[X] Close
JUST IN
  • BREAKING-NEWS ராஜீவ்காந்தி குறித்த பேச்சை திரும்பப் பெறமாட்டேன் - சீமான்
  • BREAKING-NEWS தூத்துக்குடி எம்.பி. கனிமொழியின் வெற்றியை எதிர்த்து தமிழிசை தொடர்ந்த மனுவை வாபஸ் பெற உயர்நீதிமன்றம் அனுமதி
  • BREAKING-NEWS இரண்டாயிரம் ரூபாய் நோட்டுகள் அச்சிடுவதை நிறுத்தியது ரிசர்வ் வங்கி
  • BREAKING-NEWS ராஜீவ் காந்தி கொலை குறித்து சர்ச்சை பேச்சு.. சீமான் மீது வழக்குப்பதிவு
  • BREAKING-NEWS முதல்வர் பதவியை ராஜினாமா செய்துவிட்டு தேர்தல் களத்தில் நேருக்கு நேர் மோதத் தயாரா..? முதல்வருக்கு மு.க.ஸ்டாலின் சவால்
  • BREAKING-NEWS பிசிசிஐ தலைவராகிறார் கங்குலி... அனைத்து மாநில சங்கங்கள் ஏகமனதாக தேர்வு செய்கின்றனர்.

பிரதமர் மோடி பற்றிய சினிமா: பர்ஸ்ட் லுக்கை வெளியிட்ட அக்‌ஷய், பிரபாஸ்!

akshay-kumar-prabhas-unveils-new-narendra-modi-biopic

பிரதமர் மோடி பற்றி, சஞ்சய் லீலா பன்சாலி தயாரித்துள்ள ’மன் பைராகி’ படத்தின் பர்ஸ்ட் லுக் போஸ்டரை நடிகர்கள் அக்‌ஷய் குமார், பிரபாஸ் ஆகியோர் சமூக வலைத்தளத்தில் இன்று வெளியிட்டனர். 

பிரதமர் நரேந்திர மோடியின் வாழ்க்கை கதை, ’பிஎம் நரேந்திர மோடி’ என்ற பெயரில் சினிமாவாக உருவானது. மேரி கோம், சரப்ஜித் ஆகியோரின் பயோபிக் படங்களை இயக்கிய ஓமங்க் குமார் இயக்கி இருந்தார். விவேக் ஓபராய், நரேந்திர மோடியாக நடித்திருந்தார். இந்தப் படம் மே 24 ஆம் தேதி ரிலீஸ் ஆனது.

இந்நிலையில், பிரதமர் நரேந்திர மோடிய பற்றி மற்றொரு படம் உருவாகிறது. ’மன் பைராகி’ (Mann bairagi- உலகின் மீது பற்றற்ற மனசு?) என்று தலைப்பு வைக்கப்பட்டுள்ள, இந்தப் படத்தை பிரபல இயக்குனரும் தயாரிப்பாளருமான சஞ்சய் லீலா பன்சாலி தயாரிக்கிறார். மகாவீர் ஜெயின் இணை தயாரிப்பு செய்கிறார். சஞ்சய் திரிபாதி எழுதி இயக்குகிறார். பிரதமர் மோடியின் இளமை கால வாழ்க்கையின் சொல்லப்படாத கதையாக இந்தப் படம் இருக்கும் என்று படக்குழுத் தெரிவித்துள்ளது.

‘இந்தக் கதை எல்லோருக்கும் பொருந்தக் கூடிய மெசேஜை கொண்டுள்ளது. பிரதமர் மோடியின் இளம் வயது வாழ்க்கையில் திருப்புமுனை ஏற்பட்ட விஷயங்களில் இருந்து பல்வேறு சம்பவங்களை சரியாக ஆய்வு செய்து கதை உருவாக்கப்பட்டுள்ளது. இந்தக் கதை கண்டிப்பாக சொல்லப்பட வேண்டும் என்று நினைத்ததால் உருவாக்கி இருக்கிறேன்’’ என்று சஞ்சய் லீலா பன்சாலி தெரிவித்துள்ளார்.

இதன் பர்ஸ்ட் லுக் போஸ்டர், பிரதமர் மோடியின் 69 வது பிறந்த நாளான இன்று வெளியிடப்பட்டது. பிரபல நடிகர் அக்‌ஷய்குமார் ட்விட்டரிலும், நடிகர் பிரபாஸ் இன்ஸ்டாகிராமிலும் பிரமதர் மோடிக்கு பிறந்த நாள் வாழ்த்துக்களை தெரிவித்து, பர்ஸ்ட் லுக்கை வெளியிட்டுள்ளனர்.

Advertisement:
இது தொடர்பான செய்திகள் :
Advertisement:
Advertisement:
[X] Close