[X] Close
JUST IN
  • BREAKING-NEWS மக்களவையில் குடியுரிமை சட்டத்திருத்த மசோதாவின் நகலை இந்திய மஜ்லிஸ்-ஈ-இத்ஹதுல் முஸ்லிமன் கட்சி தலைவர் அசாதுதீன் ஓவைசி கிழித்ததால் பரபரப்பு
  • BREAKING-NEWS குடியுரிமை திருத்த மசோதாவுக்கு தேசியவாத காங்கிரஸ், தெலங்கானா ராஷ்டிர சமிதி, பகுஜன் சமாஜ், சமாஜ்வாடி கட்சிகள் எதிர்ப்பு
  • BREAKING-NEWS குடியுரிமை திருத்த மசோதாவில் இலங்கை சிறுபான்மையினரையும் சேருங்கள் - பிரசன்னா ஆச்சார்யா, பிஜூ ஜனதாதளம் எம்.பி
  • BREAKING-NEWS குடியுரிமை சட்டத்தில் திருத்தம் கொண்டு வரும் மசோதாவிற்கு தெலங்கானா ராஷ்டிரிய சமிதி கட்சி எதிர்ப்பு
  • BREAKING-NEWS 2009 மக்களவை தேர்தல் வெற்றிக்கு எதிரான வழக்கு: ப.சிதம்பரம் ஆஜராக மேலும் ஒரு மாதம் அவகாசம்
  • BREAKING-NEWS நித்யானந்தா எங்கிருக்கிறார்? - டிச. 12க்குள் கர்நாடக அரசு மற்றும் காவல்துறை அறிக்கை அளிக்க அம்மாநில உயர்நீதிமன்றம் உத்தரவு
  • BREAKING-NEWS மக்களவையில் ஆயுதச் சட்டத்திருத்த மசோதா நிறைவேற்றப்பட்டது

கங்கனா தயாரிப்பில் சினிமாவாகும் ராம ஜென்மபூமி கதை!

kangana-announces-a-film-on-ram-mandir-titled-aparajitha-ayodhya

ராம ஜென்ம பூமி பின்னணியை கதையாகக் கொண்ட படத்தை நடிகை கங்கனா ரனவத் தயாரிக்கிறார். 

பிரபல இந்தி நடிகை கங்கனா ரனவத். இவர் தமிழில் ஜெயம் ரவிக்கு ஜோடியாக ’தாம் தூம்’ படத்தில் நடித்திருந்தார். இப்போது ஜெயலலிதாவின் வாழ்க்கைக் கதையான ’தலைவி’ யில் நடித்து வருகிறார். இந்தப் படத்தின் பர்ஸ்ட் லுக் போஸ்டர் சமீபத்தில் வெளியாகி பரபரப்பை ஏற்படுத்தியுள்ளது.

சமீபத்தில் அவர் அளித்த பேட்டியில், சொந்தமாக படம் தயாரிக்க இருப்பதாகத் தெரிவித்திருந்தார். தற்போது அந்தப் படம் பற்றிய தகவல் வெளியாகி இருக்கிறது. அயோத்தி பிரச்னையை மையப்படுத்திய ’அபராஜிதா அயோத்யா’ என்ற படத்தை அவர் தயாரிக்கிறார். இதன் கதையை இயக்குனர் எஸ்.எஸ்.ராஜமவுலியின் தந்தை விஜயேந்திர பிரசாத் எழுதுகிறார்.

இதுபற்றி கங்கனா கூறும்போது, ‘’கடந்த நூறு வருடமாக எரியும் பிரச்னையாக இருந்து வந்த அயோத்தி விவகாரம் சமீபத்தில் வெளியான தீர்ப்பின் மூலம் முடிவுக்கு வந்திருக்கிறது. ’அபராஜிதா அயோத்யா’ படத்தில், ஆன்மிக நம்பிக்கை இல்லாதவனாக இருக்கும் நாயகன் நம்பிக்கைக் கொண்டவனாக எப்படி மாறுகிறான் என்பதைச் சொல்கிறோம். எனது சொந்த வாழ்வையும் இந்தக் கதை பிரதிபலிப்பதால், எனது முதல் தயாரிப்பாக இந்தப் படத்தைத் தேர்வு செய்தேன்’ என்றார் கங்கனா.

மேலும் கூறும்போது, ‘ அயோத்தி விவகாரத்தில் நமது ஒற்றுமை, மதச்சார்பின்மை உணர்வை சீர்குலைக்க வாய்ப்பிருந்தும் நாம் தேச பக்தர்களாக இருந்தோம். நாட்டின் மீது விசுவாசம் கொண்டவர்களாக இருந்தோம். அதனால்தான் ’அபராஜிதா’ என்ற வார்த்தையை அயோத்தி என்ற டைட்டிலுக்கு முன் சேர்த்தோம். அதற்கு வெல்லப்பட முடியாதவன் என்று அர்த்தம்’’ என்றார் கங்கனா. 
 

Advertisement:
இது தொடர்பான செய்திகள் :
Advertisement:
Advertisement:
[X] Close