[X] Close
JUST IN
  • BREAKING-NEWS தென்னாப்பிரிக்காவுக்கு எதிரான டெஸ்ட் தொடரை கைப்பற்றியது இந்திய அணி
  • BREAKING-NEWS வரும் 17-ஆம் தேதி வடகிழக்கு பருவமழை தொடங்க வாய்ப்பு
  • BREAKING-NEWS தமிழகத்தில் வரைவு வாக்காளர் பட்டியல் அடுத்த மாதம் 25-ஆம் தேதி வெளியீடு: நவம்பர் 18-ஆம் தேதி வரை திருத்தங்கள் செய்யலாம்
  • BREAKING-NEWS ஈரோடு மாவட்டம் கோபி செட்டிப்பாளையத்தில் கனமழையால் வெள்ளப்பெருக்கு

‘வேட்டிகட்டு’ பாடல் வெளியீடு - ட்ரெண்டிங் அடிக்கும் விஸ்வாசம்

ajith-s-viswasam-movie-2nd-song-released-with-lyrics

அஜித் நடிப்பில் உருவாகியுள்ள விஸ்வாசம் படத்தின் இரண்டாவது பாடலை படக்குழுவினர் வெளியிட்டுள்ளனர். 

அஜித்துடன் இயக்குநர் சிவா ‘விஸ்வாசம்’ படத்தின் மூலம்  4வது முறையாக கூட்டணி சேர்ந்தார். எனவே அதிகமான எதிர்பார்ப்பு இப்படத்திற்கு உருவாகியது. இந்தப் படம் பொங்கல் வெளியாகும் என அறிவிக்கப்பட்டது. இந்தப் படத்தின் மோஷன் போஸ்டரை நவம்பர் 27 ஆம் தேதி படக்குழுவினர் வெளியிட்டனர். எந்த முன்னறிவிப்பும் இன்றி திடீரென்று மோஷன் போஸ்டர் விடப்பட்டாலும் வழக்கம்போல் அஜித் ரசிகர்கள் கொண்டாடி தீர்த்தனர். 

இதைத்தொடர்ந்து ‘அடிச்சு தூக்கு’ என்ற பாடலை வெளியிட்டு ரசிகர்களுக்கு விருந்தளித்தது படக்குழு. குத்துப்பாடலான அடிச்சுத்தூக்கு ரசிகர்களிடையே வரவேற்பை பெற்றது. இந்நிலையில் விஸ்வாசம் படத்தின் இரண்டாவது பாடலான, வேட்டிகட்டு எனும் பாடலின் லிரிக் வீடியோ வெளியிடப்பட்டுள்ளது. இந்தப் பாடல் வெளியான சிறிது நேரத்திலேயே ட்விட்டர் ட்ரெண்டிங்கில் சென்னை மற்றும் இந்திய அளவில் முதலிடம் பிடித்தது.

விஸ்வாசம் படத்திற்கு டி.இமான் இசை அமைத்துள்ளார். ‌நயன்தாரா, தம்பி ராமையா உள்ளிட்டோர் நடித்துள்ள விஸ்வாசம் ஜனவரி 10ஆம் தேதி வெளியாக உள்ளது. இதற்கிடையே அஜித் நடிப்பில் சதுரங்கவேட்டை இயக்குநர் வினோத் இயக்கத்தில் உருவாகவுள்ள புதிய திரைப்படத்தின் படப்பிடிப்பு நேற்று பூஜையுடன் தொடங்கியது. இந்தப்படம் 2019 மே1ல் வெளியாகும் என்று அறிவிக்கப்பட்டுள்ளது. இதைத்தொடர்ந்து அஜித் நடிக்கும் திரைப்படம் 2020ஆம் ஆண்டு ஏப்ரல் 1ஆம் தேதி வெளியாகும் என அறிவிக்கப்பட்டுள்ளது.

Advertisement:
Advertisement:
Advertisement:
[X] Close