[X] Close
JUST IN
  • BREAKING-NEWS திமுக எம்.பி.க்கள் இந்தி படித்துவிட்டு தமிழ் வாழ்க என கூறி மக்களவையில் பதவியேற்றுள்ளனர்; எங்களுக்கு அவ்வாறு நடிக்க தெரியாது - முதல்வர் பழனிசாமி
  • BREAKING-NEWS குடிநீர் பிரச்னைகள் இருக்கும் அனைத்து இடங்களிலும் லாரி மூலம் தேவையான அளவு குடிநீர் விநியோகம் செய்யப்படுகிறது - முதல்வர் பழனிசாமி
  • BREAKING-NEWS பொதுமக்களுக்கு இடையூறாக இருக்கும் என்பதால், எம்ஜிஆர் ஜானகி கல்லூரியில் நடிகர் சங்க தேர்தலை நடத்த அனுமதிக்க முடியாது - சென்னை உயர்நீதிமன்றம்
  • BREAKING-NEWS ஆவடி நகராட்சியை மாநகராட்சியாக தரம் உயர்த்தி அரசாணை வெளியிட்டது தமிழக அரசு
  • BREAKING-NEWS ராஜஸ்தானை சேர்ந்த எம்.பி. ஓம் பிர்லா, மக்களவை சபாநாயகராக தேர்ந்தெடுக்கப்படுவார் என தகவல்
  • BREAKING-NEWS பாரதிய ஜனதா கட்சியின் தேசிய செயல் தலைவராக ஜெ.பி.நட்டா தேர்வு செய்யப்பட்டார்
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது

டப்பிங் சங்கத்தில் இருந்து நீக்கப்பட்டார் சின்மயி !

singer-chinmayi-axed-from-tamil-film-dubbing-association

பாடலாசிரியர் வைரமுத்து மீது #Metoo ஹேஷ்டேக் மூலம் பாடகி சின்மயி சமீபத்தில் பாலியல் துன்புறுத்தல் புகாரை முன்வைத்திருந்தார். சுவிட்சர்லாந்தில் நடைபெற்ற நிகழ்ச்சி ஒன்றில் வைரமுத்து தன்னை பாலியல் ரீதியாக அணுகியதாக அவர் குற்றஞ்சாட்டினார். இதனையடுத்து சின்மயிக்கு ஆதராகவும், எதிர்ப்பாகவும் ஒருசேர குரல்கள் எழுந்தன. சின்மயி வீடியோ ஆதாரத்தை வெளியிடலாமே என சிலர் சொல்ல, செல்லும் இடங்களுக்கெல்லாம் கேமராவுடனா..? செல்ல முடியும் என சின்மயி எதிர்கேள்வி எழுப்பினார்.  

வைரமுத்துவோ, சின்மயி வழக்கு தொடரட்டும். நீதிமன்றத்தில் சந்திக்கத் தயார் என தெரிவித்துவிட்டார். ‘நான் நல்லவனா..? இல்லை கெட்டவனா..? என்பதை இப்போதே முடிவு செய்ய வேண்டாம். நீதிமன்றம் சொல்லட்டும்’எனவும் வீடியோ மூலம் தன் பங்கு விளக்கத்தை கொடுத்திருக்கிருந்தார் வைரமுத்து. இதனையடுத்து திரையுலகிலும், ஊடகத் துறையிலும் பெண்கள் தங்களுக்கு நேர்ந்த பாலியல் துன்புறுத்தல் குறித்து சமூக வலைத்தளங்களில் பதிவிட்டு வருகின்றனர்.

சின்மயி பாடகி மட்டுமல்ல ஒரு திறமையான டப்பிங் கலைஞரும் கூட. அண்மையில் வெளியாகி பரவலான கவனம் பெற்ற "96" படத்தில் நடிகை த்ரிஷாவுக்கு பின்னணி குரல் கொடுத்தவர் சின்மயிதான். பல முன்னணி நடிகைகளுக்கும் பல ஆண்டுகளாக குரல் கொடுத்து வந்தார் சின்மயி. ஆனால், தான் டப்பிங் கலைஞர்கள் சங்கத்தில் இருந்து நீக்கிவிட்டதாக சின்மயி தனது ட்விட்டர் பக்கத்தில் இன்று பதிவிட்டுள்ளார்.

இது குறித்து ட்விட்டரில் பதிவிட்டுள்ள சின்மயி " டப்பிங் கலைஞர்கள் சங்கத்தில் இருந்து என்னை நீக்கிவிட்டார்கள். என் நீக்கம் குறித்து எந்த தகவலும் சங்கத்தில் இருந்து வரவில்லை. எனக்கு எவ்வித முன்னறவிப்பும் கொடுக்கப்படவில்லை. இதனால் இனியும் என்னால் தமிழ் படங்களுக்கு பின்னணி குரல் கொடுக்க முடியாது. நான் சங்கத்துக்கு இரண்டு ஆண்டுகளாக சந்தா கட்டவில்லை அதனால் என்னை நீக்கிவிட்டதாக காரணம் தெரிவிக்கிறார்கள். சந்தா கட்டாதது குறித்தும் எனக்கு முன் அறிவிப்புகள் வரவில்லை. என்னால் மீண்டும் டப்பிங் சங்க உறுப்பினராக முடியுமா என தெரியவில்லை" என பதிவிட்டுள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close