[X] Close
JUST IN
  • BREAKING-NEWS ராஜீவ்காந்தி கொலை குறித்து சீமான் பேசியது தொடர்பாக மாவட்ட தேர்தல் அதிகாரியிடம் விரிவான அறிக்கை கேட்டுள்ளார் தமிழக தலைமை தேர்தல் அதிகாரி சத்யபிரதா சாஹூ
  • BREAKING-NEWS நீட் ஆள்மாறாட்ட வழக்கில் மாணவர் இர்பானின் காவலை அக்டோபர் 25 வரை நீட்டித்தது தேனி நீதிமன்றம்
  • BREAKING-NEWS நாளை முதல் காலவரையற்ற வேலைநிறுத்தம்: ஆவின் பால் டேங்கர் லாரி ஒப்பந்த உரிமையாளர்கள் அறிவிப்பு
  • BREAKING-NEWS இன்று முதல் 4 நாட்களுக்கு தமிழகத்தில் கனமழைக்கு வாய்ப்புள்ளதாக வானிலை மையம் அறிவிப்பு

ஆம்பூர் டிஎஸ்பி கையும் களவுமாக கைது: மக்கள் கொண்டாட்டம்..!

ambur-dsp-arrested-people-celebrations

லஞ்சப்புகாரில் கைதான ஆம்பூர் டிஎஸ்பி தன்ராஜின் சென்னை வீட்டில் லஞ்ச ஒழிப்புத்துறையினர் சோதனை மேற்கொண்டுள்ளனர்.

ஆம்பூர் சான்றோர்குப்பம் பகுதியைச் சேர்ந்த பன்னீர்செல்வம், மாதந்தோறும் குவாரியில் மணல் அள்ளி விற்பனை செய்வதற்காக டிஎஸ்பி தன்ராஜ், எஸ்ஐ லூர்து ஜெயராஜ் ஆகியோருக்கு பணம் கொடுத்ததாகக் கூறப்படுகிறது. தற்போது மணல் குவாரி மூடப்பட்டுள்ள நிலையில், மீண்டும் பணம் தரக்கோரி காவல்துறையினர் வலியுறுத்தியதாக தெரிகிறது.

இதுதொடர்பாக பன்னீர்செல்வம் மாவட்ட லஞ்ச ஒழிப்பு காவல்துறையினரிடம் புகார் அளித்துள்ளார். அவர்களின் ஆலோசனைப்படி ரசாயனம் தடவிய ஒரு லட்சத்து 45,000 ரூபாய் நோட்டுகளை லஞ்சமாக வழங்கியபோது ஆம்பூர் காவல் துணை கண்காணிப்பாளர் தன்ராஜ் மற்றும் எஸ்ஐ லூர்து ஜெயராஜ் ஆகியோர் கையும், களவுமாக கைது செய்யப்பட்டனர். அவர்களை 15 நாள் காவலில் வைக்க வேலூர் குற்றவியல் நடுவர் நீதிமன்றம் உத்தரவிட்டதை தொடர்ந்து சிறையில் அடைக்கப்பட்டனர். இதனிடையே சென்னையில் உள்ள டிஎஸ்பி தன்ராஜின் வீட்டில் லஞ்ச ஒழிப்புத்துறையினர் சோதனை மேற்கொண்டுள்ளனர். லஞ்ச புகாரில் காவல்துறை அதிகாரிகள் கைது செய்யப்பட்டதை அப்பகுதி மக்கள் பட்டாசு வெடித்து கொண்டாடினர்.

வீடியோ

Advertisement:
Advertisement:
Advertisement:
[X] Close