[X] Close
JUST IN
  • BREAKING-NEWS டெங்கு கொசு ஒழிப்புப் பணியில் மெத்தனம் காட்டியதாக 50 தற்காலிக பணியாளர்கள் டிஸ்மிஸ்: வேலூர் ஆட்சியர் நடவடிக்கை
  • BREAKING-NEWS ராதாபுரம் தொகுதி மறுவாக்கு எண்ணிக்கையின் முடிவை வரும் 22-ஆம் தேதி வரை வெளியிட தடை நீட்டிப்பு
  • BREAKING-NEWS சபரிமலை வழக்கில் நாளை காலை தீர்ப்பு
  • BREAKING-NEWS தமிழகத்தில் புதிய மாவட்டங்கள் பிரிக்கப்பட்டதற்கான அரசாணை வெளியீடு.
  • BREAKING-NEWS மகாராஷ்டிராவில் குடியரசுத் தலைவர் ஆட்சி அமல்: குரூர நகைச்சுவை என காங்கிரஸ் கண்டனம்

“மாமனிதன் எப்போது வெளியாகும் என என்னைக் கேட்காதீங்க” - சீனு ராமசாமி 

seenu-ramasamy-tweets-about-maamanithan

‘இடம் பொருள் ஏவல்’, ‘மாமனிதன்’ வெளியீடு சம்பந்தமாக சீனு ராமசாமி ட்விட்டரில் ஒரு பதிவை வெளியிட்டுள்ளார். 

‘கூடல்நகர்’ படத்தின் மூலம் தமிழ் சினிமாவில் இயக்குநராக அறிமுகமானவர் சீனு ராமசாமி. அதன் பிறகு இவர் எடுத்த ‘தென்மேற்கு பருவக் காற்று’ படம் மிகப் பெரிய வரவேற்பை பெற்றது. சிறந்த திரைப்படத்திற்கான தேசிய விருதும் இதற்கு கிடைத்தது.  இந்தப் படத்தின் மூலம்தான் விஜய்சேதுபதி நாயகனாக அறிமுகமானார்.

அதன் பிறகு இவருக்கு தமிழ் சினிமாவில் அனைத்து படங்களுமே ஏறுமுகம்தான். இதனை அடுத்து ‘நீர்பறவை’, ‘தர்மதுரை’ எனப் பல படங்களை சீனுராமசாமி இயக்கினார். 

இவர் லிங்குசாமி தயாரிப்பில் விஜய் சேதுபதி மற்றும் விஷ்ணு விஷாலை வைத்து எடுத்த இடம் பொருள் ஏவல்’ திரைப்படம் வெளியாகவில்லை. சில வருடங்களாகவே பொருளாதார நெருக்கடியில் சிக்கித் தவிக்கிறது அந்தப் படம். இப்படம் வெளியாவதற்கு முன்பே விஜய் சேதுபதியை வைத்து மீண்டும் ‘மாமனிதன்’ என்ற படத்தை இவர் இயக்கி வந்தார்.

இந்நிலையில் இந்த இரு படங்கள் குறித்தும் சீனு ராமசாமி தனது ட்விட்டர் பக்கத்தில் ஒரு தகவலை பகிர்ந்து கொண்டுள்ளார். அதில்,  “விஜய் சேதுபதி & விஷ்ணு விஷால் நடித்த ‘இடம் பொருள் ஏவல்’ மற்றும் விஜய் சேதுபதி நடித்த ‘மாமனிதன்’ இந்த இரண்டு படங்களில் இயக்குநராக என் பணி முடிந்து விட்டது. வெளியீடு சம்பந்தமான தகவல்களை என்னிடம் கேட்கும் அன்பர்களே.. நீங்கள் கேட்கக் வேண்டிவர்கள் லிங்குசாமியும் யுவன் சங்கர் ராஜாவும்தான்” என்று குறிப்பிட்டுள்ளார்.

தொடர்ந்து இரு படங்களை இயக்கி முடித்த இவர், அது வெளியாவதில் தாமதம் நிலவுவதால் இவ்வாறு குறிப்பிட்டுள்ளதாக கூறப்படுகிறது.  

Advertisement:
இது தொடர்பான செய்திகள் :
Advertisement:
Advertisement:
[X] Close