[X] Close
JUST IN
  • BREAKING-NEWS மாலத்தீவு அதிபர் பதவியேற்பு விழாவில் பங்கேற்க மாலேவுக்கு சென்ற இந்திய பிரதமர் மோடிக்கு உற்சாக வரவேற்பு
  • BREAKING-NEWS முன்னெச்சரிக்கை நடவடிக்கையாக லட்சத்தீவுகள் கடல் பகுதிக்கு மீன்பிடிக்க மீனவர்கள் செல்ல வேண்டாம் - கஜா புயலை தொடர்ந்து அரபிக் கடலில் புதிதாக புயல் உருவாவதால் அவசர கட்டுப்பாட்டு மையம் அறிவுறுத்தல்
  • BREAKING-NEWS கஜா புயலால் உயிரிழந்தோர் எண்ணிக்கை 46 ஆக அதிகரித்தது
  • BREAKING-NEWS கஜா புயலால் தமிழகம் முழுவதும் உயிரிழந்தோர் எண்ணிக்கை மதியம் 2 மணி நிலவரப்படி 40ஆக அதிகரிப்பு
  • BREAKING-NEWS வேதாரண்யம் அருகே 35க்கும் மேற்பட்ட கிராமங்களில் தொலைத்தொடர்பு சேவைகள் முழுவதும் பாதிப்பு
  • BREAKING-NEWS கஜா புயலால் கடுமையாக பாதிக்கப்பட்ட வேதாரண்யம் தனித்தீவாக காட்சியளிக்கிறது
  • BREAKING-NEWS கடற்கரையில் உள்ளவர்களை கலைந்து செல்ல அறிவுறுத்துமாறு காவல்துறைக்கு பேரிடர் மேலாண்மைத் துறை உத்தரவு

எமலோக எலெக்‌ஷன்: புதிய எமனாகிறார் யோகிபாபு!

yogi-babu-to-play-the-lead-in-fantasy-comedy

எமலோகத்தை மையமாக வைத்து உருவாகும் ’தர்மபிரபு’ படத்தின் நடிகர் யோகிபாபு எமனாக நடிக்கிறார்.

ஸ்ரீவாரி பிலிம்ஸ் என்ற பட நிறுவனம் சார்பில் பி.ரங்கநாதன் தயாரிக்கும் படம் ’தர்மபிரபு’. இவர் நாணயம், கள்வனின் காதலி, ராமேஸ்வரம் மற்றும் பல படங்களுக்கு தயாரிப்பு நிர்வாகியாக பணிபுரிந்தவர். பல படங்களை தமிழ்நாடு உரிமை பெற்று ரிலீஸ் செய்தும் உள்ளார். இவர் முதன்முதலாக தயாரிக்கும் படம் இது.

இந்தப்படத்தை முத்துகுமரன் இயக்குகிறார். இவர் ஏற்கனவே விமல் நடித்து வரும் ‘கன்னிராசி’ படத்தை இயக்கியுள்ளார். அந்தப்படம் ரிலீஸ் ஆவதற்கு முன்பாக இதை இயக்குகிறார்.

எமலோகத்தில் எமன் பதவி முடிவடையும் நிலையில், புதிய எமனை தேர்ந்தெடுப்பதற்கான தேர்தல் நடக்கிறது. வாரிசு அடிப்படையில் யோகிபாபுவும், சித்ரகுப்தனாக பதவி வகித்துவரும் கருணாகரன் பதவி அடிப்படையிலும் எமனுக்கு போட்டி போடுகிறார்கள். இதில் யார் எமன் பதவியை தட்டி செல்கிறார்கள், தன் தகுதியை எப்படி நிரூபித்து கொள்ளப் போகிறார்கள் என்கிற காமெடி கதை.

சமீபத்தில் தன் உடல் மொழியாலும், வசன உச்சரிப்பாலும் அனைவரையும் தன் ரசிகர்களாக மாற்றி கொண்டிருப்பவர் யோகிபாபு. அவர் எமன் கேரக்டரில் நடிக்கிறார். மற்ற நடிகர், நடிகைகள் தேர்வு நடைபெற்று வருகிறது.

படத்திற்காக எமலோகம் செட் பல கோடி ரூபாய் செலவில் அமைக்கப்படுகிறது. இதற்காக கலை இயக்குநர் சி.எஸ். பாலசந்தர் அரங்க அமைப்பிற்க்கான வேலைகளில் மும்மரமாக ஈடுபட்டுள்ளார். 

டிசம்பர் மாதம் முதல் படப்பிடிப்பு ஆரம்பமாகிறது. முழுக்க முழுக்க சென்னையில் படப்பிடிப்பு நடைபெறும். பாடல் காட்சிகள் வெளிநாட்டில் படமாக்கப்படவுள்ளது. இசை, ஜஸ்டின் பிரபாகரன். ஒளிப்பதிவு, மகேஸ் முத்துசாமி. பாடல்கள், யுகபாரதி.

Advertisement:
இது தொடர்பான செய்திகள் :
Advertisement:
Advertisement:
[X] Close