[X] Close
JUST IN
  • BREAKING-NEWS காரைக்கால் மாவட்டத்தில் நாளை பள்ளிகளுக்கு விடுமுறை - ஆட்சியர் கேசவன்
  • BREAKING-NEWS வேதாரண்யம் அருகே 35க்கும் மேற்பட்ட கிராமங்களில் தொலைத்தொடர்பு சேவைகள் முழுவதும் பாதிப்பு
  • BREAKING-NEWS கஜா புயலால் கடுமையாக பாதிக்கப்பட்ட வேதாரண்யம் தனித்தீவாக காட்சியளிக்கிறது
  • BREAKING-NEWS கஜா புயலின் தாக்கத்தால் ஏற்பட்ட விபத்துகளில் தமிழகத்தில் இதுவரை உயிரிழந்தோரின் எண்ணிக்கை 27 ஆனது
  • BREAKING-NEWS 21 கி.மீ. வேகத்தில் நாகையை நெருங்கி வருகிறது கஜா புயல் - சென்னை வானிலை ஆய்வு மையம்
  • BREAKING-NEWS கடற்கரையில் உள்ளவர்களை கலைந்து செல்ல அறிவுறுத்துமாறு காவல்துறைக்கு பேரிடர் மேலாண்மைத் துறை உத்தரவு
  • BREAKING-NEWS ‘கஜா புயல்’... முன்னெச்சரிக்கை அடிப்படையில் தேவையான நடவடிக்கைகள் அரசு சார்பில் மேற்கொள்ளப்பட்டுள்ளன; மக்கள் அச்சமடைய வேண்டாம் - பேரிடர் மேலாண்மைத் துறை

விபச்சார தடுப்புப் பிரிவு காவலர் எனக் கூறி நகை பறிப்பு: 3 பேர் கைது

3-arrested-in-chennai

சென்னை அடுத்த மதுரவாயலில் விபச்சார தடுப்புப் பிரிவுக் காவலர்கள் எனக் கூறி நகை, பணம் உள்ளிட்டவற்றை பறித்து சென்ற பெண் உள்பட மூன்று பேரைக் காவல்துறையினர் கைது செய்தனர்.

சென்னை ஐயப்பன்தாங்கல் பகுதியை சேர்ந்த சுந்தரவல்லி வீட்டில் தனியாக வசித்து வருகிறார். சுந்தரவல்லிக்கும், பல பெண்களை ஏமாற்றி பணம் பறித்த வழக்கில் தொடர்புடைய தீனதயாளனுக்கும் இடையே பழக்கம் ஏற்பட்டதாக தெரிகிறது. இதைப் பயன்படுத்தி கொண்ட தீனதயாளன், சுந்தரவல்லி வீட்டில் இருக்கும்போது தனது நண்பர்களை காவலர்களாக வரவழைத்து நகை பணம் உள்ளிட்டவற்றை பறிக்க திட்டமிட்டார்.

அதன்படி தீனதயாளன், சுந்தரவல்லியின் வீட்டில் இருந்தபோது விபச்சாரத் தடுப்பு பிரிவு காவலர் எனக்கூறி 12 பவுன் நகை, 20 ஆயிரம் ரூபாய் பணம், இரண்டு செல்போன்களை பறித்து சென்றனர். மேலும் அவரிடம் 5 லட்சம் ரூபாய் பணம் கேட்டு மிரட்டியுள்ளனர். இது குறித்து சுந்தவல்லி மதுரவாயல் காவல்நிலையத்தில் புகார் அளித்தார். காவல்துறையினர் தனிப்படை அமைத்து விசாரணை மேற்கொண்டனர். காவல்துறை கொடுத்த ஆலோசனைப்படி சுந்தரவல்லி செயல்பட்டதை அடுத்து தீனதயாளனின் நண்பர்களான நந்தினி என்ற பெண் உள்பட மூன்று பேரைக் காவல்துறையினர் கைது செய்தனர். தலைமறைவாக உள்ள தீனதயாளன், ஏழுமலை இருவரைக் காவல்துறையினர் தேடி வருகின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close