[X] Close
JUST IN
  • BREAKING-NEWS கர்நாடகாவின் கிருஷ்ணராஜ சாகர் அணையில் விநாடிக்கு 60 ஆயிரம் கன அடி உபரி நீர் திறப்பு
  • BREAKING-NEWS சத்தீஸ்கர்: பர்தாபூரில் நக்சலைட்டுகள் நடத்திய தாக்குதலில் 2 பி.எஸ்.எப் வீரர்கள் உயிரிழப்பு
  • BREAKING-NEWS நியூட்ரினோ திட்டத்தால் சுற்றுச்சூழலுக்கு பாதிப்பு ஏற்படாது- திட்ட இயக்குநர் விவேக் தத்தார்
  • BREAKING-NEWS நெல்லை: குற்றாலம் பிரதான அருவியில் வெள்ளப்பெருக்கால் சுற்றுலா பயணிகள் குளிக்கத்தடை
  • BREAKING-NEWS காங்கிரஸ் கட்சி மூன்றாவது கூட்டணிக்கு முயற்சிப்பதாக வதந்தி பரப்பப்படுகின்றது- புதுச்சேரி முதலமைச்சர் நாராயணசாமி
  • BREAKING-NEWS ஆதார் திட்டத்தினால் இந்தியாவிற்கு ரூ.90,000 கோடி மிச்சம்- இந்திய தனித்துவ அடையாள ஆணையத்தின் தலைவர் சத்யநாராயணா
  • BREAKING-NEWS தமிழகத்தில் திராவிடக் கட்சிகளை யாராலும் வீழ்த்த முடியாது - தம்பிதுரை எம்.பி

அத்தையை கொன்று டிராக்டரில் நசுக்கிய மருமகன்!

two-murdered-in-trichy

கொடுத்த கடனை திருப்பி கேட்டதால் அத்தை மற்றும் அவர் மகனை அடித்துக்கொன்ற மருமகனை போலீசார் தேடி வருகின்றனர்.

திருச்சி மாவட்டம், லால்குடி அருகேயுள்ள புள்ளம்பாடி ஊராட்சி ஒன்றியத்தைச் சேர்ந்தது வெங்கடாஜலபுரம் ஊராட்சி. இதன் முன்னாள் தலைவர் ராமசாமி. இவர் தனது தங்கை தனபாப்புவிடம் கடன் கேட்டாராம். அண்ணனுக்காக சிலரிடம் கடன் வாங்கி ரூ. 10 லட்சத்துக்கும் மேல் கொடுத்தார் தனபாப்பு. இந்நிலையில் ராமசாமி சில வருடங்களுக்கு முன் தற்கொலை செய்து கொண்டார். தந்தை உயிரிழந்ததால் அவர் மகன் ராஜகோபால் மனநிலை பாதிக்கப்பட்டார். சிகிச்சைக்கு பின் இப்போது நல்ல நிலையில் இருக்கிறார்.

இந்நிலையில் கடன் கொடுத்தவர்கள் தனபாப்புவிடம், பணத்தைத் திருப்பிக் கேட்டுள்ளனர். தனபாப்பு தனது அண்ணன் மகன் ராஜகோபாலிடம் கேட்டுள்ளார். அவர் தருகிறேன் என்று சொன்னாராம். அடிக்கடிக் கேட்டு வற்புறுத்தினாராம் தனபாப்பு.

இதனால் கோபமான ராஜகோபால், தனபாப்பு வீட்டுக்கு நேற்று முன் தினம் வந்துள்ளார். வீட்டில் அத்தை தனபாப்பும் அவர் மகன் சத்தியமூர்த்தியும் தூங்கிக்கொண்டிருந்தனர். இருவரையும் இரும்பால் தலையில் அடித்து கொலை செய்த ராஜகோபால், இருவரது சடலத்தையும் வீட்டிற்கு வெளியே கொண்டு வந்து டிராக்டரில் ஏற்றி நசுக்கியுள்ளார்.

பின்னர் வீட்டின் வாசல் முன்பு சடலங்களை போட்டுவிட்டு, டிராக்டரையும் விட்டு விட்டு தப்பியோடினார். தகவலறிந்து சம்பவ இடத்திற்கு வந்த போலீசார், உடல்களை ஆஸ்பத்திரிக்கு அனுப்பினர். ராஜகோபாலை தேடி வருகின்றனர். சொந்த மருமகனே அத்தையை கொன்ற சம்பவம் அந்தப்பகுதியில் பரபரப்பை ஏற்படுத்தியுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close