[X] Close
JUST IN
  • BREAKING-NEWS காவிரி மேலாண்மை வாரியம் அமைக்க மத்திய அரசை வலியுறுத்த வேண்டும்- ஸ்டாலின்
  • BREAKING-NEWS காவிரி விவகாரம் தொடர்பாக முதலமைச்சர் தலைமையில் அனைத்துக்கட்சிக் கூட்டம் தொடங்கியது
  • BREAKING-NEWS பஞ்சாப் நேஷனல் வங்கி மோசடியில் ஈடுபட்ட நிரவ் மோடியின் 9 சொகுசு கார்கள் பறிமுதல்
  • BREAKING-NEWS ஐயா நல்லகண்ணுவை சந்தித்தேன்; அவரை சந்தித்ததற்கான காரணம் அவரின் பெயரிலேயே உள்ளது- கமல்ஹாசன்
  • BREAKING-NEWS அரசியல் பிரவேசம் குறித்து விஜயகாந்திடம் பேசியபோது ‘நீங்களெல்லாம் வரணும்’ என கூறினார்- கமல்ஹாசன்
  • BREAKING-NEWS அரசியல் பயணத்தை கருணாநிதியிடம் சொன்னேன்; சிரிப்பு மூலம் வாழ்த்துகிறார் என்பதை புரிந்து கொண்டேன்- கமல்ஹாசன்
  • BREAKING-NEWS கமல்ஹாசனை ஆசிர்வாதம் செய்து அனுப்பிய விஜயகாந்த் தேர்தல் நேரத்தில் அவருடன் கூட்டணி குறித்து முடிவெடுப்பார் - பிரேமலதா விஜயகாந்த்

காதல் விவகாரத்தில் இளைஞர் கொலை? - குற்றவாளியை கைது செய்ய வலியுறுத்தல்

youth-killed-in-love-affair-emphasis-to-arrest-the-culprit

தஞ்சை மாவட்டம் கும்பகோணத்தில் வேறு சாதி பெண்ணை காதலித்தவரை, பெண்ணின் உறவினர்கள் அடித்து கொன்றுவிட்டதாக‌ புகார் எழுந்துள்ளது.

ஆண்டலாம்பேட்டை‌, பனந்தோப்பு பகுதியைச் சேர்ந்த முருகன் என்பவரது மகன் கார்த்திக். அவர் திருநாகேஸ்வரத்தில் இரும்பு பொருட்கள் விற்பனை செய்யும் கடை நடத்தி வருகிறார். கார்த்திக் கல்லூரி படிக்கும் போது, அதே கல்லூரியைச் சேர்ந்த மாணவியுடன் காதல் ஏற்பட்டுள்ளது. இருவரிடையேயும் காதல் தொடர்ந்த நிலையில், மாணவியின் பெற்றோருக்கு விஷயம் தெரிந்துள்ளது. இதையடுத்து மாணவியை உறவினர் நீலமேகம் என்பவருக்கு திருமணம் செய்ய பெற்றோர் முடிவு செய்துள்ளனர். நீலமேகம் திருச்சி குற்றப்புலனாய்வு துறையில் காவலராக பணியாற்றி வருகிறார். அவர் சில நாட்களுக்கு முன் கார்த்திக்கின் வீட்டிற்கு வந்து, அவர் மாணவியுடன் எடுத்துக்கொண்ட புகைப்படங்கள் உள்ளிட்டவற்றை கேட்டுள்ளார். தொடர்ந்து அவருடன் பேசி வந்த நீலமேகம், மாணவியை கார்த்திக்கிற்கே திருமணம் செய்து வைப்பதாகவும் கூறி வந்ததாக தெரிகிறது. நேற்று முன் தினம் கார்த்திக்கை மது அருந்த அழைத்துச்சென்ற நீலமேகம், கார்த்திக்கை அடித்து கொன்றுவிட்டு, தற்கொலை போல் சித்திரித்து விட்டதாக கார்த்திக்கின் பெற்றோர் குற்றம்சாட்டுகின்றனர். இந்நிலையில் உண்மையான குற்றவாளிகளை கைது செய்யும்படி பலியான இளைஞரின் பெற்றோர் கேட்டுக்கொண்டுள்ளனர். 

வீடியோ

Advertisement:
Advertisement:
Advertisement:
[X] Close