[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.41 காசுகளாகவும், டீசல் லிட்டருக்கு ரூ. 68.83 காசுகளாகவும் விலை நிர்ணயம்
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்
  • BREAKING-NEWS ஆஸ்திரேலியாவுக்கு எதிரான 2வது ஒருநாள் போட்டியில் இந்திய அணி வெற்றி
  • BREAKING-NEWS கோடநாடு விவகாரத்தில் சயான், மனோஜ் இருவரும் பிணைத் தொகையை செலுத்தியதை தொடர்ந்து ஜாமீன் வழங்கப்பட்டது
  • BREAKING-NEWS திமுக எம்எல்ஏக்கள் மட்டுமல்ல தமிழகமே அதிமுக ஆட்சி கலைய காத்துக்கொண்டிருக்கிறது - கனிமொழி
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு

ஜனவரி 18ல் ‘இந்தியன்2’படப்பிடிப்பு ஆரம்பம்?

indian-2-the-kamal-haasan-starrer-to-go-on-floors-from-january-18

கமல்ஹாசன் நடிப்பில் உருவாக இருக்கும்  ‘இந்தியன்2’ படப்பிடிப்பு ஜனவரி 18 ஆம் தேதி தொடங்க உள்ளதாக தகவல் வெளியாகியுள்ளது.

கமல் நடிப்பில் இயக்குநர் ஷங்கர் இயக்கிய படம் ‘இந்தியன்’. இப்படம் 1996 ஆம் ஆண்டு வெளியானது. ஊழலை ஒழிப்பது குறித்து இப்படத்தின் கதை அமைந்திருந்தது. கமல் இருவேடங்களில் நடித்த இந்தப் படம் மூன்று தேசிய விருதுகளை பெற்றது. சிறந்த நடிகருக்கான விருதை கமல் பெற்றார்.

இதன் வெற்றியை தொடர்ந்து ‘பிக்பாஸ்’ நிகழ்ச்சியின் முதல் சீசனில், நடிகர் கமல்ஹாசன், இயக்குநர் ஷங்கர் மற்றும் தெலுங்கு பட தயாரிப்பாளர் தில் ராஜூ ஆகியோர் ‘இந்தியன் 2’ படம் குறித்த அதிகாரப்பூர்வ அறிவிப்பை வெளியிட்டனர்.

ஆனால் ‘விஸ்வரூபம்’ படத்தில் கமலும் ‘2.0’ படத்தில் ஷங்கரும் பிஸியாக இருந்ததால் ‘இந்தியன்2’ படத்தின் பணிகள் காலதாமதமாகியது. இதையடுத்து இப்படத்தின் தயாரிப்பாளராக இருந்த தில் ராஜூ இப்படத்தில் இருந்து வெளியேறுவதாக அறிவிப்பு வெளியிட்டார். 
பின்னர், ‘2.0’ தயாரிப்பு நிறுவனமான ‘லைக்கா புரொடக்ஸன்ஸ்’ ‘இந்தியன்2’ படத்தை தயாரிப்பதாக அறிவிப்பு வெளியிட்டது.

இதையடுத்து ‘இந்தியன்2’ படத்திற்கான செட் அமைக்கும் பணி கடந்த நவம்பர் 12 ஆம் தேதி பூஜையுடன் தொடங்கப்பட்டது. ‘இந்தியன்2’ தான் என்னுடைய கடைசிப் படம் எனவும் அத்துடன் நடிப்புக்கு முழுக்கு போடவுள்ளதாகவும் நடிகர் கமல்ஹாசன் ஏற்கனவே தெரிவித்துள்ளார்.

‘இந்தியன்2’படத்தில் பிரபல நடிகை காஜல் அகர்வால் கமல்ஹாசனுக்கு ஜோடியாக நடிக்கிறார்.  இதற்காக காஜல் அகர்வால் களரி பயிற்சி கற்று வருகிறார். இந்தப் படத்தின் மூலம் காஜல் முதன்முறையாக கமலுடன் இணைய இருக்கிறார். அதோடு அவரது திரை வாழ்வில் ஷங்கர் இயக்கத்திலும் முதன்முறையாக இணைந்துள்ளார். ரஜினி நடிப்பில் வெளியாக உள்ள ‘பேட்ட’ படத்தை தொடர்ந்து ‘இந்தியன்2’படத்திற்கு அனிருத் இசையமைக்கிறார். 

இந்நிலையில் ‘இந்தியன்2’ திரைப்பட படப்பிடிப்பு கடந்த டிசம்பர் மாதமே தொடங்கும் என எதிர்ப்பார்க்கப்பட்ட நிலையில், தற்போது ஜனவரி 18 ஆம் தேதி பொள்ளாச்சியில் தொடங்க உள்ளதாக தகவல் வெளியாகியுள்ளது. அதைத் தொடர்ந்து உக்ரைனிலும் படப்பிடிப்பை நடத்த படக்குழுவினர் திட்டமிட்டுள்ளனர். இப்படம் 2020 ஆம் ஆண்டு திரைக்கு வரும் எனப் படக்குழு அறிவித்துள்ளது.

Advertisement:
Advertisement:
Advertisement:
[X] Close