[X] Close
JUST IN
  • BREAKING-NEWS வெஸ்ட் இண்டீஸ் அணிக்கு எதிரான முதல் டி20 போட்டியில் இந்திய அணி 6 விக்கெட் வித்தியாசத்தில் அபார வெற்றி
  • BREAKING-NEWS போக்சோ சட்டத்தின் கீழ் தண்டனை பெறும் நபர்கள் கருணை மனு தாக்கல் செய்ய உரிமை அளிக்கக் கூடாது - குடியரசுத் தலைவர் ராம்நாத் கோவிந்த்
  • BREAKING-NEWS தெலங்கானா: 4 பேர் என்கவுன்ட்டர் செய்யப்பட்ட விவகாரத்தில் சட்டம் தன் கடமையை செய்துள்ளது - தெலங்கானா போலீஸ்
  • BREAKING-NEWS சிலை கடத்தல் தொடர்பான ஆவணங்களை தமிழக அரசிடம் பொன் மாணிக்கவேல் ஒப்படைக்க வேண்டும் - சென்னை உயர்நீதிமன்றம்
  • BREAKING-NEWS நித்யானந்தா எங்கு இருக்கிறார் என்பதை அறிவதில் சிரமம் இருக்கிறது - மத்திய வெளியுறவுத்துறை அமைச்சகம்
  • BREAKING-NEWS புதிதாக பிரிக்கப்பட்ட 9 மாவட்டங்கள் தவிர்த்து மற்ற மாவட்டங்களில் உள்ளாட்சித் தேர்தல் நடத்த உச்சநீதிமன்றம் அனுமதி
  • BREAKING-NEWS தெலங்கானா பெண் மருத்துவர் கொலை : 4 பேர் என்கவுன்டரில் சுட்டுக்கொலை

ராஜ் தாக்கரே கட்சி எச்சரிக்கை: பாக். பாடகர்கள் பாடிய பாடலை நீக்கியது டி- சீரிஸ்!

t-series-removes-pakistani-singers-songs-from-youtube-after-mns-warning

ராஜ் தாக்கரேவின் மகாராஷ்ட்ரா நவநிர்மாண் சேனா கட்சியின் எச்சரிக்கையைத் தொடர்ந்து, பாகிஸ்தான் பாடகர்கள் பாடிய இந்தி பாடல்களை, டி-சீரிஸ் இசை நிறுவனம் யுடியூப்பில் இருந்து நீக்கியுள்ளது.

புல்வாமா பயங்கரவாத தாக்குதலில் 44 சிஆர்பிஎஃப் வீரர்கள் வீரமரணம் அடைந்தனர். இதையடுத்து நாட்டின் பல்வேறு பகுதிகளில், பயங்கர வாதத்துக்கு ஆதரவளிக்கும் பாகிஸ்தானுக்கு எதிராக குரல்கள் வலுத்து வருகின்றன. இந்நிலையில் பாகிஸ்தான் பாடகர்களை இந்தி திரைப் படங்களில் பயன்படுத்துவதை உடனடியாக நிறுத்த வேண்டும் என்று மகாராஷ்ட்ரா நவநிர்மாண் சேனா கட்சியின் திரைப்பட பிரிவு எச்சரிக்கை விடுத்தது.

இந்தப் பிரிவின் தலைவர் அமய் கோப்கார் கூறும்போது, ’’இந்திய இசை நிறுவனங்களான டி-சீரிஸ், சோனி மியூசிக், வீனஸ், டிப்ஸ் மியூசிக் உட் பட சில நிறுவனங்களிடம் பாகிஸ்தான் பாடகர்களை பயன்படுத்துவதை உடனடியாக நிறுத்திக்கொள்ள வேண்டும். இல்லை என்றால் எங்கள் ஸ்டைலில் நடவடிக்கை எடுப்போம் என்று தெரிவித்துள்ளோம்’’ என்றார்.

புஷன்குமாரின் டி-சீரிஸ் நிறுவனம் சமீபத்தில் பாகிஸ்தான் பாடகர்கள் ரஹத் ஃபடே அலிகான் மற்றும் அதிப் அஸ்லாம் ஆகியோருடன் இணை ந்து இரண்டு வெவ்வேறு பாடல்களை சமீபத்தில் வெளியிட்டிருந்தது.  நவநிர்மாண் சேனாவின் எச்சரிக்கையை அடுத்து, யுடியூப்பில் இருந்து அந்தப் பாடல்களை நீக்கியுள்ளது. இதே போல பாகிஸ்தான் பாடகர்கள் பாடிய மேலும் சில பாடல்களையும் இந்நிறுவனம் நீக்கியுள்ளது.

கடந்த 2016 ஆம் ஆண்டு உரி தாக்குதலின் போது, ராஜ் தாக்கரே, இன்னும் 48 மணி நேரத்துக்குள் பாகிஸ்தான் கலைஞர்கள் நாட்டைவிட்டு வெளியேற வேண்டும் என்று எச்சரிக்கை செய்திருந்தார் என்பது குறிப்பிடத்தக்கது. 

Advertisement:
இது தொடர்பான செய்திகள் :
Advertisement:
Advertisement:
[X] Close