[X] Close
JUST IN
  • BREAKING-NEWS இந்தியாவின் முதல் லோக்பால் அமைப்பின் தலைவராக ஓய்வுபெற்ற நீதிபதி பினாக்கி சந்திரகோஷ் நியமனம்
  • BREAKING-NEWS மக்களவை தேர்தல், இடைத்தேர்தலுக்கான பரப்புரையை நாளை திருவாரூரில் தொடங்கும் நிலையில், திருவாரூர் சன்னதி தெருவில் உள்ள இல்லத்தில் கீழ்வேளூர், திருத்துறைப்பூண்டி சட்டமன்ற தொகுதி நிர்வாகிகளுடன் மு.க.ஸ்டாலின் ஆலோசனை
  • BREAKING-NEWS மக்களவை தேர்தல், 18 தொகுதி சட்டமன்ற இடைத்தேர்தலுக்கு மக்கள் நீதி மய்யத்துடன் கூட்டணி அமைத்துள்ளோம் மக்களவை தேர்தலில் 1 தொகுதி, இடைத்தேர்தலில் 3 தொகுதிகளில் இந்திய குடியரசுக் கட்சி போட்டி - சே.கு. தமிழரசன் (இந்திய குடியரசுக் கட்சி)
  • BREAKING-NEWS பாதுகாப்பு படைகளை வைத்து அரசியல் செய்ய வேண்டாம் - கட்சித்தலைவர்கள், வேட்பாளர்களுக்கு அறிவுறுத்தும்படி அரசியல் கட்சிகளுக்கு மீண்டும் தேர்தல் ஆணையம் கடிதம்
  • BREAKING-NEWS மக்களவை தேர்தல், சட்டமன்ற இடைத்தேர்தலில் மக்கள் நீதி மய்யம் கட்சியின் சார்பில் போட்டியிடும் வேட்பாளர்கள் பட்டியலை நாளை மதியம் 2 மணிக்கு வெளியிடுகிறார் கமல்ஹாசன்
  • BREAKING-NEWS பொள்ளாச்சி பாலியல் கொடூர வழக்கில் கைதான திருநாவுக்கரசு, சபரிராஜன், சதீஷ், வசந்தகுமார் ஆகியோரின் காவலை ஏப்ரல் 2 வரை நீட்டித்தது பொள்ளாச்சி நீதிமன்றம்
  • BREAKING-NEWS நீதிபதி கண்முன்னே மனைவியை கத்தியால் குத்திய கணவன்! மருத்துவமனையில் மனைவிக்கு சிகிச்சை!

இளையராஜா நிகழ்ச்சியில் முறைகேடு - விஷால் மீது தயாரிப்பாளர்கள் புகார்

producers-association-complaint-against-vishal-about-ilaiyaraja-function

திட்டமிட்டு இளையராஜா நிகழ்ச்சியை பயன்படுத்தி விஷால் முறைகேடு செய்துள்ளதாக தயாரிப்பாளர் சங்கத்தின் ஒரு பகுதியினர் குற்றஞ்சாட்டியுள்ளனர். 

தமிழ்த் திரைப்பட தயாரிப்பாளர் சங்கம் சார்பில் இளையராஜா 75 நிகழ்ச்சி சென்னை நந்தனம் ஒய்.எம்.சி.ஏ மைதானத்தில் கடந்த மாதம் நடைபெற்றதது. சங்க உறுப்பினர்களுக்கு வீடு கட்டிக் கொடுக்க நிதி திரட்டவே இளையராஜா நிகழ்ச்சி நடத்தப்படுவதாகவும், அனைத்து உறுப்பினர்களையும் கலந்தாலோசித்தே முடிவெடுக்கப்பட்டதாகவும் விஷால் தரப்பினர் கூறிவந்தனர். 

இந்நிலையில் திட்டமிட்டு இளையராஜா நிகழ்ச்சியை பயன்படுத்தி விஷால் முறைகேடு செய்துள்ளதாக தயாரிப்பாளர் சங்கத்தின் ஒருபகுதியினர் குற்றம் சாட்டியுள்ளனர். 

இதுகுறித்து தயாரிப்பாளர்கள் சங்க உறுப்பினர்களான எஸ்வி சேகர், கே.ராஜன் ஆகியோர் திநகரில் கூட்டாக செய்தியாளர்களை சந்தித்தனர். அப்போது பேசிய எஸ்வி சேகர், இளையராஜாவை வைத்து நடத்திய இசை நிகழ்ச்சியில் சுமார் 3 கோடி ரூபாய்க்கான பணியை அவரது நண்பர்களான ரமணா, நந்தாவிற்கு விஷால் கொடுத்துள்ளதாக தெரிவித்தார். 

மேலும் தயாரிப்பாளர் சங்கத்திலுள்ள பணத்தை அதன் தலைவர் விஷால் எடுத்து செலவு செய்தது திருட்டுக்கு சமமான செயல் என்று குற்றஞ்சாட்டினார். இதுவரை சுமார் 8 கோடி ரூபாயை விஷால் எந்தவித முறையான கணக்குகளையும் காட்டாமல் செலவு செய்துள்ளதாகவும் விஷால் பொதுக் குழுவை கூட்டாமலும் சங்க நிர்வாகிகள் கேட்கும் கேள்விகளுக்கு சரியாக பதில் அளிப்பதும் இல்லை எனவும் புகார் தெரிவித்தார்.

இதைத்தொடர்ந்து பேசிய தயாரிப்பாளர் ராஜன், தயாரிப்பாளர் சங்கத்திலிருந்த பணம் முழுவதையும் செலவு செய்துவிட்டு, சிறுப்பட தயாரிப்பாளர்களை நடுதெருவில் நிறுத்திவிட்டார் விஷால் என்று தெரிவித்தார். மேலும், “3 கோடி ஊதியம் கொடுத்தது எதற்காக என்றும், பாரட்டுவிழாவுக்கு எதற்காக ஊதியம் கொடுத்து அழைத்துவரவேண்டும். விஷாலை வைத்து படம் எடுத்த தயாரிப்பாளர்கள் தற்போது நடுத்தெருவில் இருப்பதாக தயாரிப்பாளர் ராஜன் தெரிவித்தார். செயற்குழு உறுப்பினரான கெளதமேனன், பிரகாஷ்ராஜ் தயாரிப்பாளர் சங்கத்திற்கு வரவில்லை. விஷால் வேகமானவர் ஆனால் விவேகமானவர் இல்லை. செயற்குழுவில் எங்களை பங்குபெற விஷால் விடுவதில்லை” எனத் தெரிவித்தார்.

Advertisement:
இது தொடர்பான செய்திகள் :
Advertisement:
Advertisement:
[X] Close