[X] Close
JUST IN
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்
  • BREAKING-NEWS ஆஸ்திரேலியாவுக்கு எதிரான 2வது ஒருநாள் போட்டியில் இந்திய அணி வெற்றி
  • BREAKING-NEWS கோடநாடு விவகாரத்தில் சயான், மனோஜ் இருவரும் பிணைத் தொகையை செலுத்தியதை தொடர்ந்து ஜாமீன் வழங்கப்பட்டது
  • BREAKING-NEWS திமுக எம்எல்ஏக்கள் மட்டுமல்ல தமிழகமே அதிமுக ஆட்சி கலைய காத்துக்கொண்டிருக்கிறது - கனிமொழி
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு
  • BREAKING-NEWS சென்னையில் முதல்வர் பழனிசாமி தலைமையில் தமிழக அமைச்சரவை கூட்டம் தொடங்கியது

நடிகர் ஆமிர்கான் நிகழ்ச்சியை ரத்து செய்த சீன பல்கலைக்கழகம்!

chinese-university-cancels-aamir-khan-event

இந்திய நடிகர் ஆமிர்கான் பங்குபெறும் நிகழ்ச்சியை நடத்துவதற்கு முறையான அனுமதி பெறாததால் சீன பல்கலைக் கழகம் ரத்து செய்தது.

அமிதாப் பச்சன், ஆமிர்கான், பாத்திமா சனா சேக், கேத்ரினா கைப் உட்பட பலர் நடித்துள்ள இந்தி படம், ’தக்ஸ் ஆப் இந்தோஸ் தான்’. விஜய் கிருஷ்ண ஆச்சார்யா இயக்கிய இந்த படத்துக்கு தமிழகத்தைச் சேர்ந்த மனுஷ் நந்தன் ஒளிப்பதிவு செய்துள்ளா ர். நவம்பர் மாதம் இந்தியாவில் ரிலீஸ் ஆன இந்தப் படம் எதிர்பார்த்த வரவேற்பை பெறவில்லை.

இந்நிலையில் இந்தப் படம் அடுத்த வாரம் சீனாவில் வெளியாகிறது. இதற்கான புரமோஷன் வேலைகள் தொடங்கியுள்ளன. நடிகர் ஆமிர்கான் அங்கு சென்றுள்ளார். இந்நிலையில் சீனாவின் குவாங்ஸோவில் உள்ள நிதி மற்றும் பொருளாதாரத்துக் கான குவாங்டாங் பல்கலைக்கழகத்தில், இந்தப் படத்தின் புரமோஷன் நிகழ்ச்சி நேற்று நடப்பதாக இருந்தது. அதில் ஆமீர்கான் பங்கேற்க இருந்தார். ஆனால், முன் அனுமதி பெறாமல் படத்தின் விளம்பர நிகழ்ச்சியை நடத்த இருப்பதாக தெரிய வந்ததை அடுத்து உடனடியாக அந்நிகழ்ச்சியை பல்கலைக்கழகம் ரத்து செய்தது.

பின்னர் உடனடியாக வேறு இடம் ஏற்பாடு செய்யப்பட்டு நிகழ்ச்சி நடந்தது. இதுபற்றி பல்கலைக்கழகத்தைச் சேர்ந்த ஒருவர் கூறும் போது, ‘’நிகழ்ச்சி நடக்கும் நாள் வரை, படத்தின் விளம்பர நிகழ்ச்சி என்பது நிர்வாகத்துக்குத் தெரியாது. இதனால் நிகழ்ச்சி ரத்து செய்யப்பட்டது. மாணவர்கள் ஒரு மணி நேரமாக காத்திருந்துவிட்டு ஏமாற்றமடைந்தனர். ஏற்கனவே இது போன்று சில நிகழ்ச்சிகள் முன் அனுமதியுடன் இங்கு நடந்திருக்கின்றன. அனுமதி பெற்றிருந்தால் பிரச்னை இருந்திருக்காது. இது நிகழ்ச்சி ஏற்பாட்டாளரின் தவறு’’ என்று தெரிவித்துள்ளது.

பின்னர் இந்த நிகழ்ச்சி, நட்சத்திர ஓட்டல் ஒன்றில் நேற்று இரவு நடந்தது. 

Advertisement:
இது தொடர்பான செய்திகள் :
Related Tags : Aamir KhanChineseUniversityGuangdongThugs of Hindustan
Advertisement:
Advertisement:
[X] Close