[X] Close
JUST IN
  • BREAKING-NEWS மறைமுகத் தேர்தல் முறை மூலம் சர்வாதிகார முறையில் தேர்தல் நடத்த அரசு முயன்றுள்ளது - மு.க.ஸ்டாலின்
  • BREAKING-NEWS மேயர் பதவிக்கு மறைமுகமாக தேர்தல் நடத்துவது ஜனநாயகத்திற்கு விரோதமானது - கே.எஸ்.அழகிரி
  • BREAKING-NEWS மறைமுகத் தேர்தல் என்பது சட்டத்திற்கு உட்பட்டதே; மறைமுகத் தேர்தலுக்கு அவசரச் சட்டம் பிறப்பித்தது வியூகம் என்பது அல்ல - அமைச்சர் ஜெயக்குமார்
  • BREAKING-NEWS எங்களுடைய செயல்பாட்டை ஏற்றுக்கொண்டு பாஜக கூட்டணிக்கு ரஜினியும், கமலும் வரலாம் - பொன்.ராதாகிருஷ்ணன்
  • BREAKING-NEWS மேயர், நகராட்சி, பேரூராட்சி தலைவர் பதவிகளுக்கு மறைமுக தேர்தல் நடத்துவதற்கான அவசரச் சட்டத்தை பிறப்பித்தது தமிழக அரசு
  • BREAKING-NEWS இலங்கை கடற்படையால் தமிழக மீனவர்கள் தாக்கப்படுவதும், கைது செய்யபப்டுவதும் இந்தாண்டு அதிகரித்துள்ளது - வெளியுறவுத்துறை அமைச்சகம்
  • BREAKING-NEWS மகாராஷ்டிராவில் சிவசேனாவுடன் இணைந்து கூட்டணி ஆட்சி அமைப்பதற்கு சோனியா காந்தி ஒப்புதல் எனத் தகவல்

விஜயுடன் மோதும் விஜய் சேதுபதி - தீபாவளி பரிசாக 3 பெரிய படங்கள்

box-office-bloodbath-karthi-s-kaithi-vs-vijay-s-bigil-vs-vijay-sethupathi-s-sanga-thamizhan

'விஜய் 64' படத்தில் இணைந்துள்ள விஜய் மற்றும் விஜய் சேதுபதி ஆகியோரின் தற்போதைய திரைப்படங்கள் வரும் தீபாவளிக்கு மோதிக்கொள்கின்றன. 

பண்டிகை நாட்கள் என்றாலே திரைப்படங்கள் வெளியாவது வழக்கம். இந்த விழா காலங்களில் முன்னணி நடிகர்களின் திரைப்படங்கள் திரையரங்குகளை ஆக்கிரமித்து விடும். இப்படி வெளியாகும் திரைப்படங்களினால் நடிகர்கள் மட்டுமின்றி அவர்களது ரசிகர்களும் இரட்டிப்பு மகிழ்ச்சி அடைவர். 

அதற்காகவே பண்டிகை நாட்களில் திரைப்படத்தை வெளியிட திரையுலகினர் முனைப்பு காட்டுவர். ஆனால் இந்த நிலை, கடந்த 2010ஆம் ஆண்டுக்குப் பிறகு தலைகீழாக மாறியது. விழாக்காலங்களில் வெளியாகும் திரைப்படங்களின் எண்ணிக்கை குறைந்து காணப்பட்டது. அத்திபூத்தாற் போல முன்னணி நடிகர்களின் திரைப்படம் வெளியாகும். ஆனால், கடந்த பொங்கல் அன்று ரஜினியின் பேட்ட, அஜித்தின் விஸ்வாசம், ஆகிய படங்கள் வெளியாகி பழைய நடைமுறையை மீட்டெடுத்தன. 

          

அந்த வகையில், வரும் தீபாவளிக்கு 3 முன்னணி நடிகர்களின் படங்கள் வெளியாகின்றன. விஜய் நடித்துள்ள‘பிகில்’,விஜய் சேதுபதியின் ‘சங்கத்தமிழன்’,கார்த்தியின் ‘கைதி’ ஆகிய திரைப்படங்கள் வெளியாகிறது என தயாரிப்பு நிறுவனங்கள் அறிவித்துள்ளன. தமிழகத்திலுள்ள மொத்தம் ஆயிரத்து 100 திரையரங்குகளில், விஜய் படத்திற்கு 500 திரையரங்குகளும், கார்த்தி மற்றும் விஜய் சேதுபதி படங்களுக்கு தலா 300 திரையங்குகளும் ஒதுக்கப்பட்டிருப்பதாக தகவல்கள் வெளியாகியுள்ளது.

தீபாவளிக்கு வெளியாக உள்ள மூன்று படங்களின் கலைஞர்கள் ஒரே படத்தில் இணைந்துள்ளனர். அதாவது ‘பிகில்’ படத்தின் நாயகன் விஜய், ‘சங்கத்தமிழன்’ ஹீரோ விஜய் சேதுபதி மற்றும் ‘கைதி’ படத்தின் இயக்குனர் லோகேஷ் கனகராஜ் ஆகியோர் 'விஜய் 64' படத்திற்காக இணைந்துள்ளனர். அந்தப் படத்தின் சூட்டிங் தற்போது தொடங்கியுள்ளது. எது எப்படியோ அடுத்த படத்தில் இணைந்து வேலை செய்யும் இந்த மூவரூம் தீபாவளிக்கு மோதிக்கொள்கின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close