[X] Close
JUST IN
  • BREAKING-NEWS அடுத்த ஆண்டு நடைபெறும் ஒலிம்பிக்கில் பங்கேற்க ரஷ்யாவுக்கு தடை
  • BREAKING-NEWS திருவண்ணாமலையில் பரணி தீபம் ஏற்றப்பட்டது: மாலையில் ஏற்றப்படும் மகா தீபத்திற்காக ஏற்பாடுகள் தீவிரம்
  • BREAKING-NEWS மக்களவையில் குடியுரிமை சட்டத் திருத்த மசோதா நிறைவேறியது குறித்து பிரதமர் மோடி மகிழ்ச்சி
  • BREAKING-NEWS நீண்ட விவாதத்திற்கு பிறகு மக்களவையில் குடியுரிமை சட்ட திருத்த மசோதா நள்ளிரவில் நிறைவேற்றம்

சீனாவிலும் வெளியாகிறது விஜய்யின் 'பிகில்'!

ags-entertainment-is-planning-to-release-bigil-in-china

விஜய் நடித்துள்ள ’பிகில்’ படத்தை சீனாவிலும் வெளியிடப் படக்குழுத் திட்டமிட்டுள்ளது.

விஜய், நயன்தாரா, விவேக், கதிர், ஜாக்கி ஷெராப், டேனியல் பாலாஜி உட்பட பலர் நடித்துள்ள படம், ’பிகில்’. ஏஜிஎஸ் என்டர்டெயின்மென்ட் தயாரிக்கும் இந்தப் படத்துக்கு ஏ.ஆர்.ரகுமான் இசைமைத்துள்ளார். இந்தப் படத்தின் டிரைலர் சமீபத்தில் வெளியாகி, ரசிகர்களிடையே வரவேற்பைப் பெற்றுள்ளது. கால்பந்தை மையப்படுத்தி உருவாக்கப்பட்டுள்ள இந்தப் படத்தில் விஜய், பயிற்சியாளராக நடிக்கிறார். 

மகளிர் கால்பந்து அணிக்கு பயிற்சியாளராக வரும் அவர், முன்னாள் கால்பந்து வீரர்.  சூழ்ச்சியால் விளையாட்டை விட்டு ஒதுங்கியிருக்கும் அவர், ஓர் அணியை வெற்றியடையச் செய்வதற்காக பயிற்சியாளராகக் களமிறங்குகிறார். அதிரடியான அவரது திட்டம் மற்றும் திறமை மூலம் மகளிர் கால்பந்து அணி, கோப்பையை வெல்கிறது. அது எப்படி என்பதுதான் கதை என்கிறார்கள்.

சுமார் 180 கோடி ரூபாயில் உருவாக்கப்பட்டுள்ள இந்தப் படம், வரும் 25 ஆம் தேதி ரிலீஸ் ஆகிறது. இதற்கிடையே இந்தப் படத்தை சீனாவிலும் வெளியிட படக்குழுத் திட்டமிட்டுள்ளது. 

சீனாவில் ஏற்கெனவே வெளியிடப்பட்ட அமிர்கானின் ’டங்கல்’, ஸ்ரீதேவி நடித்த ’மம்’ ஆகிய இந்தி படங்கள் நல்ல வசூலை குவித்திருப்பதால், இந்தப் படத்தையும் அங்கு வெளியிட ஏஜிஎஸ் என்டர்டெயின்மென்ட் நிறுவனம் திட்டமிட்டுள்ளது. 

Advertisement:
Advertisement:
Advertisement:
[X] Close