[X] Close
JUST IN
  • BREAKING-NEWS வேதாரண்யம் அருகே 35க்கும் மேற்பட்ட கிராமங்களில் தொலைத்தொடர்பு சேவைகள் முழுவதும் பாதிப்பு
  • BREAKING-NEWS கஜா புயலால் கடுமையாக பாதிக்கப்பட்ட வேதாரண்யம் தனித்தீவாக காட்சியளிக்கிறது
  • BREAKING-NEWS கஜா புயலின் தாக்கத்தால் ஏற்பட்ட விபத்துகளில் தமிழகத்தில் இதுவரை உயிரிழந்தோரின் எண்ணிக்கை 27 ஆனது
  • BREAKING-NEWS 21 கி.மீ. வேகத்தில் நாகையை நெருங்கி வருகிறது கஜா புயல் - சென்னை வானிலை ஆய்வு மையம்
  • BREAKING-NEWS கடற்கரையில் உள்ளவர்களை கலைந்து செல்ல அறிவுறுத்துமாறு காவல்துறைக்கு பேரிடர் மேலாண்மைத் துறை உத்தரவு
  • BREAKING-NEWS ‘கஜா புயல்’... முன்னெச்சரிக்கை அடிப்படையில் தேவையான நடவடிக்கைகள் அரசு சார்பில் மேற்கொள்ளப்பட்டுள்ளன; மக்கள் அச்சமடைய வேண்டாம் - பேரிடர் மேலாண்மைத் துறை
  • BREAKING-NEWS தமிழகத்தில் கடலோர மாவட்டங்களில் 405 ஆம்புலன்ஸ்கள் தயார் நிலையில் வைக்கப்பட்டுள்ளன - தமிழக அரசு

காதலித்த இளம்பெண் அப்பா, அம்மா வேடிக்கை பார்க்க, ஆணவக் கொலை!

cop-wife-watch-as-daughter-is-murdered-for-family-honour

சொன்னதைக் கேட்காமல் காதலித்ததாக, அப்பா, அம்மா வேடிக்கை பார்க்க, இளம்பெண் கொலை செய்யப்பட்ட சம்பவம் பரபரப்பை ஏற்படுத்தியுள்ளது.

ஹரியானா மாநிலம், ஜஜ்ஜார் மாவட்டத்தில் உள்ளது சுர்ஹெடி கிராமம். இந்தக் கிராமத்தைச் சேர்ந்தவர் வேத்பால் (48). ராணுவத்தில் வேலை பார்த்து ஓய்வு பெற்ற இவர், இப்போது டெல்லி போலீசில் பணியாற்றி வருகிறார். இவர் மனைவி மோனி தேவி. இவர்கள் மகள் வந்தனா (20). இவர், அருகிலுள்ள தாக்லா கிராமத்தைச் சேர்ந்த ராகுல் என்பவரை காதலித்து வந்தார். இருவரும் ஜாட் சமூகத்தைச் சேர்ந்தவர்கள். காதல் விவகாரம் வந்தனாவின் வீட்டுக்குத் தெரிய வந்ததும், காதலை கைவிடுமாறு கூறினர். மறுத்துவிட்டார் வந்தனா. இதையடுத்து இவரின் மாமா, ஜஸ்வந்த் (40) என்பவரும் காதலை கைவிட அறிவுறுத்தினார். 
கேட்காததால், குடும்பம் ஒன்று கூடி வந்தனாவை ஆணவக்கொலை செய்ய முடிவு செய்தது. அதன்படி, அப்பா, அம்மா வேடிக்கை பார்க்க, அவர்கள் கண்முன் வந்தனாவின் கழுத்தை நெறித்துக் கொன்றார் மாமா.

இதை தற்கொலை என்று சொல்லி தப்பிக்கப் பார்த்தது குடும்பம். ஆனால் உள்ளூர்க்காரர்கள் இதில் சந்தேகம் இருப்பதாகக் கூறியதை அடுத்து, போலீசார் விசாரித்தனர். விசாரணையில் இந்த ஆணவக்கொலை விவகாரம் வெளியே தெரிய வந்துள்ளது. இதையடுத்து வேத்பாலும் அவர் மனைவியும் கைது செய்யப்பட்டுள்ளனர். தலைமறைவான ஜஸ்வந்தை தேடி வருகின்றனர்.

குடும்பமே சேர்ந்து இளம் பெண்ணைக் கொன்ற சம்பவம் அந்தப் பகுதியில் பரபரப்பை ஏற்படுத்தியுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close