[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ.72.82 காசுகளாகவும், டீசல் லிட்டருக்கு ரூ.68.26 காசுகளாகவும் விலை நிர்ணயம்
  • BREAKING-NEWS டெல்லியில் கூடிய எதிர்க்கட்சித்தலைவர்கள், குடியரசுத் தலைவரை சந்திக்க முடிவு
  • BREAKING-NEWS 2019 மக்களவை தேர்தல் தொடர்பாக டெல்லியில் எதிர்க்கட்சிகளின் ஆலோசனை கூட்டம் தொடங்கியது
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்
  • BREAKING-NEWS காவிரி பிரச்னையில் மத்திய அரசு ஒருதலைபட்சமாக செயல்படுவது வருத்தம் அளிக்கிறது - மேகதாது அணை தொடர்பான தமிழக சட்டப்பேரவையின் சிறப்புக்கூட்டத்தில் முதல்வர் எடப்பாடி பழனிசாமி பேச்சு
  • BREAKING-NEWS தமிழக சட்டப்பேரவையின் சிறப்புக்கூட்டத்தில், காவிரியில் கர்நாடகா மேகதாது அணை கட்ட எதிர்ப்பு தெரிவித்து தீர்மானம் முன்மொழியிடப்பட்டது

கூலிப்படையை ஏவி, டார்ச்சர் மகனை கொன்ற அம்மா!

woman-arrested-for-hiring-contract-killers-to-murder-son

பெற்ற மகனை கூலிப்படையை வைத்துக் கொன்ற அம்மாவை போலீசார் கைது செய்துள்ளனர். 

பீகார் மாநிலம் பாட்னாவைச் சேர்ந்தவர் ரேணுதேவி (46). இவர் மகன் மின்டு ராம் (25). மின்டுராமுக்கு அஞ்சுதேவி என்ற மனைவியும் ஒரு மகனும் உள்ளனர். மின்டு அக்கம் பக்கத்து பெண்களை அடிக்கடி கிண்டல் கேலி செய்வாராம். சிலருக்கு பாலியல் தொல்லையும் கொடுத்து வந்துள்ளார். அவர் அம்மாவிடம், அந்தப் பெண்கள் புகார் சொல்வது வழக்கம். இதனால் மின்டுவுக்கும் அவர் அம்மாவுக்கும் தினமும் தகராறு நடக்கும். அதோடு அக்கம்பக்கத்தில் கடன் வாங்கும் மின்டு அதைத் திருப்பிக் கொடுப்பதும் இல்லை. இந்தப் பிரச்னையும் ரேணுவை எரிச்சல் அடைய வைத்துள்ளது. ரேணுவையும் அடித்து துன்புறுத்துவாராம் மின்டு. என்ன அறிவுரை சொன்னாலும்  கேட்பதாக இல்லை. டார்ச்சர் தொடர்ந்துகொண்டு இருந்தது. 

இதில் இருந்து தப்பிக்க மகனைக் கொன்று விட முடிவு செய்தார் ரேணு. இதையடுத்து கூலிப்படையைச் சேர்ந்த தரம் வீர், சரவண்குமார் ஆகியோரிடம் சொன்னார். 50 ஆயிரம் ரூபாயை அவர்களுக்கு கூலியாகப் பேசப்பட்டது. அதை வாங்கிய அவர்கள் துப்பாக்கியால் மின்டுவை சுட்டுக்கொன்று விட்டு, உடலை வீசிவிட்டு சென்றுவிட்டனர்.

உடலை கைப்பற்றிய போலீசார் விசாரணை மேற்கொண்டனர். தினமும் என் மாமியார்தான் அவருடன் சண்டைப் போட்டுக்கொண்டிருப்பார் என்று போலீசிடம் சொன்னார் மின்டுவின் மனைவி அஞ்சு. இதையடுத்து ரேணுவிடம் சாதாரணமாக போலீசார் விசாரித்தனர். அவர் விசாரணையை திசைத் திருப்பும் விதமாக பொய் தகவலைத் தெரிவித்தார். தொடர்ந்து விசாரித்ததில் உண்மையை ஒப்புக்கொண்டார் ரேணு. இதையடுத்து போலீசார் அவரை கைது செய்து சிறையில் அடைத்தனர்.

 பெற்ற மகனை அம்மாவே கூலிப்படையை வைத்து கொன்றிருப்பது அந்தப் பகுதியில் பரபரப்பை ஏற்படுத்தியிருக்கிறது. 

Advertisement:
Advertisement:
Advertisement:
[X] Close