[X] Close
JUST IN
  • BREAKING-NEWS இலங்கை சிறைகளில் இருந்து விடுவிக்கப்பட்ட 109 மீனவர்கள் காரைக்கால் துறைமுகம் வந்தடைந்தனர்
  • BREAKING-NEWS அரசு ஊழியர்கள், ஆசிரியர்களின் ஊதிய முரண்பாட்டை களைய எம்.ஏ.சித்திக் ஐஏஎஸ் தலைமையில் ஒருநபர் குழுவை அமைத்தது தமிழக அரசு
  • BREAKING-NEWS காவிரி மேலாண்மை வாரியம் அமைப்பதற்காக மத்திய அரசை வலியுறுத்த சட்டப்பேரவையை கூட்ட வேண்டும் - டிடிவி தினகரன்
  • BREAKING-NEWS நான் பூ அல்ல விதை; என்னை முகர்ந்து பார்க்காதீர்கள் விதைத்து பாருங்கள் வளருவேன் - கமல்ஹாசன்
  • BREAKING-NEWS மதுரை மீனாட்சியம்மன் கோயில் தீ விபத்து குறித்து ஆய்வு செய்ய 5 பேர் கொண்ட குழுவை அமைத்தார் தமிழக பாஜக தலைவர் தமிழிசை
  • BREAKING-NEWS சென்னையில் முதல்வர் தலைமையில் மார்ச்.5,6,7 ஆம் தேதிகளில் ஐஏஎஸ், ஐபிஎஸ் அதிகாரிகள் மாநாடு நடைபெறும் என அறிவிப்பு
  • BREAKING-NEWS தமிழக அரசியல் களத்தில் கவர்ச்சிகரமான காகிதப் பூக்கள் மலரலாம்; ஆனால் மணக்காது- மு.க ஸ்டாலின்

பழைய வண்ணாரப்பேட்டையில் பிரபல ரவுடி சரமாரியாக வெட்டிக்கொலை

palyavannarapettai-famous-rowdy-murder

சென்னையில் மாமூல் கேட்டு மிரட்டிய ரவுடி சரமாரியாக வெட்டிக் கொலை செய்யப்பட்டார். 

சென்னை புதுவண்ணாரப்பேட்டை, செல்லியம்மன் தெருவை சேர்ந்தவர் முருகன் என்கிற கேட் முருகன். இவருக்கு வனஜா என்ற பெண்ணுடன் திருமணமாகி  சாந்தி என்ற மகளும், கோகுல் என்ற மகனும் உள்ளனர். பிரபல ரவுடியான முருகன் மீது 2007ஆம் ஆண்டு பாட்சா என்கிற பாக்சர் பாட்சாவை கொலை செய்த வழக்கு, கொலை முயற்சி மற்றும் திருட்டு வழக்குகள் பல ஆர்.கே. நகர் காவல் நிலையத்தில் நிலுவையில் உள்ளன. இதற்கு முன்பு பழைய வண்ணாரப்பேட்டை சீனிவாசபுரத்தில் வசித்து வந்த முருகன், அங்கு போலீஸ் கெடுபிடி அதிகம் இருந்ததால் குடும்பத்துடன் புதுவண்ணாரப்பேட்டையில் வசித்துவந்துள்ளார்.

இருப்பினும் சீனிவாசபுரத்திற்கு அடிக்கடி செல்லும் முருகன், அவரது நண்பர்களுடன் சுற்றித் திரிவதை வழக்கமாக கொண்டுள்ளார். இந்நிலையில் நேற்று மாலை நண்பரை பார்க்க சென்ற முருகனை வழிமறித்த 5 பேர் கொண்ட கும்பல் தகராறில் ஈடுபட்டுள்ளனர். அப்போது அவர்கள் மறைத்து வைத்திருந்த அரிவாள் உள்ளிட்ட ஆயுதங்களால் முருகனை சரமாரியாக வெட்டியுள்ளனர். இதில் அவரது தலை, கழுத்து, வயிறு உள்ளிட்ட பகுதிகளில் பலத்த வெட்டு காயம் விழுந்ததுள்ளது. இதனால் அந்த இடத்திலேயே முருகன் ரத்தவெள்ளத்தில் சரிந்தார். பின்னர் தகவலறிந்து வந்த வண்ணாரப்பேட்டை போலீசார், உயிருக்குப் போராடிக் கொண்டிருந்த முருகனை காப்பாற்றி ஸ்டான்லி அரசு மருத்துவமனையில் சேர்த்தனர். ஆனாலும் சிகிச்சை பலனின்றி முருகன் உயிரிழந்தார். இதுதொடர்பாக கொலை வழக்கு பதிவு செய்த போலீஸார், அதே பகுதியை சேர்ந்த மதன், கார்த்திக், ராமு, தினேஷ், சின்னு ஆகியோரை தேடி வருகின்றனர். இவர்கள் மீது செல்போன் பறிப்பு மற்றும் கொள்ளை சம்பங்களில் ஈடுபட்ட வழக்குகள் இருப்பது குறிப்பிடத்தக்கது. 

வீடியோ

Advertisement:
Advertisement:
Advertisement:
[X] Close