[X] Close
JUST IN
  • BREAKING-NEWS மக்களவை தேர்தல், 18 தொகுதி சட்டமன்ற இடைத்தேர்தலுக்கு மக்கள் நீதி மய்யத்துடன் கூட்டணி அமைத்துள்ளோம் மக்களவை தேர்தலில் 1 தொகுதி, இடைத்தேர்தலில் 3 தொகுதிகளில் இந்திய குடியரசுக் கட்சி போட்டி - சே.கு. தமிழரசன் (இந்திய குடியரசுக் கட்சி)
  • BREAKING-NEWS பாதுகாப்பு படைகளை வைத்து அரசியல் செய்ய வேண்டாம் - கட்சித்தலைவர்கள், வேட்பாளர்களுக்கு அறிவுறுத்தும்படி அரசியல் கட்சிகளுக்கு மீண்டும் தேர்தல் ஆணையம் கடிதம்
  • BREAKING-NEWS மக்களவை தேர்தல், சட்டமன்ற இடைத்தேர்தலில் மக்கள் நீதி மய்யம் கட்சியின் சார்பில் போட்டியிடும் வேட்பாளர்கள் பட்டியலை நாளை மதியம் 2 மணிக்கு வெளியிடுகிறார் கமல்ஹாசன்
  • BREAKING-NEWS பொள்ளாச்சி பாலியல் கொடூர வழக்கில் கைதான திருநாவுக்கரசு, சபரிராஜன், சதீஷ், வசந்தகுமார் ஆகியோரின் காவலை ஏப்ரல் 2 வரை நீட்டித்தது பொள்ளாச்சி நீதிமன்றம்
  • BREAKING-NEWS நீதிபதி கண்முன்னே மனைவியை கத்தியால் குத்திய கணவன்! மருத்துவமனையில் மனைவிக்கு சிகிச்சை!
  • BREAKING-NEWS மக்களவைத் தேர்தலில் நாம் தமிழர் கட்சிக்கு கரும்பு விவசாயி சின்னம் ஒதுக்கப்பட்டுள்ளது
  • BREAKING-NEWS மக்களவை தேர்தலுக்கான திமுக தேர்தல் அறிக்கையை வெளியிட்டார் கட்சி தலைவர் மு.க.ஸ்டாலின்

மத்திய அரசு வேலை வாங்கி தருவதாக கூறி மோசடி

the-central-government-work-allegedly-fraudulent-in-kovai

கோவை வடவள்ளி அருகேயுள்ள பொம்மனம்பாளையம் பகுதியை சேர்ந்தவர் கிருஷ்ணசாமி. இவருக்கு இரண்டு மகன்களும், ஒரு மகளும் உள்ளனர். இந்நிலையில் கடந்த 2014 ம் ஆண்டில் மூத்த மகன் வேதா சுப்பிரமணியம் பட்டப்படிப்பு முடித்து வேலை தேடிக்கொண்டிருந்த போது, பால்காரர் குமார் என்பவர் மூலம் ஈஸ்வர் ராமசந்திரன் என்பவரும், மருதமலை அடிவாரத்தில் அருணகிரிநாதர் வழிபாட்டு மையம் என்ற பெயரில் ஜோதிட தொழில் செய்து வரும் குமரசிவம் என்பவரும் அறிமுகமாகியுள்ளனர். 

இந்நிலையில் ஈஸ்வர் ராமச்சந்திரன் மத்திய அரசின் கலால்துறையில் பணியாற்றி வருவதாகவும், அத்துறையில் வேலை வாங்கி தருவதாகவும் கூறி 15 லட்ச ரூபாய் கேட்டதாக கூறப்படுகிறது. தமிழக முதலமைச்சர்,  பிரதமர்,  கவர்னர் போன்றவர்களுடன் விருது வாங்குவது போல ஈஸ்வர் புகைப்படங்களை காட்டியும்,  வேலை கிடைக்கவில்லை எனில் பணத்தை திரும்ப தருவதாகவும் நம்பிக்கை அளித்துள்ளார். 

இதையடுத்து கிருஷ்ணசாமி 11 லட்ச ரூபாய் பணத்தை ஈஸ்வரிடம் கொடுத்ததை அடுத்து, சில மாதங்களில் வேதா சுப்பிரமணியத்திற்கு மத்திய கலால்துறையில் நுண்ணறிவு அதிகாரி வேலை கிடைத்ததற்கான பணியாணை,  அடையாள அட்டை உள்ளிட்டவற்றை வழங்கியுள்ளார். மேலும் ஒரு வீட்டை மத்திய கலால் நுண்ணறிவு பிரிவு அலுவலகம் எனக்கூறி இதே போல 35 க்கும் மேற்பட்டோருக்கு 6 மாத காலம் பயிற்சி என ஈஸ்வரே பயிற்சி வழங்கியதாகவும், மாத சம்பளமாக 27 ஆயிரத்து 760 ரூபாய் பணத்தை வங்கி கணக்கில் செலுத்தியதாகவும் தெரிகிறது.

அதன்பின் பணம் வாங்கி வேலை தந்த விவரம் உயரதிகாரிகளுக்கு தெரிந்து விட்டதால்,  சென்னை அலுவலகத்திற்கு இடமாற்றம் செய்து விட்டதாகவும் கூறிய ஈஸ்வர், கொஞ்ச காலம் பொறுத்திருங்கள் மீண்டும் வேலையில் சேர்த்து கொள்கிறேன் என தெரிவித்துள்ளார். இதையடுத்து ஈஸ்வர் தலைமறைவாகி விட்டார். இதன்பின்னர் விசாரித்த போது ஈஸ்வர் ராமச்சந்திரனும், குமரசிவமும் மத்திய அரசு வேலை வாங்கி தருவதாக போலி அரசு அலுவலகம் நடத்தியும், போலி அரசு ஆவணங்கள் தயாரித்தும் பலரிடம் கோடிக்கணக்கில் மோசடி செய்ததாக தெரிந்தது. அதனை அடுத்து கிருஷ்ணசாமி என்பவர் மாவட்ட காவல் கண்காணிப்பாளரிடம் புகார் அளித்தார். 
 

Advertisement:
இது தொடர்பான செய்திகள் :
Advertisement:
Advertisement:
[X] Close