[X] Close
JUST IN
  • BREAKING-NEWS 5,8 ஆம் வகுப்புகளுக்கான தேர்வு முறையில் தற்போதைய நடைமுறையே தொடரும் - அமைச்சர் செங்கோட்டையன்
  • BREAKING-NEWS பி.எப். வட்டி விகிதம் 8.55 சதவிகிதத்தில் இருந்து 8.65 சதவிகிதமாக அதிகரிப்பு
  • BREAKING-NEWS சுபஸ்ரீ உயிரிழந்த விவகாரம் - ஜெயகோபால் மீது மேலும் ஒரு வழக்குப்பதிவு
  • BREAKING-NEWS மும்பை பங்குச்சந்தை குறியீட்டெண் சென்செக்ஸ் 642 புள்ளிகள் சரிந்து 36,481ல் வர்த்தகம் நிறைவு
  • BREAKING-NEWS சென்னையில் மின்சாரம் தாக்கி சிறுவன் உயிரிழந்த சம்பவத்தில் மாநில மனித உரிமை ஆணையம் நோட்டீஸ்

எனை நோக்கி பாயும் தோட்டாவுக்கு மீண்டும் சிக்கல்: நாளையும் ரிலீஸ் இல்லை ?

will-dhanush-s-enai-noki-paayum-thota-get-a-release-on-september-6

‘எனை நோக்கி பாயும் தோட்டா’ திரைப்படம் நாளை வெளியாவதில் மீண்டும் சிக்கல் ஏற்பட்டுள்ளதாக தகவல்கள் வெளியாகியுள்ளன.

இயக்குநர் கவுதம் மேனன் தனுஷை வைத்து எடுத்துள்ள ‘எனை நோக்கி பாயும் தோட்டா’ திரைப்படம் நீண்ட நாட்களாக ரிலீஸ் ஆகாமல் இருந்து வருகிறது. பல்வேறு பிரச்னைகளால் ரிலீஸ் ஆவதில் சிக்கல் நீடித்து வருவதாகவும் கூறப்பட்டது. ரசிகர்கள் எதிர்பார்த்து காத்திருக்கும் நிலையில் எனை நோக்கி பாயும் தோட்டா’ ரிலீஸ் தொடர்பாக எந்த அறிவிப்பும் வெளிவராமலேயே இருந்தது. ஏற்கெனவே படத்தின் பாடல்கள் ரசிகர்களை கவர்ந்திருந்ததால், அந்த படத்துக்கு எதிர்பார்ப்பும் எகிறியது. 

இந்நிலையில் படத்தின் புதிய ட்ரெய்லரை வெளியிட்ட படக்குழு செப்டம்பர் 6ஆம் தேதி திரைப்படம் வெளியாகும் என்று அதிகாரப்பூர்வமாக அறிவித்தது. இதனை அடுத்து ரசிகர்கள் பலரும் சமூக வலைதளங்களில் எனை நோக்கி பாயும் தோட்டாவை எதிர்நோக்கி பதிவுகளையும் மீம்ஸ்களையும் பதிவிட்டனர்.

இந்நிலையில் அறிவிப்பு வெளியானது போல் படம் நாளை வெளியாகாது என சினிமா வட்டாரங்கள் தெரிவித்துள்ளன. படத்தை தயாரித்த நிறுவனத்துக்கு சில கடன்கள் நிலுவையில் இருப்பதால் அதனை தீர்ப்பதற்கான பேச்சுவார்த்தைகள் நடந்துக்கொண்டு இருக்கிறது. அந்தப் பிரச்னைகள் இன்றே தீர்க்கப்பட்டால் நாளை வெளியாகும் என சினிமா வட்டாரங்கள் தெரிவிக்கின்றன.

அப்படி இல்லையென்றால் செப்டம்பர் 7ம் தேதி வெளியிடப்படும் வாய்ப்புகள் இருப்பதாகவும் கூறப்படுகிறது. ஆனால் படத்தின் வெளியீட்டு தேதி தள்ளி வைக்கப்பட்டதாக அதிகாரப்பூர்வ தகவல் ஏதும் வெளியாகவில்லை.

Advertisement:
Related Tags : DhanushEnai Noki Paayum ThotaEnptEnpt releaseஎனை
Advertisement:
Advertisement:
[X] Close