துப்பாக்கி பயிற்சியில் மும்முரம் காட்டும் அஜித்

அஜித் துப்பாக்கிச்சுடும் வீடியோ ஒன்று சமூக வலைத்தளத்தில் வைரலாக பரவி வருகிறது.

சிவா கூட்டணியில் நான்காவதாக அஜித் இணைந்த படம் ‘விஸ்வாசம்’. இந்தப் படத்திற்குப் பின்னர் நடிகர் அஜித், போனி கபூரின் தயாரிப்பில் ‘பிங்க்’ படத்தின் ரீமேக்கில் நடித்து கொண்டுள்ளார். இப்படத்தை ‘சதுரங்க வேட்டை’,‘தீரன் அதிகாரம் ஒன்று’ போன்ற படங்களை இயக்கிய ஹெச்.வினோத் இயக்கி வருகிறார். படத்தில் தனது கதாபாத்திரத்திற்காக அஜித் துப்பாக்கிச்சுடும் பயிற்சியில் ஈடுபட்டு வருகிறார். 

பயிற்சியின்போது அவர் ரசிகர் ஒருவர் புகைப்படம் எடுக்க விருப்பம் தெரிவித்துள்ளார். அதற்கு அஜித் மறுத்துவிட்டார். இது ஒருபுறமிருக்க, அஜித் துப்பாக்கிச்சுடும் புகைப்படங்கள் சமூக வலைத்தளங்களில் பரவி வருகிறது. 

இந்நிலையில் அஜித்தின் வீடியோ ஒன்றும் வெளியாகியுள்ளது. அதில், அஜித் ரசிகர்களுடன் தரையில் அமர்ந்து புகைப்படம் எடுத்துள்ள காட்சி பதிவாகியுள்ளது. இந்த வீடியோ இப்போது அஜித் ரசிகர்களால் அதிகம் பகிரப்பட்டு வருகிறது.