[X] Close
JUST IN
  • BREAKING-NEWS தமிழகத்தில் இன்றும் மழை தொடரும் என வானிலை மையம் அறிவிப்பு
  • BREAKING-NEWS இடைத்தேர்தலில் போட்டியிடுவதற்காக விருப்பமனு அளித்தவர்களிடம் இன்று நேர்காணல் நடத்துகிறது அதிமுக
  • BREAKING-NEWS நாங்குநேரி, விக்கிரவாண்டி தொகுதி இடைத்தேர்தலுக்கான வேட்புமனுத்தாக்கல் இன்று தொடங்குகிறது
  • BREAKING-NEWS இந்தியாவுக்கு எதிரான டி20 போட்டி: தென்னாப்பிரிக்க அணி 9 விக்கெட் வித்தியாசத்தில் வெற்றி
  • BREAKING-NEWS தமிழகம் முழுவதும் கருணாநிதி சிலை திறக்கப்படும்: ஈரோட்டில் கருணாநிதி சிலையை திறந்து வைத்து மு.க.ஸ்டாலின் பேச்சு
  • BREAKING-NEWS இடைத்தேர்தலில் போட்டியிடும் நாம் தமிழர் கட்சி வேட்பாளர்கள் 25-ம் தேதி அறிவிக்கப்படுவார்கள்: சீமான்

ஆஸ்கரின் புதிய உறுப்பினர்களாக அனுராக் காஷ்யப், அனுபம் கெர் நியமனம்!

anupam-kher-anurag-kashyap-and-zoya-akhtar-are-new-members-invited-by-oscars-academy

ஆஸ்கர் அமைப்பின் புதிய உறுப்பினர்களாக இயக்குனர்கள் அனுராக் காஷ்யப், ஸோயா அக்தர், நடிகர் அனுபம் கெர் ஆகியோர் நியமிக்கப் பட்டுள்ளனர்.

ஆஸ்கர் விருதுகளில் பன்முகத்தன்மை இல்லை என்று எழுந்த விமர்சனத்தை அடுத்து, விருதுக்கானவர்களைத் தேர்வு செய்வதற்காக, புதிய உறுப்பினர்களை அழைக்க ஆஸ்கர் அமைப்பு முடிவு செய்தது. அதன்படி கடந்த சில வருடங்களாக புதிய உறுப்பினர்கள் அழைக்கப்பட்டு வருகின்றனர். அதன்படி, அடுத்த வருடம் நடக்கும் ஆஸ்கர் விருதுக்கு 59 நாடுகளில் இருந்து 842 புதிய உறுப்பினர்கள் நியமிக்கப் பட்டுள்ளனர். இதில் 21 பேர் ஆஸ்கர் விருது பெற்றவர்கள், 82 பேர் ஆஸ்கர் விருதுக்கு பரிந்துரைக்கப்பட்டவர்கள்.

இந்தியாவில் இருந்து இயக்குனர்கள் அனுராக் காஷ்யப், ஸோயா அக்தர், நடிகர் அனுபம் கெர் ஆகியோர் நியமிக்கப்பட்டுள்ளனர். அவர்களுக் கு அழைப்பு விடுக்கப்பட்டுள்ளது. அனுபம் கெர், பிரபல இந்தி நடிகர். ஹாலிவுட் படங்களில் நடித்து வருகிறார். இவர் நடிகர்களுக்கான பிரிவுக்கும் ஸோயா அக்தர் இயக்குனர்களுக்கான பிரிவுக்கும் அழைக்கப்பட்டுள்ளனர். இவர் பிரபல இந்தி பாடலாசிரியர் ஜாவேத் அக்தரின் மகள்.

நடிகரும் இயக்குனருமான அனுராக் காஷ்யப், குறும்படம் மற்றும் அனிமேஷன் பட பிரிவுக்கு உறுப்பினராக அழைக்கப்பட்டுள்ளார். 

(ஸோயா அக்தர்)

இவர்கள் தவிர, ’லஞ்ச் பாக்ஸ்’ என்ற இந்தி படத்தின் இயக்குனர் ரிதேஷ் பத்ரா, இந்திய வம்சாவளி நடிகர் ஆர்ச்சி பஞ்சாபி, ’லேட் நைட்’ இயக்கு னர் நிஷா கனட்ரா, ’பாகுபலி’, ’2.0’ படங்களின் விஷூவல் எபெக்ட் பிரிவில் பணியாற்றிய ஸ்ரீனீவாஸ் மோகன் ஆகியோரும் புதிய உறுப்பினர் களாக நியமிக்கப்பட்டுள்ளனர். இவர்கள், விருதுக்கானவர்களை வாக்களித்து தேர்வு செய்வார்கள். 

கடந்த வருடம், பாலிவுட் நட்சத்திரங்கள் ஷாருக்கான், நஸ்ருதீன் ஷா, மாதுரி தீட்சித், தபு உள்ளிட்டோரை ஆஸ்கர் அகாடமி உறுப்பினர்களாக நியமித்திருந்தது.

Advertisement:
இது தொடர்பான செய்திகள் :
Advertisement:
Advertisement:
[X] Close