[X] Close
JUST IN
  • BREAKING-NEWS தமிழகத்தில் காலியாக உள்ள 6 இடங்களுக்கு ஜூலை 18ம் தேதி மாநிலங்களவை தேர்தல் நடைபெறும் - தேர்தல் ஆணையம்
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

“அதிதி மேனனை யாரோ மூளைச் சலவை செய்துள்ளனர்” - நடிகர் அபி சரவணன்

abi-saravanan-complaint-about-adithi-complaint

நடிகை அதிதி மேனனை மூளைச் சலவை செய்து தனக்கெதிராக புகார் கொடுக்க வைத்திருப்பதாக நடிகர் அபி சரவணன் குற்றம்சாட்டியுள்ளார்.

கடந்த 2016ம் ஆண்டு தமிழில் வெளியான படம் ‘பட்டதாரி’. இந்தப் படத்தில் இணைந்து நடித்த அபி சரவணன் மற்றும் அதிதி மேனன் இருவருக்கும் காதல் மலர்ந்துள்ளது. ஆனால் சில மாதங்களிலேயே இருவரும் பிரிந்து விட்டதாக கூறப்படுகிறது.

இதைத்தொடர்ந்து, நடிகை அதிதி மேனன் தன்னை திருமணம் செய்து ஏமாற்றிவிட்டதாக, நடிகர் அபி சரவணன் சென்னை வளசரவாக்கம் காவல் நிலையத்தில் புகார் அளித்தார். 

இதற்கு மறுப்பு தெரிவித்த அதிதி மேனன், இந்த விவகாரம் குறித்து சென்னை காவல் ஆணையர் அலுவலகத்தில் புகார் அளித்துள்ளார். அதில், தன்னைப் பதிவுத் திருமணம் செய்ததைப் போல போலி ஆவணங்கள் தயாரித்ததாக நடிகர் அபி சரவணன் மீது, புகார் தெரிவித்திருந்தார். 

இதுதொடர்பாக சென்னை சாலிகிராமத்தில் செய்தியாளர்களை சந்தித்த அபி சரவணன், தானும், நடிகை அதிதி மேனனும் பதிவுத் திருமணம் செய்து கொண்டது உண்மைதான் என உறுதிபடத் தெரிவித்தார். அதற்கான புகைப்படங்கள், சான்றிதழ்கள் உள்ளிட்ட பல்வேறு ஆவணங்களையும் அவர் வெளியிட்டார். 

தற்போது அதிதியுடன் இருக்கும் ஆண் நண்பர் அவரை மூளைச் சலவை செய்துவிட்டதாக குற்றம்சாட்டியுள்ள அபி சரவணன், இதுதொடர்பாக தாம் அளித்த புகாரைத் திரும்பப் பெற அவர் மிரட்டியதாகவும் கூறியுள்ளார். பிரச்னைகளை மறந்து மனம் மாறி திரும்பி வந்தால் அதிதி மேனனை ஏற்றுக் கொள்ளத் தயாராக இருப்பதாகவும் அபி சரவணன் தெரிவித்துள்ளார்.

Advertisement:
Advertisement:
Advertisement:
[X] Close