[X] Close
JUST IN
  • BREAKING-NEWS மக்களவையில் குடியுரிமை சட்டத்திருத்த மசோதாவின் நகலை இந்திய மஜ்லிஸ்-ஈ-இத்ஹதுல் முஸ்லிமன் கட்சி தலைவர் அசாதுதீன் ஓவைசி கிழித்ததால் பரபரப்பு
  • BREAKING-NEWS குடியுரிமை திருத்த மசோதாவுக்கு தேசியவாத காங்கிரஸ், தெலங்கானா ராஷ்டிர சமிதி, பகுஜன் சமாஜ், சமாஜ்வாடி கட்சிகள் எதிர்ப்பு
  • BREAKING-NEWS குடியுரிமை திருத்த மசோதாவில் இலங்கை சிறுபான்மையினரையும் சேருங்கள் - பிரசன்னா ஆச்சார்யா, பிஜூ ஜனதாதளம் எம்.பி
  • BREAKING-NEWS குடியுரிமை சட்டத்தில் திருத்தம் கொண்டு வரும் மசோதாவிற்கு தெலங்கானா ராஷ்டிரிய சமிதி கட்சி எதிர்ப்பு
  • BREAKING-NEWS 2009 மக்களவை தேர்தல் வெற்றிக்கு எதிரான வழக்கு: ப.சிதம்பரம் ஆஜராக மேலும் ஒரு மாதம் அவகாசம்
  • BREAKING-NEWS நித்யானந்தா எங்கிருக்கிறார்? - டிச. 12க்குள் கர்நாடக அரசு மற்றும் காவல்துறை அறிக்கை அளிக்க அம்மாநில உயர்நீதிமன்றம் உத்தரவு
  • BREAKING-NEWS மக்களவையில் ஆயுதச் சட்டத்திருத்த மசோதா நிறைவேற்றப்பட்டது

ராஜமவுலி படத்தில் 3 ஹாலிவுட் நட்சத்திரங்கள்: அதிகாரப்பூர்வ அறிவிப்பு

alison-doody-olivia-morris-and-ray-stevenson-join-rajamouli-s-rrr

ராஜமவுலி இயக்கி வரும் ’ஆர்ஆர்ஆர்’ படத்தில் 3 ஹாலிவுட் நட்சத்திரங்கள் நடிக்கின்றனர் என்று அதிகாரப்பூர்வமாக அறிவிக்கப்பட்டுள்ளது. 

'பாகுபலி'-க்குப் பிறகு ராஜமவுலி இயக்கும் படத்தில், தெலுங்கு சினிமாவின் டாப் ஹீரோக்களான ஜூனியர் என்டிஆர், ராம்சரண் தேஜா இணைந்து நடிக்கின்றனர். தற்காலிகமாக ’ஆர்ஆர்ஆர்’ (RRR ) என டைட்டில் வைக்கப்பட்டுள்ள இந்தப் படம், 300 கோடி ரூபாய் பட்ஜெட்டில் உருவாகி வருவதாகக் கூறப்படுகிறது. இதன் கதை, சுதந்திர போராட்ட வீரர்களான அல்லுரி சித்ராமஜூ, கொமரம் பீம் ஆகியோர் வாழ்க்கையைத் தழுவி எழுதப்பட்டுள்ளது. ராஜமவுலியின் தந்தை விஜயேந்திர பிரசாத் கதையை எழுதியுள்ளார்.

பிரபல இந்தி நடிகர் அஜய் தேவ்கன், சமுத்திரகனி, ஆலியா பட் உட்பட பலர் இதில் நடிக்கின்றனர். படம் அடுத்த ஆண்டு ஜூலை 30 ஆம் தேதி, வெளியாக இருக்கிறது.

இந்தப் படத்தில் ஜூனியர் என்.டி.ஆர் ஜோடியாக நடிக்க ஒப்பந்தமாகி இருந்த பிரிட்டீஸ் நடிகை, டெய்சி எட்கர் ஜோன்ஸ் திடீரென விலகினார். அவருக்குப் பதிலாக வேறு நடிகையை தேடி வந்தனர். யாரும் செட் ஆகாததால் அந்த கேரக்டரை கைவிட்டு விட்டதாக டோலிவுட்டில் செய்தி வெளியானது. 

(ஜூனியர் என்.டி.ஆர், டெய்சி எட்கர் ஜோன்ஸ்)

இந்நிலையில் அதை மறுக்கும் விதமாக, இந்தப் படத்தின் அதிகாரப்பூர்வ சமூக வலைத்தள பக்கத்தில் செய்தி வெளியிடப்பட்டுள்ளது. அதில் ஹாலிவுட் நடிகை ஒலிவியா மோரிஸ், ஜெனிஃபர் என்ற கேரக்டரில் நடிக்கிறார் என்று தெரிவிக்கப்பட்டுள்ளது. இவர் ஜூனியர் என்.டி.ஆர் ஜோடியாக நடிக்கிறார். 

மேலும் ’தோர்’, ’கிங் ஆர்தர்’ உட்பட பல ஹாலிவுட் படங்களில் நடித்துள்ள ரேய் ஸ்டீவன்சன், ஜேம்ஸ்பாண்ட் படமான ’எ வியூ டு கில்’, ’இண்டியானா ஜோன்ஸ்’, ‘த லாஸ்ட் குருசேட்’ உட்பட பல படங்களில் நடித்துள்ள ஐரிஸ் நடிகை அலிசான் டூடி ஆகியோரும் இந்தப் படத்துக்காக ஒப்பந்தமாகியுள்ளனர். 

Advertisement:
இது தொடர்பான செய்திகள் :
Advertisement:
Advertisement:
[X] Close