[X] Close
JUST IN
  • BREAKING-NEWS தமிழகத்தின் 3 இடங்கள் உட்பட நாட்டின் 32 இடங்களில் ஹைட்ரோ கார்பன் எடுக்கும் திட்டத்திற்கு ஒப்பந்தம்
  • BREAKING-NEWS கொடைக்கானலில் ரூ.20 கோடியில் அடுக்குமாடி வாகன நிறுத்துமிடம் அமைக்கப்படும் அரசு போக்குவரத்துக் கழகங்களில் சோதனை முறையில் பொது இயக்கப்பயண அட்டை அறிமுகப்படுத்தப்படும் - போக்குவரத்துத்துறையில் புதிய அறிவிப்புகளை பேரவையில் அமைச்சர் எம்.ஆர். விஜயபாஸ்கர் வெளியிட்டார்
  • BREAKING-NEWS தமிழகம், புதுச்சேரியில் குறைந்த காற்றழுத்த தாழ்வு நிலையால் 3 நாட்களுக்கு மழை பெய்யும் - சென்னை வானிலை ஆய்வு மையம்
  • BREAKING-NEWS தமிழ் உள்ளிட்ட அனைத்து பிராந்திய மொழிகளிலும் அஞ்சல் துறை தேர்வுகள் நடத்தப்படும் - மாநிலங்களவையில் ரவிசங்கர் பிரசாத் அறிவிப்பு

வெளியானது விக்ரமின் ‘கடாரம் கொண்டான்’ டீசர்

vikram-acting-kadaram-kondan-teaser-released

விக்ரம் நடிப்பில் உருவாகியிருக்கும் ‘கடாரம் கொண்டான்’ திரைப்படத்தின் டீசர் வெளியாகி ரசிகர்கள் மத்தியில் நல்ல வரவேற்பை பெற்றுள்ளது.

நடிகர் விக்ரம் நடிப்பில் சமீபத்தில் வெளியான திரைப்படம் ‘சாமி ஸ்கொயர்‘. இது எதிர்பார்த்த அளவு வெற்றியடையவில்லை. இதையடுத்து கெளதம் மேனன் இயக்கத்தில் உருவாகியுள்ள ‘துருவ நட்சத்திரம்’ படத்தின் வெளியீட்டு தேதி இன்னமும் அதிகாரப்பூர்வமாக அறிவிக்கப்படவில்லை.

இந்நிலையில் கமல்ஹாசனின் ராஜ்கமல் ஃபிலிம் இண்டர்நேஷ்னல் மற்றும் டிடென்ட் ஆர்ட்ஸ் நிறுவனத்தின் தயாரிப்பில் நடிகர் விக்ரம் நடிப்பில் ‘கடாரம் கொண்டான்’ திரைப்படம் உருவாகியுள்ளது. ஜிப்ரான் இசையமைக்கும் இந்தப் படத்துக்கு சீனிவாஸ் குதா ஒளிப்பதிவு செய்துள்ளார். இந்தப் படத்தை ‘தூங்காவனம்’ திரைப்படத்தை இயக்கிய ராஜேஷ் செல்வா இயக்கியுள்ளார். இதில் நாசரின் மகன் அபிஹாசன் முக்கிய கதாப்பாத்திரத்தில் நடிக்கிறார். அவருக்கு ஜோடியாக கமல்ஹாசனின் மகள் அக்‌ஷராஹாசன் ஹீரோயினாக நடிக்கிறார். 

இந்தத் திரைப்படத்தின் ஃபர்ஸ்ட் லுக் போஸ்டரை கடந்த ஆண்டு நவம்பர் மாதம் படக்குழு வெளியிட்டது. இப்படத்தின் படப்பிடிப்பு முழுவதும் நிறைவுற்ற நிலையில், இதன் டீசர் ஜனவரி 15 ஆம் தேதி வெளியிடப்படும் என ஏற்கெனவே தகவல் வெளியாகியது.

இதனிடையே இந்தப் படத்தின் இயக்குநர் ராஜேஷ் செல்வா தனது ட்விட்டர் பக்கத்தில், “ கடாரம் கொண்டான் டீசர் தயார் நிலையில் உள்ளது. டீசர் நல்லபடியாக உருவாகியுள்ளது. இது சீயான் ரசிகர்களுக்கும் சினிமா ரசிகர்களுக்கும் திருப்திகரமாக இருக்கும் என நம்புகிறேன். இன்னும் 2 நாட்களில் டீசர் வெளியாகும்” எனத் தெரிவித்திருந்தார்.

இந்நிலையில், ‘கடாரம் கொண்டான்’ திரைப்படத்தின் டீசர் வெளியாகி ரசிகர்கள் மத்தியில் நல்ல வரவேற்பை பெற்றுள்ளது. நாசரின் மகனுக்கு நடிகர் கமல்ஹாசன் தனது ட்விட்டர் பக்கத்தில் பாராட்டு தெரிவித்துள்ளார்.

Advertisement:
Advertisement:
Advertisement:
[X] Close