[X] Close
JUST IN
  • BREAKING-NEWS தென்னாப்பிரிக்காவுக்கு எதிரான டெஸ்ட் தொடரை கைப்பற்றியது இந்திய அணி
  • BREAKING-NEWS வரும் 17-ஆம் தேதி வடகிழக்கு பருவமழை தொடங்க வாய்ப்பு
  • BREAKING-NEWS தமிழகத்தில் வரைவு வாக்காளர் பட்டியல் அடுத்த மாதம் 25-ஆம் தேதி வெளியீடு: நவம்பர் 18-ஆம் தேதி வரை திருத்தங்கள் செய்யலாம்
  • BREAKING-NEWS ஈரோடு மாவட்டம் கோபி செட்டிப்பாளையத்தில் கனமழையால் வெள்ளப்பெருக்கு

கமல்ஹாசனுக்காக களரி கற்கும் காஜல் அகர்வால் 

kajal-aggarwal-learns-kalari-for-kamal-haasan-s-indian-2

கமல்ஹாசனின் ‘இந்தியன்2’ படத்திற்காக நடிகை காஜல் அகர்வால் களரி பயிற்சி கற்று வருவதாக செய்தி கிடைத்துள்ளது. 


தமிழில் அதிகம் அறிமுகமான நடிகை காஜல் அகர்வால். விஜய் போன்ற இளம் நடிகர்களுடன் இவர் நடித்து வருகிறார். அதே அளவுக்கு இவர் தெலுங்கு திரை உலகிலும் முதன்மையான நடிகையாக வலம் வருகிறார். துறுதுறு என அவர் திரையில் தனது நடிப்பை வெளிப்படுத்துவதால் இருமாநில ரசிகர்களும் அவரை அதிகம் விரும்புகின்றனர்.

சமீபத்தில் தெலுங்கில் அவர் நடித்துள்ள ‘கவசம்’ படத்தின் இசை வெளிட்டு விழா நடந்தது. அதில் காஜல், தனது இணை நடிகர் பெல்லம்கொண்டா சாய் ஸ்ரீநிவாஸ் உடன் பங்கேற்றார். அப்போது அவர், இந்தக் கதையை கேட்டவுடன் அதில் விழுந்துவிட்டதாக தெரிவித்தார். 

மேலும் சாய் உடன் சேர்ந்து மேலும் ஒரு படத்தில் நடித்து வருவதாக குறிப்பிட்ட அவர், அதனிடையே நான் ஏற்கெனவே நடிகர் கமல்ஹாசனுடன் ஒரு படம் நடிக்க இருக்கிறேன் என்று கூறினார். ஆனால் இவர் கமல் குறித்து குறிப்பிடும் படம் பற்றிய செய்தி அதுவரை அதிகாரப்பூர்வமாக  ஏதும் வெளியாகவில்லை. ஆகவே அது எந்தப் படம் என்பது குறித்து பெரிய எதிர்ப்பார்ப்பு எழுந்தது.

இந்நிலையில் காஜல், சமீபத்தில் அமெரிக்கா சென்று வந்ததாகவும் அங்கே நடந்த ‘இந்தியன்2’ நடிகை தேர்வில் இவர் கலந்து கொண்டதாகவும் அதற்கான மேக் அப் டெஸ்ட் கூட எடுக்கப்பட்டுவிட்டதாகவும் தகவல் கசிந்தது. பின்பு 

பலரும் எதிர்ப்பாக்கும் கமல்ஹாசனின் ‘இந்தியன்2’ படத்தில் காஜல் நடிக்க உள்ளது உறுதியானது.  இதனுடன் 
கமல்ஹாசனின் புதிய தோற்றத்திற்கான புகைப்படம் எடுக்கும் பணிகள் நடைபெற்றன. 

இந்நிலையில்‘இந்தியன்2’ படத்திற்காக காஜல் அகர்வால் களரியாட்டம் கற்று வருவதாக செய்தி கிடைத்துள்ளது. அவர் தனது சமூக வலைத்தளத்தில் ‘களரி’ சம்பந்தமான புத்தகத்தை படிப்பதை போன்ற புகைப்படம் ஒன்றை பகிர்ந்துக் கொண்டுள்ளார். இதன் மூலம் இச்செய்தி உறுதியாகியுள்ளது.

தென் இந்திய பகுதியில் தற்காப்புக் கலையான களரியாட்டம் மிகவும் பிரபலம் வாய்ந்தது. இந்தப் படத்தின் மூலம் காஜல் முதன்முறையாக கமலுடன் இணைய இருக்கிறார். அதோடு அவரது திரை வாழ்வில் ஷங்கர் இயக்கத்திலும் முதன்முறையாக இணைந்துள்ளார். இந்தப் படத்தின் படப்பிடிப்பு இந்த மாதம் தொடங்குவதாக திட்டமிட்டப்பட்டுள்ளது.  ஆனால் படத்திற்கான செட் வேலைகள் இன்னும் முடிவடையாததால் அடுத்த ஆண்டு ஜனவரி மாதம் தொங்க உள்ளதாக கூறப்படுகிறது.  

Advertisement:
Advertisement:
Advertisement:
[X] Close