மிகக் குறைவாகவே கூட்டம் கூடியது - கே.பாலகிருஷ்ணன்
  • BREAKING-NEWS வாக்குப்பதிவு இயந்திரத்தில் முறைகேடு செய்யலாம் என தவறான தகவலை பரப்பியதாக லண்டனில் நடந்த நிகழ்ச்சி தொடர்பாகவும், நிகழ்ச்சி ஏற்பாட்டாளர் மீதும் டெல்லி போலீசில் தேர்தல் ஆணையம் புகார்
  • BREAKING-NEWS நாடாளுமன்ற தேர்தலில் பாஜக-அதிமுக கூட்டணி உறுதி - மத்திய அமைச்சர் ராம்தாஸ் அத்வாலே
  • BREAKING-NEWS தமிழகத்தில் போலியோ சொட்டு மருந்து வழங்குவது தாமதமாகும்; மத்திய தடுப்பு மருந்து தொழில்நுட்பக்குழு பரிந்துரையால் பிப்.3ல் போலியோ சொட்டு மருந்து முகாம் இல்லை - அமைச்சர் விஜயபாஸ்கர்
  • BREAKING-NEWS பட்டாசு ஆலை தொடர்பான வழக்கில் விசாரணையை 29ம் தேதிக்கு ஒத்திவைத்தது உச்சநீதிமன்றம்

மூதாட்டியிடம் இருந்து 3 சவரன் சங்கிலி பறிப்பு

chain-snatching-in-an-old-women-on-salem

சேலம் மாவட்டம் ஓமலூர் அருகே மூதாட்டி அணிந்திருந்த மூன்று சவரன் சங்கிலியை அடையாளம் தெரியாத நபர்கள் பறித்துச் சென்றனர்.

சேலம் மாவட்டம் ஓமலூர் அருகேயுள்ள வேலக்கவுண்டனூர் கிராமத்தில் வசிப்பவர் ராஜம்மாள். கணவரை இழந்த 60 வயது மூதாட்டியான இவர், அங்குள்ள தனியார் பள்ளி முன்பாக பெட்டிக்கடை வைத்துள்ளார். மேலும், பள்ளி குழந்தைகளுக்கான தின்பண்டங்கள், மாணவர்கள் பயன்பாட்டு பொருட்களை விற்பனை செய்து வருகிறார். இந்நிலையில் இவரது கடைக்கு மோட்டார் சைக்கிளில் ஹெல்மெட் அணிந்து இரண்டு நபர்கள் வந்துள்ளனர். மூதாட்டி ராஜம்மாளிடம் இருவரும் மிக்சர், தண்ணீர் பாக்கெட், டம்ளர் கொடுக்குமாறு கேட்டுள்ளனர். 

இதையடுத்து அவர்கள் கேட்ட பொருட்களை எடுத்து கொடுக்கும்போது, திடீரென ராஜம்மாள் கழுத்தில் அணிந்திருந்த மூன்று சவரன் தங்க சங்கிலியை பறித்துக்கொண்டு, வேகமாக மோட்டார் சைக்கிளில் தப்பி சென்றனர். இதனால், அதிர்ச்சியடைந்த மூதாட்டி உதவிக் கேட்டு கத்தியுள்ளார். இதையடுத்து அக்கம்பக்கத்தினர் ஓடி வருவதற்குள் கொள்ளையர்கள் மோட்டார் சைக்கிளில் தப்பியோடி விட்டனர். தங்க நகையை இழந்த மூதாட்டி ராஜம்மாள் ஓமலூர் காவல் நிலையத்தில் நகை திருட்டு குறித்து புகார் கொடுத்தார். இந்த புகாரின் பேரில் ஓமலூர் போலீசார் வழக்குப்பதிவு செய்து விசாரித்து வருகின்றனர். ஓமலூர் வட்டாரத்தில் தொடரும் திருட்டு மற்றும் தங்க சங்கிலி பறிப்புகளால் பொதுமக்கள் அச்சத்தில் உள்ளனர்.

Advertisement:
Advertisement:
Advertisement:
[X] Close