[X] Close
JUST IN
  • BREAKING-NEWS பிகில் திரைப்பட வெளியீட்டிற்கு தடை கோரிய வழக்கு. இன்று உத்தரவு பிறப்பிக்கிறது சென்னை உயர் நீதிமன்றம்
  • BREAKING-NEWS பொதுத்துறை வங்கிகள் இணைப்புக்கு எதிர்ப்பு தெரிவித்து வங்கி ஊழியர்கள் இன்று வேலைநிறுத்தம்
  • BREAKING-NEWS தீபாவளிக்கு மறுநாளை விடுமுறையாக அறிவித்தது தமிழக அரசு. பண்டிகையை உற்சாகமாக கொண்டாட 3 நாட்கள் தொடர் விடுமுறை
  • BREAKING-NEWS தமிழகத்தில் அடுத்த 3 நாட்களுக்கு மழை நீடிக்கும் என வானிலை மையம் தகவல்

ரமேஷ் கண்ணா மகன் திருமண விழாவில் கலந்து கொண்டார் விஜய்

actorvijay-at-the-reception-of-actor-director-ramesh-khanna-s-son

இயக்குநரும் நடிகருமான ரமேஷ் கண்ணாவின் மகன் திருமண விழாவில் நடிகர் விஜய் கலந்து கொண்டு மணமக்களை பூங்கொத்து கொடுத்து வாழ்த்தினார். இதுகுறித்த புகைப்படங்களும் வீடியோக்களும் சமூக வலைதளங்களில் வைரலாகி வருகிறது. 

தமிழ் திரையுலகில் துணை இயக்குநராகவும் காமெடி நடிகராகவும் வலம் வந்தவர் ரமேஷ் கண்ணா. இவர் காரைக்குடி நாராயணன், பாண்டியராஜன், விக்ரமன், மற்றும் கே.எஸ்.ரவிக்குமார் ஆகியோரிடம் துணை இயக்குநராக பணியாற்றியுள்ளார். இவருக்கு மனைவி ஷோபா. இரண்டு மகன்கள் உள்ளனர். 

மேலும் விக்ரமன் இயக்கத்தில் கார்த்திக் நடிப்பில் வெளியான உன்னிடத்தில் என்னை கொடுத்தேன் படத்தின் மூலம் காமெடி நடிகராக அறிமுகமானார் ரமேஷ் கண்ணா. இதைத்தொடர்ந்து உன்னை நினைத்து, பிரண்ட்ஸ், படையப்பா, வில்லன் மற்றும் ஆதவன் ஆகிய திரைப்படங்களில் நடித்து காமெடியில் பட்டையை கிளப்பி ஒரு வலம் வந்தார். 

ரமேஷ் கண்ணாவின் மகன் ஜஸ்வந்த் தற்போது இயக்குநர் ஏ.ஆர். முருகதாஸிடம் துணை இயக்குநராக பணியாற்றி வருகிறார். முருகதாஸ் இயக்கிய ஸ்பைடர் படத்தின் மூலம் துணை இயக்குநராக அறிமுகமானார் ஜஸ்வந்த். மேலும் சர்கார் படத்திலும் துணை இயக்குநராக பணியாற்றியுள்ளார் ஜஸ்வந்த். 

இந்நிலையில் ஜஸ்வந்த் திருமண விழா பிரபல தனியார் ஓட்டலில் நடைபெற்றது. இதில் நடிகர் விஜய் கலந்து கொண்டு மணமக்களை பூங்கொத்து கொடுத்து வாழ்த்தினார். இதுகுறித்த புகைப்படங்களும் வீடியோக்களும் சமூக வலைதளங்களில் வைரலாகி வருகிறது.
 

Advertisement:
இது தொடர்பான செய்திகள் :
Advertisement:
Advertisement:
[X] Close