[X] Close
JUST IN
  • BREAKING-NEWS எச்.ஐ.வி. ரத்தம் ஏற்றப்பட்ட சாத்தூர் பெண்ணுக்கு பெண் குழந்தை பிறந்தது
  • BREAKING-NEWS மக்களவை தேர்தலுக்கு தயாராக இருக்க மாநில அரசுக்கு தேர்தல் ஆணையம் உத்தரவு; சொந்த மாவட்டத்திலோ அல்லது 3 ஆண்டுகளுக்கு மேலாக ஒரே இடத்திலோ பணியாற்றும் அரசு அதிகாரிகளை பிப்ரவரி 28-ஆம் தேதிக்குள் இடமாற்றம் செய்ய உத்தரவு
  • BREAKING-NEWS வண்டலூர் அறிஞர் அண்ணா உயிரியல் பூங்காவிற்கு கடந்த 4 நாட்களில் 1 லட்சம் பேர் வருகை தந்துள்ளனர் - பூங்கா நிர்வாகம்
  • BREAKING-NEWS பத்திரிகையாளர் கொலை வழக்கில் சாமியார் குர்மீத் ராம் ரஹீமிற்கு ஆயுள் தண்டனை விதிப்பு - பஞ்ச்குலா சிபிஐ நீதிமன்றம் தீர்ப்பு
  • BREAKING-NEWS திருச்சி: மணப்பாறை அருகே ஆவாரங்காடு ஜல்லிக்கட்டில் மாடுபிடி வீரர்கள், பார்வையாளர்கள் என 71பேர் காயம்
  • BREAKING-NEWS சென்னை வண்டலூர் பூங்காவில் காணும் பொங்கலை முன்னிட்டு 3 மணி நிலவரப்படி 40,000பேர் வருகை தந்துள்ளனர் - பூங்கா நிர்வாகம்
  • BREAKING-NEWS குஜராத்: அகமதாபாத்தில் வல்லபாய் படேல் மருத்துவ அறிவியல் மற்றும் ஆராய்ச்சி நிறுவனம் திறப்பு

“எனது பாடல்களை பயன்படுத்த தடை செல்லும்” - இளையராஜா விளக்கம்

ilayaraja-explain-abuot-his-music-copy-rights

தனது பாடல்களை பயன்படுத்த நீதிமன்றம் பிறப்பித்த தடை செல்லும் என்றும், அந்தத் தீர்ப்பில் எந்த மாற்றமும் இல்லை என்றும் இசையமைப்பாளர் இளையராஜா தெரிவித்துள்ளார். 

இதுதொடர்பாக அவர் வெளியிட்டுள்ள அறிக்கையில், சட்டத்துக்குப் புறம்பாக தனது பாடல்களை விற்பனை செய்வதாக 2010ஆம் ஆண்டு எக்கோ நிறுவனத்தின் மீதும், அதன் உரிமையாளர் மீதும் தொடரப்பட்ட வழக்கின் தீர்ப்பே நேற்று வெளியானதாக விளக்கம் அளித்துள்ளார். அந்தத் தீர்ப்பின்படி, எக்கோ நிறுவனத்தின் மீதான குற்றவியல் நடவடிக்கையை மட்டுமே நீதிபதி ரத்து செய்துள்ளார் என்றும், அதில் தனது காப்புரிமை செல்லாது என்று அறிவிக்கவில்லை என்றும் இளையராஜா தெரிவித்துள்ளார். 

இந்த வழக்குக்கும், பாடல்களின் உரிமை மீது 2014ஆம் ஆண்டு தொடர்ந்த வழக்கிற்கும் எந்தத் தொடர்பும் இல்லை என்று அவர் அறிக்கையில் குறிப்பிட்டுள்ளார். இதுதொடர்பாக வெளிவரும் முன்னுக்குப்பின் முரணான செய்திகளில் உண்மை இல்லை என்று இளையராஜா தெரிவித்துள்ளார். 4 ஆண்டுகள் வழக்கு நடத்தி இறுதித் தீர்ப்புக்காக காத்திருக்கும் நேரத்தில், தவறான தகவல்கள் வெளியாவதாகவும் அவற்றில் உண்மையில்லை என்றும் தெரிவித்துள்ளார். 

முன்னதாக, தனது பாடல்களை காப்புரிமை பெறாமல் பயன்படுத்தியதாக எக்கோ உள்ளிட்ட சில இசை நிறுவனங்கள் மீது கடந்த 2010ஆம் ஆண்டில் சென்னை மத்திய குற்றப்பிரிவு காவல்துறையில் இசையமைப்பாளர் இளையராஜா புகார் செய்திருந்தார். இந்தப்புகாரின் மீது காவல்துறையின் மத்திய குற்றப்பிரிவு சார்பில் நடவடிக்கை எடுக்கப்பட்டது. இதை எதிர்த்து எக்கோ நிறுவனம் சார்பில் சென்னை உயர்நீதிமன்றத்தில் வழக்குத் தொடரப்பட்டது. வழக்கை நேற்று விசாரித்து உயர்நீதிமன்றம்,  “இந்தப் பிரச்சினை ஒரு சிவில் பிரச்சினை என்பதனால் கிரிமினல் புகார் அளிக்க முடியாது” என்று கூறி இளையராஜா அளித்த புகாரை தள்ளுபடி செய்தது.  

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close