[X] Close
JUST IN
  • BREAKING-NEWS மு.க.ஸ்டாலின் மிசா சட்டத்தின் கீழ் கைதாகவில்லை என நான் கூறவில்லை - அமைச்சர் மாஃபா பாண்டியராஜன்
  • BREAKING-NEWS மகாராஷ்டிராவில் குடியரசுத் தலைவர் ஆட்சி அமலானதை எதிர்க்கட்சிகள் அரசியலாக்குகின்றன - உள்துறை அமைச்சர் அமித்ஷா
  • BREAKING-NEWS சென்னை ஐஐடி மாணவி பாத்திமா லத்தீப் மரணம் குறித்து சிபிசிஐடி விசாரிக்க வேண்டும்; சாதி, மத ரீதியிலான பாரபட்சம் காட்டிய பேராசிரியர் மீது உரிய நடவடிக்கை எடுக்க வேண்டும் - ஜவாஹிருல்லா
  • BREAKING-NEWS தமிழ்நாடு கிரிக்கெட் சங்கம் ரூ.2,081 கோடி வாடகை பாக்கியை வசூல் செய்யாமல் ரூ.250 கோடியாக குறைக்க பேரம் நடப்பதாக தகவல் - ஸ்டாலின் ட்வீட்
  • BREAKING-NEWS டெல்லியில் காற்று மாசு காரணமாக மேலும் 2 நாட்களுக்கு பள்ளிகளை மூட வேண்டும் - டெல்லி அரசுக்கு மாநில மாசுக் கட்டுப்பாடு வாரியம் பரிந்து
  • BREAKING-NEWS உத்தர பிரதேசம்: காற்று மாசு காரணமாக கவுதம புத்தா நகர் மாவட்டத்தில் நவ.14, 15ஆம் தேதிகளில் அனைத்து பள்ளிகளுக்கும் விடுமுறை அறிவிப்பு

’அவங்க சொல்லட்டும் முதல்ல...’: புது மோதலில் ’பிகில்’, ’கைதி’ டீம்!

release-date-issue-for-bigil-and-kaithi

விஜய்யின் ’பிகிலும்’, கார்த்தியின் ’கைதி’யும் தீபாவளிக்கு வருவது உறுதியாகிவிட்டது. அன்று வருவதாக அறிவிக்கப்பட்டிருந்த விஜய் சேதுபதியின் ’சங்கத்தமிழன்’ தள்ளிவைக்கப்பட்டுள்ளது.

பிகிலில், விஜய் கால்பந்து பயிற்சியாளராக நடிக்கிறார். நயன்தாரா, விவேக், கதிர், ஜாக்கி ஷெராப், டேனியல் பாலாஜி உட்பட பலர் நடித்துள்ளனர். ஏஜிஎஸ் என்டர்டெயின்மென்ட் தயாரித்துள்ள இந்த ’வெறித்தனத்துக்கு’ ஏ.ஆர்.ரகுமான் இசைமைத்துள்ளார். இந்தப் படத்தின் டிரைலர் சமீபத்தில் வெளியாகி, வரவேற்பைப் பெற்றுள்ளது. 

கார்த்தி நடித்துள்ள ’கைதி’யை லோகேஷ் கனகராஜ் இயக்கி இருக்கிறார். இவர் ’மாநகரம்’ படத்தை இயக்கியவர். நரன், ஜார்ஜ் மரியம், ரமணா, யோகி பாபு உட்பட பலர் நடித்துள்ள இந்தப் படத்தை ட்ரீம்வாரியர் பிக்சர்ஸ் தயாரித்துள்ளது. இதில் கார்த்திக்கு ஹீரோயின் கிடையாது. முழுக்க இரவில் படமாகியுள்ள இந்தப் படத்தின் டிரைலருக்கும் நல்ல வரவேற்பு கிடைத்துள்ளது. இரண்டு படத்துக்கும் யு/ஏ சான்றிதழ் வழங்கி இருக்கிறது தணிக்கை குழு.

இரண்டுமே தீபாவளி ரிலீஸ் என்று அறிவித்திருந்தாலும், ஒரே நாளில் இரண்டு படங்களையும் ரிலீஸ் செய்ய வேண்டாம் என்றும் அதனால் வசூல் பாதிக்கப்படும் என்றும் வினியோகஸ்தர்கள் சிலர் கூறியுள்ளனர். தீபாவளி, ஞாயிற்றுக்கிழமை என்பதால், ஒரு படத்தை அதற்கு முன்பே வெள்ளிக்கிழமை வெளியிடுமாறு அவர்கள் கூறியுள்ளதாகத் தெரிகிறது. ஆனால், அதை ’பிகில்’ டீம் அறிவிக்கட்டும் என்று ’கைதி’ டீமும், ’கைதி’ டீம் அறிவிக்கட்டும் என ‘பிகில்’ டீமும் காத்திருப்பதாகச் சொல்கிறது கோடம்பாக்கம்! 

Advertisement:
இது தொடர்பான செய்திகள் :
Advertisement:
Advertisement:
[X] Close