[X] Close
JUST IN
  • BREAKING-NEWS எச்.ஐ.வி. ரத்தம் ஏற்றப்பட்ட சாத்தூர் பெண்ணுக்கு பெண் குழந்தை பிறந்தது
  • BREAKING-NEWS மக்களவை தேர்தலுக்கு தயாராக இருக்க மாநில அரசுக்கு தேர்தல் ஆணையம் உத்தரவு; சொந்த மாவட்டத்திலோ அல்லது 3 ஆண்டுகளுக்கு மேலாக ஒரே இடத்திலோ பணியாற்றும் அரசு அதிகாரிகளை பிப்ரவரி 28-ஆம் தேதிக்குள் இடமாற்றம் செய்ய உத்தரவு
  • BREAKING-NEWS வண்டலூர் அறிஞர் அண்ணா உயிரியல் பூங்காவிற்கு கடந்த 4 நாட்களில் 1 லட்சம் பேர் வருகை தந்துள்ளனர் - பூங்கா நிர்வாகம்
  • BREAKING-NEWS பத்திரிகையாளர் கொலை வழக்கில் சாமியார் குர்மீத் ராம் ரஹீமிற்கு ஆயுள் தண்டனை விதிப்பு - பஞ்ச்குலா சிபிஐ நீதிமன்றம் தீர்ப்பு
  • BREAKING-NEWS திருச்சி: மணப்பாறை அருகே ஆவாரங்காடு ஜல்லிக்கட்டில் மாடுபிடி வீரர்கள், பார்வையாளர்கள் என 71பேர் காயம்
  • BREAKING-NEWS சென்னை வண்டலூர் பூங்காவில் காணும் பொங்கலை முன்னிட்டு 3 மணி நிலவரப்படி 40,000பேர் வருகை தந்துள்ளனர் - பூங்கா நிர்வாகம்
  • BREAKING-NEWS குஜராத்: அகமதாபாத்தில் வல்லபாய் படேல் மருத்துவ அறிவியல் மற்றும் ஆராய்ச்சி நிறுவனம் திறப்பு

“ஜெயலலிதாவாக நடிக்க விரும்பினேன்” - நடிகை நமீதா

i-wanted-to-act-in-jayalalitha-biopic-says-namita

ஜெயலலிதாவின் வாழ்க்கை வரலாறு தொடர்பான படத்தில் தான் நடிக்க ஆசைப்பட்டதாக நடிகை நமீதா தெரிவித்துள்ளார்.

மறைந்த முன்னாள் முதலமைச்சர் ஜெயலலிதாவின் நினைவு தினம் இன்று அனுசரிக்கப்படுகிறது. இதனையடுத்து பல்வேறு தரப்பினரும் அவருக்கு அஞ்சலி செலுத்தினர். ஜெயலலிதாவின் நினைவு நாளையொட்டி நடிகை நமீதா அறிக்கை ஒன்றை வெளியிட்டுள்ளார். 

அதில் ''மன வேதனையின் உச்சத்தில் இருக்கும் நாள் இன்று. இந்திய அரசியல் ஆளுமைகளுள் முதன்மையானவர் அம்மா அவர்கள். அவர்களை மட்டுமே நினைத்து அரசியலுக்கு வந்தேன். அவர் கையால் கட்சியின் உறுப்பினர் அட்டையைப் பெற்ற நாளை என் வாழ்நாளின் பொன்னான நாளாக கருதுகிறேன். திருச்சியில் அம்மாவின் விசுவாசிகளான மக்களின் ஆரவாரத்திற்கிடையேயும், அம்மாவின் மெல்லிய சிரிப்பிற்கிடையேயும் அரசியல் கண்ட கொடுப்பினை என்றும் என் கண்முன் நிழலாடும். 

அம்மா கடந்துபோன பின்பு அரசியல் களம் பக்கம் வரவில்லை. அவரின் உண்மையான ஒரு தொண்டராகவே   இருந்து வருகிறேன். எந்த அரசியல் ஆதாய சார்பும் நான் எடுக்கவில்லை. இந்த உண்மையை மட்டுமே அவருக்கு நான் செய்யும் அஞ்சலியாக நினைக்கிறேன். ஒவ்வொரு நாளும் அவரின் இல்லாமையை நாடும் நானும் உணர்ந்துகொண்டேயிருக்கிறோம்.  அவர் விட்டுப் போன கனவுகளை நிறைவேற்றுவதே அவரை பின் தொடரும் தொண்டர்களின் கடமையாக நினைக்கிறேன்'' என்று தெரிவித்துள்ளார்.

மேலும் '' அம்மாவின் வாழ்க்கை வரலாறுப் படமாக எடுக்கப்படுவதாகக் கேள்விப்பட்டேன். ஜெயலலிதாவின் வாழ்க்கை வரலாறு திரைப்படத்தில் அவரின் முகமாக நான் நடிக்க பேராசைப்பட்டேன். இந்த எண்ணம் எனக்கு அவர் மறைவுக்கு முன்பிருந்தே உண்டு.ஆனால் என் சக நடிகையான நித்யா மேனன் அவர் கதாபாத்திரத்தை ஏற்று நடிப்பதாக கேள்விப்பட்டேன். ''டியர் நித்யா. உண்மையில் அது பெரும் பாக்கியம். அம்மாவை உள் வாங்கிக் கொள்ள எல்லாவிதமான ஆசியையும் கடவுள் உங்களுக்கு வழங்கட்டும். அம்மாவாக படத்தில் வாழுங்கள். அம்மாவின் இழப்பு, பேரிழப்பு. அதை ஈடு செய்யவே முடியாது. அவரின் கோடானக் கோடி தொண்டர்களுக்கு எனது ஆறுதல்கள். அம்மா நம்மிடையே இருக்கிறார். வாழ்கிறார். வழிநடத்துகிறார் என நம்புங்கள். அவர் தன்னை நம்பிய யாரையும் கைவிட்டதில்லை. கைவிடமாட்டார்.  கண்ணீர் நிறைந்த மனதுடன் அம்மாவின் நினைவு நாள் அஞ்சலிகள்'' எனத் தெரிவித்துள்ளார்

Advertisement:
இது தொடர்பான செய்திகள் :
Advertisement:
Advertisement:
[X] Close