[X] Close
JUST IN
  • BREAKING-NEWS இனி வியாழக்கிழமை தோறும் டெங்கு ஒழிப்பு தினம் - சுகாதாரத்துறை
  • BREAKING-NEWS மழையால் புதுக்கோட்டை மாவட்ட பள்ளிகளுக்கு இன்று விடுமுறை அறிவிப்பு
  • BREAKING-NEWS பாகிஸ்தானுக்கு இனி இந்திய தண்ணீர் கிடையாது: ஹரியானா தேர்தல் பரப்புரையில் பிரதமர் மோடி திட்டவட்டம்
  • BREAKING-NEWS உச்சநீதிமன்றத்தில் நடைபெற்று வரும் அயோத்தி வழக்கின் விசாரணை இன்றுடன் நிறைவு
  • BREAKING-NEWS கீழடியில் 5-ம் கட்ட ஆய்வுக்காக தோண்டப்பட்ட 54 குழிகள் இன்று மூடப்படுகின்றன
  • BREAKING-NEWS டாக்டர் எம்.ஜி.ஆர் நிகர்நிலை பல்கலைக்கழகம் சார்பில் முதல்வர் பழனிசாமிக்கு அக்டோபர் 20ம் தேதி கௌரவ டாக்டர் பட்டம் வழங்கப்படுகிறது

“மாடியில நிக்குற மான்குட்டி.” - கானா வரிகளில் கலக்கும்‘வடசென்னை’டீசர் 

bubbling-with-youthfulness-dhanush-s-vada-chennai-song-teaser

கானா பாலாவின் குரலில் உருவாகியுள்ள ‘வடசென்னை’ பாடல் டீசரை தனுஷ் தனது ட்விட்டர் பக்கத்தில் பகிர்ந்து கொண்டுள்ளார். 

இயக்குநர் வெற்றிமாறன் இயக்கத்தில் உருவாகியுள்ள திரைப்படம் ‘வடசென்னை’. இவரது இயக்கத்தில் நடிகர் தனுஷ் மூன்றாவதாக இணைந்துள்ளார். முன்னதாக இந்தக் கூட்டணி ‘பொல்லாதவன்’, ‘ஆடுகளம்’ ஆகிய வெற்றிப்படங்களை கொடுத்துள்ளது. ‘வடசென்னை’யில்  சமுத்திரகனி, கிஷோர், ஆண்ட்ரியா, ஐஸ்வர்யா ராஜேஷ், அமீர் உள்ளிட்ட பலர் நடித்துள்ளனர். 

சென்னையை மையப்படுத்திய கதைக்களத்தில் உருவாகியுள்ள இப்படத்தின் டீசர் ஏற்கெனவே வெளியாகியிருந்தது.

இந்தத் திரைப்படத்திற்கு சந்தோஷ் நாராயணன் இசையமைத்துள்ளார். அக்டோபர் 18ம் தேதி திரைப்படம் ரிலீஸ் ஆகவுள்ள நிலையில் சீனாவில் நடைபெற உள்ள பிங்யாவோ சர்வதேச திரைப்பட விழாவில் இதனை திரையிட உள்ளதாக படக்குழு தெரிவித்தது.

 அக்டோபர் மாதம் 11 முதல் 20ஆம் தேதி வரை சீனாவில், பிங்யாவோ சர்வதேச திரைப்பட விழா நடைபெற உள்ளது. அதில்தான் இதனை திரையிட உள்ளார்கள்.

இந்நிலையில் இப்படத்தில் இடம்பெற்றுள்ள ‘மாடியில நிக்குற மான்குட்டி..மேல வா காட்டுறேன் ஊரை சுத்தி’ பாடலின் டீசரை வெளியிட்டுள்ளது படக்குழு. கானா பாலாவின் குரலில் வடசென்னை கலாச்சாரத்தை காட்சிப்படுத்தும் வரிகள் இதில் இடம்பெற்றுள்ளன. அதில் தனுஷ் மிகவும் இளமை தோற்றத்தில் உள்ளார். மேலும் ஐஸ்வர்யா ராஜேஷுடன் அவர் நெருங்கி காதல் செய்யும் காட்சிகளும் இடம்பெற்றுள்ளன. ஐஸ்வர்யா அசலான மெட்ராஸ் பாஷையில் பேசுவதை கவனிக்க முடிகிறது. இந்த டீசரை தனுஷ் தன் ட்விட்டர் பக்கத்தில் பகிர்ந்து கொண்டுள்ளார். 

Advertisement:
Advertisement:
Advertisement:
[X] Close