[X] Close
JUST IN
  • BREAKING-NEWS டெல்லி அர்பித் பேலஸ் ஓட்டல் தீ விபத்தில் 17பேர் உயிரிழந்த சம்பவத்தில், தலைமறைவாக இருந்த ஓட்டல் உரிமையாளர் ராகேஷ் கோயலை கைது செய்தது டெல்லி குற்றப்பிரிவு போலீஸ்
  • BREAKING-NEWS கோவை: செட்டிபாளையத்தில் ஜல்லிக்கட்டு போட்டியை அமைச்சர் எஸ்.பி.வேலுமணி தொடங்கி வைத்தார்; ஜல்லிக்கட்டில் 700க்கும் மேற்பட்ட காளைகள், 600க்கும் மேற்பட்ட மாடுபிடி வீரர்கள் பங்கேற்பு
  • BREAKING-NEWS சென்னையில் பெட்ரோல் லிட்டருக்கு ரூ. 73.28 காசுகளாகவும், டீசல் லிட்டருக்கு ரூ. 69.57 காசுகளாகவும் விலை நிர்ணயம்
  • BREAKING-NEWS புல்வாமா தாக்குதலை தொடர்ந்து டெல்லியில் உள்துறை அமைச்சர் ராஜ்நாத் சிங் தலைமையில் நாளை அனைத்துக் கட்சி கூட்டம் நடைபெறுகிறது
  • BREAKING-NEWS தமிழகத்தில் மார்ச் 10ம் தேதி தீவிர போலியோ சொட்டு மருந்து முகாம் நடைபெறும்
  • BREAKING-NEWS புல்வாமா பயங்கரவாத தாக்குதலை தொடர்ந்து பாகிஸ்தானில் உள்ள இந்திய தூதர் டெல்லி திரும்ப மத்திய அரசு உத்தரவு
  • BREAKING-NEWS புல்வாமா பயங்கரவாத தாக்குதலுக்கு பாகிஸ்தான் பதில் சொல்லியே ஆக வேண்டும்; சரியான, உறுதியான பதிலடி கொடுக்கப்படும் - மத்திய அமைச்சர் நிதின் கட்கரி

சவுந்தர்யா ரஜினிகாந்த் இயக்கத்தில் ‘பொன்னியின் செல்வன்’

sauntharya-rajinikanth-directed-ponniyin-selvan-on-web-series

‘பொன்னியின் செல்வன்’ நாவலை எம்.எக்ஸ் பிளேயர் நிறுவனம் சவுந்தர்யா ரஜினிகாந்தின் மே6 எண்டர்டெயின்மெண்ட் நிறுவனத்துடன் இணைந்து வலைத் தொடராக உருவாக்க உள்ளது.

இந்த வலைத்தொடர் 10- 11 ஆம் நூற்றாண்டுகளின் சோழ சாம்ராஜ்ய பேரரசரான அருள் மொழிவர்மனின் வாழ்க்கையைப் பற்றிய சரித்திர எழுத்தாளர் கல்கி கிருஷ்ணமூர்த்தியால் எழுதப்பட்ட ‘பொன்னியின் செல்வன்’ வரலாற்று காவியத்தின் தழுவலாகும்.

கிராபிக்ஸ் டிசைனரும், இயக்குனரும் தயாரிப்பாளருமான சவுந்தர்யா ரஜினிகாந்த் இந்த வரலாற்று வலைத்தொடரின் தயார்ப்பாளர்- கிரியேட்டிவ் இயக்குநராக பணியாற்ற இருக்கிறார்.

சவுந்தர்யா ரஜினிகாந்த், அனிமேஷன் படமான ‘கோச்சடையான்’, நடிகர் தனுஷ் நடித்த ‘விஐபி2’ திரைப்படங்களை இயக்கியுள்ளார். மேலும் கோவா திரைப்படத்தை தயாரித்துள்ளார். 

இந்நிலையில் இதுகுறித்து பேசிய சவுந்தர்யா ரஜினிகாந்த், “இந்த வலைத்தொடர், தமிழகத்தை ஆட்சி செய்த சோழ அரச பரம்பரையின் ஆட்சி காலைத்தை பற்றிய விறுவிறுப்பும், வீரமும், தொன்மையும், காதல் மற்றும் நகைச்சுவையும் கலந்த காவியமாக இருக்கும்” எனத் தெரிவித்தார்.  

இதுகுறித்து எம்.எக்ஸ் பிளேயர் நிறுவனத்தின் சி.இ.ஓ கரன் பேடி பேசுகையில், “இந்த வலைத்தொடர் மூலக்கதையை உயிரோட்டத்துடன் இணைய மேடையில் கொண்டு வரும் எம்.எக்ஸ் பிளேயரின் கொள்கையையொட்டியே நிகழ்ந்துள்ளது. இந்த வலைத்தொடர் ஹிந்தி, தமிழ், தெலுங்கு, மலையாளம், போஜ்புரி மொழிகளில் உருவாகிறது. சவுந்தர்யாவுடன் கைகோர்ப்பதில் பெருமை கொள்கிறோம். அவருடைய தனித்துவம் மிக்க, பிரம்மாண்டமான தொலைநோக்குப் பார்வையுள்ள அணுகுமுறை அசாத்தியமாக உள்ளது. மேலும் இந்த வலைத்தொடர் அதிக பார்வையாளர்களை ஈர்க்கப் போவது உறுதி” எனத் தெரிவித்தார்.

Advertisement:
Advertisement:
Advertisement:
[X] Close