[X] Close
JUST IN
  • BREAKING-NEWS திமுக எம்.பி.க்கள் இந்தி படித்துவிட்டு தமிழ் வாழ்க என கூறி மக்களவையில் பதவியேற்றுள்ளனர்; எங்களுக்கு அவ்வாறு நடிக்க தெரியாது - முதல்வர் பழனிசாமி
  • BREAKING-NEWS குடிநீர் பிரச்னைகள் இருக்கும் அனைத்து இடங்களிலும் லாரி மூலம் தேவையான அளவு குடிநீர் விநியோகம் செய்யப்படுகிறது - முதல்வர் பழனிசாமி
  • BREAKING-NEWS பொதுமக்களுக்கு இடையூறாக இருக்கும் என்பதால், எம்ஜிஆர் ஜானகி கல்லூரியில் நடிகர் சங்க தேர்தலை நடத்த அனுமதிக்க முடியாது - சென்னை உயர்நீதிமன்றம்
  • BREAKING-NEWS ஆவடி நகராட்சியை மாநகராட்சியாக தரம் உயர்த்தி அரசாணை வெளியிட்டது தமிழக அரசு
  • BREAKING-NEWS ராஜஸ்தானை சேர்ந்த எம்.பி. ஓம் பிர்லா, மக்களவை சபாநாயகராக தேர்ந்தெடுக்கப்படுவார் என தகவல்
  • BREAKING-NEWS பாரதிய ஜனதா கட்சியின் தேசிய செயல் தலைவராக ஜெ.பி.நட்டா தேர்வு செய்யப்பட்டார்
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது

பீச்சில் கர்சீப் விற்கும் நடிகை ரங்கம்மா பாட்டி: நடிகர் சங்கம் உதவ கோரிக்கை!

senior-actress-rangamma-patti-sells-handicrafts-in-marina

சென்னை மெரினா கடற்கரையில் கர்சீப் உட்பட கைவினைப் பொருட்களை விற்று வரும் நடிகை ரங்கம்மா பாட்டி, தனக்கு நடிகர் சங்கம் உதவ வேண்டும் என்று கோரிக்கை வைத்துள்ளார்.

தமிழ் சினிமாவில் ஏராளமான படங்களில் நடித்தவர், கே.ஆர்.ரங்கம்மாள் (83) பாட்டி. சென்னை வடபழனி குமரன் காலனியில் வசிக்கும் இவர், வடிவேலுவுடன் இணைந்து பல காமெடிகளில் நடித்துள்ளார். இப்போது பட வாய்ப்புகள் இல்லாததால் வறு மையில் வாடும் அவர், மெரினா கடற்கரையில் கர்சீப் விற்று பிழைப்பை நடத்தி வருகிறார். 

இதுபற்றி அவர் கூறும்போது, ’’எம்.ஜி.ஆர். காலத்தில் இருந்தே நடித்து வருகிறேன். சுமார் 500 படங்களுக்கு மேல் நடித்துள்ள நான், சம்பாதித்த பணத்தை பிள்ளைகளுக்கே செலவழித்து விட்டேன். இப்போதும் நடிக்க தயாராக இருந்தாலும் வாய்ப்புகள் கிடைக்கவில்லை. பிள்ளைகளும் கைவிட்ட நிலையில் சாப்பாட்டுக்கே வழியில்லை. இதனால், கடற்கரையில் கர்சீப் மற்றும் கைவினை பொருட்களை விற்பனை செய்து வருகிறேன். இந்த வருமானம் போதுமானதாக இல்லை. தமிழக அரசோ அல்லது நடிகர் சங்கமோ உதவவேண்டும்’’ என்று கோரிக்கை வைத்துள்ளார்.

ஏற்கனவே மெரினாவின் எலெக்ட்ரானிக்ஸ் பொருட்களை விற்று வந்த ரங்கம்மா பாட்டிக்கு கடந்த பிப்ரவரி மாதம் நடிகர் சங்கம் உதவி தொகையாக ரூ. 5000 வழங்கியது.  ரங்கம்மா பாட்டி, ஃபெப்சி அமைப்பின் கீழ் உள்ள ஜூனியர் ஆர்டிஸ்ட் சங்கத் தின் உறுப்பினர். ஒருவர், தென்னிந்திய நடிகர் சங்கத்தின் உறுப்பினராக இருந்தால் மட்டும்தான் நடிகர் சங்கம் மூலம் அவருக் கு உதவி தொகை வழங்க முடியும் என்பதால் வேறு எப்படி அவருக்கு உதவலாம் என நடிகர் சங்கம், முன்பு ஆலோசனை நடத்தியது. 
 

Advertisement:
Advertisement:
Advertisement:
[X] Close