[X] Close
JUST IN
  • BREAKING-NEWS தமிழகத்தில் புதிய மாவட்டங்கள் பிரிக்கப்பட்டதற்கான அரசாணை வெளியீடு.
  • BREAKING-NEWS சென்னையில் பெட்ரோல் லிட்டருக்கு ரூ. 76.18 காசுகளாகவும், டீசல் லிட்டருக்கு ரூ. 69.54 காசுகளாகவும் விலை நிர்ணயம்
  • BREAKING-NEWS மகாராஷ்டிராவில் குடியரசுத் தலைவர் ஆட்சி அமல்: குரூர நகைச்சுவை என காங்கிரஸ் கண்டனம்
  • BREAKING-NEWS தென் பெண்ணை ஆற்றில் கர்நாடகா கட்டும் அணைக்கு எதிராக தமிழக அரசு தாக்கல் செய்த வழக்கு: உச்நீதிமன்றம் இன்று தீர்ப்பு
  • BREAKING-NEWS இலங்கை அதிபர் தேர்தலுக்கான பரப்புரை இன்றுடன் ஓய்கிறது

தர்பார் மோஷன் போஸ்டரை வெளியிடுகிறார் கமல்ஹாசன் !

darbar-motion-poster-will-be-released-by-actor-kamalhassan

ரஜினிகாந்த் நடிப்பில் உருவாகியிருக்கும் "தர்பார்" படத்தின் மோஷன் போஸ்டர் மற்றும் தீம் மியூசிக்கை நடிகர் கமல்ஹாசன் வெளியிட இருப்பதாக இயக்குநர் முருகதாஸ் தன்னுடைய ட்விட்டர் பக்கத்தில் தெரிவித்துள்ளார்.

Image

இது தொடர்பாக ட்விட்டரில் பதிவிட்ட முருகதாஸ் "தர்பார் மோஷன் போஸ்டரை கமல்ஹாசன் நாளை வெளியிடுகிறார். அதேபோல பாலிவுட்டுக்காக நடிகர் சல்மான் கானும், மலையாள திரையுலகத்துக்காக நடிகர் மோகன்லாலும் வெளியிடுகின்றனர். நாளை நம்ம தலைவர் ரஜினிகாந்த்தை பார்ப்போம், அனிருத்தின் மாஸ் தீம் மியூசிக்குடன்" என பதிவிட்டுள்ளார். மேலும் தர்பார் படத்தின் மோஷன் போஸ்டர் நாளை மாலை 5.30 மணிக்கு வெளியிடப்படும் என தெரிவிக்கப்பட்டுள்ளது.

Image

இப்படத்தின் இசையமைப்பாளர் அனிருத் கடந்த மாதம் தனது ட்விட்டர் பக்கத்தில் "கமல் பிறந்த நாளான நவம்பர் 7-ஆம் தேதி ரஜினி நடிப்பில் உருவாகியிருக்கும் தர்பார் படத்தின் மோஷன் போஸ்டரும், தீம் மியூசிக்கும் வெளியாகும்" எனத் தெரிவித்திருந்தார். 

Image

இந்தப் படத்தில் ரஜினிக்கு ஜோடியாக நயன்தாரா நடித்து வருகிறார். படத்திற்கு அனிருத் இசையமைக்கிறார். ஏற்கெனவே ரஜினி நடிப்பில் வெளியான ‘பேட்ட’ திரைப்படத்திற்கு அனிருத் இசையமைத்திருந்தார். லைகா நிறுவனம் ‘தர்பார்’ திரைப்படத்தை தயாரித்து வருகிறது. இந்தத் திரைப்படத்தில் ரஜினி காவல்துறை அதிகாரியாக நடிக்கிறார் என்பதால் படத்தின் மீதான எதிர்பார்ப்பு அதிகரித்துள்ளது. 

Advertisement:
இது தொடர்பான செய்திகள் :
Advertisement:
Advertisement:
[X] Close