[X] Close
JUST IN
  • BREAKING-NEWS ‘பிகில்’ சிறப்புக் காட்சிக்கு அனுமதி கேட்டு தமிழக அரசுக்கு கடிதம்
  • BREAKING-NEWS தமிழகத்தில் 6 புதிய மருத்துவக் கல்லூரிகள் தொடங்க மத்திய அரசு ஒப்புதல்
  • BREAKING-NEWS சென்னையில் பத்தாயிரம் ரூபாய் லஞ்சம் வாங்கியதாக காவல் ஆய்வாளர் கைது
  • BREAKING-NEWS தீபாவளிக்காக சென்னையில் 24 மணி நேரமும் மாநகரப் பேருந்துகள் இயங்கும் : போக்குவரத்து துறை

இளைய தளபதியில் இருந்து தளபதியான விஜய் ! ஒரு பாக்ஸ் ஆபிஸ் கிங் உருவான கதை

from-ilaya-thalapathy-to-thalapathy-vijay-how-actor-vijay-turns-as-box-office-king

ரசிகர்களால் இப்போது தளபதி என்று அன்போடு அழைக்கப்படுபவர் நடிகர் விஜய். என்றும் இளமை, எப்போதும் எளிமை என்பதே விஜயின் அடையாளம். இவருக்கு லட்சக்கணக்கான ரசிகர்கள் இருப்பதற்கு காரணமும் இதுதான். தந்தை எஸ்.ஏ.சந்திரசேகர் இயக்குநர் என்பதால் விஜய் எளிதில் திரைத்துறைக்கு வந்து கதாநாயகனாகிவிட்டார் என இவரை ஏளனம் செய்பவர் பலர். தந்தை இயக்குநராக இருந்ததால் விஜய் ஹீரோவாக உருவானார் என்பதில் யாருக்கும் எந்த சந்தேகமும் இல்லை, ஏன் இதை விஜய் கூட மறுக்கமாட்டார்.

Image result for நாளைய தீர்ப்பு விஜய்

ஆனால் வெற்றிகரமான கதாநாயகனாக மாறுவதற்கு விஜய் மட்டுமே காரணம். விநியோகஸ்தர்களின் மினிமம் கியாரண்டி ஹீரோவோக விஜய் பரிமாணம் பெறுவதற்கு அவர் கடந்து வந்த பாதையும், பெற்ற தோல்வியும் கொஞ்ச நஞ்சமல்ல. கல்லடி பட்ட மரம்தான் காய்காக்கும் என்ற பழமொழி உண்டு, அது விஜய்க்கு மிக சரியாகவே பொருந்தும். விஜய் கல்லடி பட்டுதான் இப்போது ஆலமர விருட்சமாய் வளர்ந்து நிற்கிறார். விஜயின் முதல் படம் எஸ்.ஏ.சந்திரசேகர் இயக்கிய நாளைய தீர்ப்பு. ஆனால் விக்ரமன் இயக்கிய "பூவே உனக்காக" படம்தான் விஜயின் முதல் வெற்றிப் படமாக அமைந்தது, அவரின் திரையுலக வாழ்வை திருப்பிப் போட்டது. ஆனால் அதன் பின்பும் சரியாக படங்களை தேர்வு செய்ய முடியாமல் விஜய் திண்டாடினார்.

Image result for poove unakkaga

"பூவே உனக்காக" வெற்றிக்கு பின்பும் "மாண்புமிகு மாணவன்", “காலமெல்லாம் காத்திருப்பேன்” என தோல்வி படங்களை கொடுத்தார். பின்பு,  "லவ் டுடே" என்ற மெகா ஹிட் கொடுத்து, திரும்ப தன்னுடைய கேரியர் கிராஃபை உயர்த்தினார், விஜய்க்கான மார்க்கெட் தயாரிப்பாளர்கள் மத்தியில் உயர்ந்தது. இதன் பின்பு ‘நேருக்கு நேர்’, ‘காதலுக்கு மரியாதை’, ‘நினைத்தேன் வந்தாய்’ என தொடர் வெற்றி படங்களை கொடுத்தார். அவ்வப்போது வெற்றி அவ்வப்போது தோல்வி  என்றாலும் விஜய் எப்போதும் மீண்டு வருவதில் தவறியதே இல்லை.

Image result for kadhalukku mariyadhai

விஜயின் சினிமா வாழ்க்கையிலேயே ‘காதலுக்கு மரியாதை’, ‘துள்ளாத மனமும் துள்ளும்’, ‘குஷி’, ‘ப்ரியமானவளே’, ‘ப்ரண்ட்ஸ்’, ‘பகவதி’, ‘கில்லி’, ‘துப்பாக்கி’, ‘கத்தி’, ‘மெர்சல்’, ‘சர்கார்’ ஆகியவை மிகப் பெரிய வசூலைக் குவித்த படம். விஜய் என்றாலே காதல் படம் இல்லை சண்டை படமாக இருக்கும் என்ற பொதுவான எண்ணத்தை மாற்றி இவர் நடித்த படம்தான் "நண்பன்".

Image result for vijay gilli

இப்போதெல்லாம் விஜய் தனது படங்களில் சூடான அரசியல் வசனங்களையும் சேர்த்து பேசி வருகிறார். இதற்கு உதாரணமாக மெர்சல் படத்தில் விஜய் பேசிய சில வசனங்கள் பெரும் சர்ச்சையை கிளப்பியது. ஆனால், விஜய் இது குறித்தெல்லாம் பெரிதாக அலட்டிக்கொள்ளவில்லை. அதேபோல "சர்கார்" பல்வேறு சர்ச்சைகளை தாண்டிதான் வெளியானது.

Image result for mersal

விஜய்யின் திரைப்பயணத்திலேயே மிகவும் மோசமான காலம் 2007-இல் தான் தொடங்கியது. ‘அழகிய தமிழ்மகன்’, ‘குருவி’, ‘வில்லு’, ‘வேட்டைக்காரன்’, ‘சுறா’ என தொடர்ந்து 5 தோல்வி படங்களை கொடுத்து மிகவும் மார்க்கெட் வீழ்ச்சியில் இருந்தார். ஆனால் அப்போதும் விஜய் தனது தோல்விப்படங்கள் குறித்து வாய் திறக்காமல் இருந்ததுதான் விஜயின் பலம்.

Image result for sarkar

அந்த மெளனத்தின் வெற்றியைதான் விஜய் இப்போது அனுபவித்துக்கொண்டு இருக்கிறார். விஜய் நாளை கூட மீண்டும் ஒரு தோல்வியை சந்திக்கலாம், ஆனால் அதுதான் நிரந்தரம் என்று அவரை வெறுப்பவர்கள் நினைத்துக்கொண்டு இருக்கும் நேரத்தில் மீண்டும் வெற்றிப் பெறுவார், அதுதான் தளபதி விஜய். 

Advertisement:
Advertisement:
Advertisement:
[X] Close