[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ.79.31 காசுகளாகவும், டீசல் லிட்டருக்கு ரூ.75.31 காசுகளாகவும் விலை நிர்ணயம்
  • BREAKING-NEWS சென்னை மெரினா கடற்கரை சாலையில் எம்ஜிஆர் நூற்றாண்டு வளைவை திறக்க உயர்நீதிமன்றம் தடை
  • BREAKING-NEWS சிலைக்கடத்தல் வழக்கில் ரன்வீர்ஷா கூட்டாளி கிரன்ராவின் முன்ஜாமீன் மனு தள்ளுபடி
  • BREAKING-NEWS சபரிமலை வழக்கின் தீர்ப்பை அமல்படுத்த அவகாசம் கோரி உச்சநீதிமன்றத்தில் தேவசம்போர்டு மனு தாக்கல்
  • BREAKING-NEWS மாலத்தீவு அதிபர் பதவியேற்பு விழாவில் பங்கேற்க மாலேவுக்கு சென்ற இந்திய பிரதமர் மோடிக்கு உற்சாக வரவேற்பு
  • BREAKING-NEWS முன்னெச்சரிக்கை நடவடிக்கையாக லட்சத்தீவுகள் கடல் பகுதிக்கு மீன்பிடிக்க மீனவர்கள் செல்ல வேண்டாம் - கஜா புயலை தொடர்ந்து அரபிக் கடலில் புதிதாக புயல் உருவாவதால் அவசர கட்டுப்பாட்டு மையம் அறிவுறுத்தல்
  • BREAKING-NEWS கஜா புயலால் உயிரிழந்தோர் எண்ணிக்கை 46 ஆக அதிகரித்தது

நடிகர் சண்முகராஜன் மீது ‘நாட்டாமை’ டீச்சர் பாலியல் புகார்

nattamai-teacher-character-rani-filed-sexual-abuse-case-on-shanmugarajan

நடிகர் சண்முகராஜன் பாலியல் தொல்லை கொடுத்ததாக நடிகை ராணி சென்னை செங்குன்றம் காவல் நிலையத்தில் புகார் அளித்துள்ளார். 

நடிகர் விக்ரம் கதாநாயகனாக நடித்த ‘ஜெமினி’ படத்தில் இடம்பெற்ற ‘ஓ போடு’ பாடல் மூலம் பிரபலமானவர் ராணி. அதற்கு முன்னரே ‘நாட்டாமை’ படத்தில் டீச்சராக நடித்து தமிழ் திரையுலகில் இடம் பிடித்தவர் இவர். இந்நிலையில் இவர் செங்குன்றத்தில் உள்ள துணிக்கடை ஒன்றின் விளம்பரத்தில் நடிப்பதற்காக அங்கு சென்றுள்ளார். 

விளம்பரத்தில் ராணியுடன் நடிகர் சண்முகராஜனும் இணைந்து நடித்ததாகக் கூறப்படுகிறது. இந்தப் படப்பிடிப்பின் போது சண்முகராஜன் தனக்கு பாலியல் தொல்லை கொடுத்ததாக ராணி குற்றம்சாட்டியுள்ளார். அத்துடன் தன்னை அவர் தாக்கியதாகவும் ராணி தெரிவித்துள்ளார். இதுதொடர்பாக செங்குன்றம் காவல் நிலையத்தில் அவர் புகாரும் அளித்துள்ளார். 

#MeToo விவகாரத்தில் பல்வேறு பிரபலங்கள் மீது பாலியல் புகார் கிளம்பி வருகிறது. குறிப்பாக திரைத்துறையைச் சார்ந்தவர்கள் மீதும் புகார்கள் தொடர்கின்றன. கவிஞர் வைரமுத்து மீது பாடகி சின்மயி தெரிவித்துள்ள பாலியல் குற்றச்சாட்டுகள் தற்போது சர்ச்சையை ஏற்படுத்தியுள்ளது. இதற்கு வைரமுத்து மறுப்பு தெரிவித்துள்ளார். தன்மீது வழக்கு தொடர்ந்தால், சந்திக்க தயார் என்றும் அவர் கூறியுள்ளார். 

இந்தநிலையில் நடிகர் மீது நடிகை ஒருவர் அளித்துள்ள பாலியல் புகார் பரபரப்பை ஏற்படுத்தியுள்ளது. நடிகர் சண்முகராஜன், ‘விருமாண்டி’ படத்தில் காவலராகவும், ‘எம்டன்’ மகன் படத்தில் கதாநாயகியின் தந்தையாகவும், ‘சண்டைக்கோழி’, ‘சிவாஜி’, ‘அந்நியன்’ உட்பட பல படங்களில் நடித்துள்ளார்.

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close