[X] Close
JUST IN
  • BREAKING-NEWS மும்பை பங்குச்சந்தை சென்செக்ஸ், தேசிய பங்குச்சந்தை குறியீட்டெண் நிஃப்டி ஏற்றம்
  • BREAKING-NEWS தூத்துக்குடியில் கனிமொழி பெற்ற வெற்றிக்கு எதிரான வழக்கை வாபஸ் பெறுவதாக உயர்நீதிமன்றத்தில் தமிழிசை தரப்பில் மனு தாக்கல்
  • BREAKING-NEWS தமிழகத்தில் இன்றும் மழை தொடரும் என வானிலை மையம் அறிவிப்பு
  • BREAKING-NEWS இடைத்தேர்தலில் போட்டியிடுவதற்காக விருப்பமனு அளித்தவர்களிடம் இன்று நேர்காணல் நடத்துகிறது அதிமுக
  • BREAKING-NEWS நாங்குநேரி, விக்கிரவாண்டி தொகுதி இடைத்தேர்தலுக்கான வேட்புமனுத்தாக்கல் இன்று தொடங்குகிறது

பணத் தகராறு பஞ்சாயத்து செய்தவர் குத்திக் கொலை

pollachi-murder-accuquest-absconded

கோவை மாவட்டம் பொள்ளாச்சியில் பணம் கொடுக்கல் வாங்கலில் தகராறு காரணமாக மரக்கடை உரிமையாளர் கொலை செய்யப்பட்டுள்‌ளார். ஒ‌ருவர் படுகாயங்களுடன் மருத்துவமனையில் அனுமதிக்கப்பட்டுள்ளார். 

கோவை மாவட்டம் பொள்ளாச்சியை சேர்ந்தவர்கள் பிரதீப் - முகமது அசார். இருவர்களும் நண்பர்கள் எனத் தெரிகிறது. பிரதீப்பிடம் அவரது நண்பர் முகமது அசார் ல‌ட்சக்கணக்கில் பணம் வாங்கியதாகக் கூறப்படுகிறது. பிரதீப் பணத்தை திரும்பக் கேட்டதால் இருவருக்கும் அடிக்கடி தகராறு ஏற்பட்டிருக்கிறது. இந்நிலையில் அதேபகுதியில் மரக்கடை நடத்தி வரும் கண்ணன் என்பவரை அழைத்துக்கொண்டு முகமது அசாரை சந்திக்க சென்றுள்ளனர். பணத்தை திரும்பி கேட்டதால் பிரதீப்புக்கும் முகமது அசாருக்கும் இடையே வாக்குவாதம் ஏற்பட்டது. முகமது அசாருடன் அவரது நண்பர் இப்ராஹிம் உடனிருந்துள்ளார்.

ஒரு கட்டத்தில் வாக்குவாதம் முற்றவே இப்ராஹிம் தான் மறைத்து வைத்திருந்த கத்தியால் கண்ணன் மற்றும் பிரதீப்பை சரமாரியாக தாக்கியுள்ளார். இந்த எதிர்பாராத தாக்குதலில் இருவரும் நிலைக்குலைந்தனர். இத்தாக்குதலில் கண்ணன் நிகழ் விடத்திலேயே உயிரிழந்தார். படுகாயங்களுடன் மீட்கப்பட்ட பிரதீப் மருத்துவமனையில் சிகிச்சை பெற்று வருகிறார். கண்ணனின் உடல் பிரேத பரிசோதனைக்கு அனுப்பி வைக்கப்பட்டது. இதுதொடர்பாக வழக்குப்பதிவு செய்துள்ள காவல்துறையினர் இப்ராஹிம் மற்றும் முகமது அசாரை தேடி வருகின்றனர்.


 

Advertisement:
Advertisement:
Advertisement:
[X] Close