[X] Close
JUST IN
  • BREAKING-NEWS நீலகிரி, கோவை, திண்டுக்கல், தேனி, காஞ்சிபுரம், திருவள்ளூர், வேலூர், தி.மலையில் கனமழை பெய்ய வாய்ப்பு - வானிலை ஆய்வு மையம்
  • BREAKING-NEWS அரசுப் பள்ளி ஆசிரியர்களின் கற்பித்தல் திறன், மாணவர்களின் கற்றல் திறனை ஆய்வு செய்ய சிறப்புக்குழுக்களை அமைக்க பள்ளிக்கல்வித்துறைக்கு உயர்நீதிமன்றக் கிளை உத்தரவு
  • BREAKING-NEWS வட கிழக்கு பருவ மழைக்கு முன் மழை நீரை சேமிக்கும் பணியில் ஈடுபட வேண்டும் என மக்களிடம் அமைச்சர் வேலுமணி வேண்டுகோள்
  • BREAKING-NEWS தொழில்நுட்ப கோளாறு காரணமாக, கடந்தவாரம் நிறுத்தப்பட்ட சந்திரயான்-2 விண்கலம் இன்று பிற்பகல் விண்ணில் ஏவப்படுகிறது
  • BREAKING-NEWS விளம்பரத்திற்காக இல்லாமல் சமூக பணி பண்ணலாம். நிஜ வாழ்வில் 4 பேருக்காவது பயன்படும்படி இருப்பேன் - நடிகர் சூர்யா

’தி ஐயன் லேடி’ ஃபர்ஸ்ட் லுக் போஸ்டர் வெளியீடு

nithya-menen-s-resemblance-to-jayalalithaa-in-upcoming-biopic-stuns-fans

மறைந்த முன்னாள் முதலமைச்சர் ஜெயலலிதாவின் வாழ்க்கை வரலாற்றை சொல்லும் ‘தி ஐயன் லேடி’ படத்தின் ஃபர்ஸ்ட் லுக் போஸ்டரை அப்படத்தை இயக்க உள்ள ப்ரியதர்ஷினி தனது ட்விட்டர் பக்கத்தில் வெளியிட்டுள்ளார்.

உடல்நலக்குறைவால் சென்னை அப்போலோ மருத்துவமனையில் கடந்த 2016-ஆம் ஆண்டு செப்டம்பர் 22-ஆம் தேதி ஜெயலலிதா அனுமதிக்கப்பட்டார்.

75 நாள்களுக்குப் பிறகு சிகிச்சை பலனின்றி 2016-ஆம் ஆண்டு டிசம்பர் ஐந்தாம் தேதி அவர் காலமானார். இந்நிலையில் ஜெயலலிதாவின் இரண்டாம் ஆண்டு நினைவு தினம் இன்று அனுசரிக்கப்படுகிறது.

இவரின் மறைவுக்கு பிறகு இவரது வாழ்க்கை வரலாற்றை படமாக எடுக்க பல இயக்குநர்கள் ஆயத்தமாகி வருகின்றனர். இயக்குநர் மிஷ்கினுடன் இணை இயக்குநராக பணியாற்றிய பிரியதர்ஷினி ஜெயலலிதாவின் வாழ்க்கை வரலாறு படத்தை தமிழ், தெலுங்கு, கன்னடம் மற்றும் ஹிந்தி என 4 மொழிகளில் இயக்க உள்ளார். ஜெயலலிதாவின் பிறந்த நாளான பிப்ரவரி 24, 2019 ல் படப்பிடிப்பை தொடங்க உள்ளதாக ஏற்கனவே தெரிவிக்கப்பட்டுள்ளது.

இந்நிலையில், ஜெயலலிதாவின் இரண்டாம் ஆண்டு நினைவு தினத்தையொட்டி ஜெயலலிதாவின் வாழ்க்கை வரலாற்றை சொல்லும் ‘தி ஐயன் லேடி’ படத்தின் ஃபர்ஸ்ட் லுக் போஸ்டரை ப்ரியதர்ஷினி தனது ட்விட்டர் பக்கத்தில் வெளியிட்டுள்ளார். அதில், நித்யா மேனன் அடையாளம் தெரியாத அளவுக்கு ஜெயலலிதாவாக மாறியுள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close