[X] Close
JUST IN
  • BREAKING-NEWS சபரிமலை வழக்கில் நாளை காலை தீர்ப்பு
  • BREAKING-NEWS தமிழகத்தில் புதிய மாவட்டங்கள் பிரிக்கப்பட்டதற்கான அரசாணை வெளியீடு.
  • BREAKING-NEWS சென்னையில் பெட்ரோல் லிட்டருக்கு ரூ. 76.18 காசுகளாகவும், டீசல் லிட்டருக்கு ரூ. 69.54 காசுகளாகவும் விலை நிர்ணயம்
  • BREAKING-NEWS மகாராஷ்டிராவில் குடியரசுத் தலைவர் ஆட்சி அமல்: குரூர நகைச்சுவை என காங்கிரஸ் கண்டனம்
  • BREAKING-NEWS தென் பெண்ணை ஆற்றில் கர்நாடகா கட்டும் அணைக்கு எதிராக தமிழக அரசு தாக்கல் செய்த வழக்கு: உச்நீதிமன்றம் இன்று தீர்ப்பு
  • BREAKING-NEWS இலங்கை அதிபர் தேர்தலுக்கான பரப்புரை இன்றுடன் ஓய்கிறது

’புகாரைச் சந்திக்க தயார்’: நடிகை மஞ்சு வாரியருக்கு இயக்குநர் பதில்!

director-shrikumar-menon-responds-to-manju-warrier-s-complaint

நடிகை மஞ்சு வாரியர், தன் மீது கூறியுள்ள புகாரைச் சந்திக்கத் தயாராக இருப்பதாக இயக்குநர் ஸ்ரீகுமார் மேனன் தெரிவித்துள்ளார்.

மலையாள திரைப்பட இயக்குநர் ஸ்ரீகுமார் மேனன். இவர் கல்யாண் ஜூவல்லர்ஸ், மலப்புரம் கோல்ட் உட்பட பல முன்னணி விளம்பர படங்களை இயக்கியவர்.  இவர், மோகன்லால், மஞ்சுவாரியர், பிரகாஷ் ராஜ் நடித்த ‘ஒடியன்’ என்ற படத்தை கடந்த 2018 ஆம் ஆண்டு இயக்கினார். அடுத்து அவர் எம்.டி.வாசுதேவ நாயரின் ’ரெண்டாம்மூழம்’ நாவலை மையமாக வைத்து மகாபாரத கதையை படமாக்குவதாக இருந்தது. இதில் மோகன்லால் நடிப்பதாக அறிவிக்கப்பட்டது. தாமதமானதால் கதையை வாசுதேவன் நாயர் திரும்பி வாங்கிவிட்டார். இந்த சர்ச்சை அப்போது கேரளாவில் பரபரப்பாகப் பேசப்பட்டது. 

இந்நிலையில் இயக்குநர் ஸ்ரீகுமாருக்கு எதிராக நடிகை மஞ்சு வாரியார், கேரள டிஜிபியிடம் புகார் அளித்துள்ளார்.  அதில், ’ஓடியன் பட ரிலீஸுக்குப் பிறகு இயக்குநர் ஸ்ரீகுமார், சமூக வலைத்தளங்களில் என்னைத் தொடர்ந்து அவமானப்படுத்தி வருகிறார். இதை கண்டுகொள்ளாமல் இருந்தேன். ஆனால் அவரும் அவர் நணபர் மாத்யூ சாமுவேலும் (தெஹல்காவின் முன்னாள் மானேஜிங் எடிட்டர்) எனக்கு எதிராக அவதூறுகளைத் தொடர்ந்து பரப்பி வருகின்றனர். அவர்களால் எனது உயிருக்கு ஆபத்து ஏற்படும் என்று அஞ்சுகிறேன்’’ என்று கூறியுள்ளார்.  இந்த புகார் கேரளாவில் பரபரப்பை ஏற்படுத்தியது.

இந்நிலையில், மஞ்சு வாரியரின் இந்தப் புகாருக்கு இயக்குநர் ஸ்ரீகுமார் மேனன் பதிலளித்துள்ளார். சமூக வலைத்தளத்தில் அவர் கூறியுள்ள பதிலில், ‘பத்திரிகைகளில் பார்த்தே உங்கள் புகாரைத் தெரிந்துகொண்டேன். ‘காரியம் முடிந்ததும் கைவிட்டுவிட்டு செல்பவர்தான் மஞ்சுவாரியர், அவரை நம்ப வேண்டாம்’ என்று என்னிடம் பலர் கூறியிருக்கிறார்கள். திலீப்பை பிரிந்து வீட்டை விட்டு வெளியே வரும் போது, வெறும் ஆயிரத்து ஐநூறு ரூபாய் மட்டுமே இருக்கிறது என்று சொன்னதை நான் மறக்கவில்லை. அப்போது ரூ.25 லட்சம் கொடுத்து விளம்பர படத்துக்கும் சினிமாவுக்கு ஒப்பந்தம் செய்தேன்.

அப்போது, அந்த குருவாயூரப்பனே வந்து உதவி செய்ததாக நீங்கள் சொன்னதும் ஞாபகத்தில் இருக்கிறது. உங்களுக்கு நான் என்ன துரோகம் செய்தேன் என்று தெரியவில்லை. உங்களால் ஏராளமான மிரட்டல்களையும் அவமானங்களையும் நான் சந்தித்துவிட்டேன். என் மீதான உங்கள் புகாரை சட்டப்படி சந்திக்கத் தயாராக இருக்கிறேன்’ என்று தெரிவித்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close