[X] Close
JUST IN
  • BREAKING-NEWS பரபரப்பான அரசியல் சூழலில் கர்நாடக காங்கிரஸ் எம்எல்ஏக்கள் கூட்டம் நாளை மறுநாள் நடக்கிறது; காங்கிரஸ் எம்எல்ஏக்களுக்கு பாஜக பேரம் பேசுவதாக கூறப்படும் நிலையில் ஆலோசனை நடைபெறவுள்ளது
  • BREAKING-NEWS காணும் பொங்கலையொட்டி சென்னையில் நாளை சிறப்பு பேருந்துகள் இயக்கப்படும்; சென்னை மற்றும் புறநகர் பகுதிகளில் உள்ள சுற்றுலாத்தளங்களுக்கு 480 சிறப்பு பேருந்துகள் இயக்கம் - மாநகர போக்குவரத்துக்கழகம்
  • BREAKING-NEWS சேலம்-ஓமலூர் பிரதான சாலைக்கு எம்ஜிஆர் பெயர் சூட்டினார் முதல்வர் பழனிசாமி
  • BREAKING-NEWS அதிமுக அரசு நீடிக்க வேண்டும் என்று திமுக எம்எல்ஏக்களே விரும்புகின்றனர் - அமைச்சர் ஜெயக்குமார்
  • BREAKING-NEWS சேலம் அண்ணா பூங்கா வளாகத்தில் எம்ஜிஆர், ஜெயலலிதா மணிமண்டபத்தை திறந்துவைத்தார் முதல்வர் பழனிசாமி
  • BREAKING-NEWS திருவாரூர் நாகை மாவட்டங்களில் ஹைட்ரோ கார்பன் திட்டம் செயல்படுத்த அனுமதி அளித்த மத்திய அரசை கண்டித்து நேற்று மார்க்சிஸ்ட் கம்யூனிஸ்ட் கட்சி சார்பில் கோமல் கிராமத்தில் கறுப்புக் கொடி போராட்டத்தில் ஈடுபட்டதாக 30பேர் மீது திருவாரூர் தாலுகா காவல் துறையினர் வழக்குப்பதிவு
  • BREAKING-NEWS தமிழகத்தில் மேலும் 2 நாட்களுக்கு மூடுபனி அதிகமாக நிலவும்; தமிழகத்தில் மேகக்கூட்டங்கள் குறைவால் பனி அதிகரித்து காணப்படுகிறது - சென்னை வானிலை ஆய்வு மையம்

“வீட்டு பொருட்களை ஜப்தி செய்ய நேரிடும்” - சிம்புவுக்கு உயர்நீதிமன்றம் எச்சரிக்கை

chennai-high-court-warning-to-actor-simbu

முன்பணமாக பெற்ற 50 லட்சம் ரூபாய்க்கான உத்தரவாதத்தை அளிக்காவிட்டால் வீட்டில் உள்ள மொபைல், பிரிட்ஜ், ஏசி உள்ளிட்ட பொருட்களை ஜப்தி செய்ய நேரிடும் என நடிகர் சிம்புவிற்கு சென்னை உயர்நீதிமன்றம் எச்சரிக்கை விடுத்துள்ளது.

பேஷன் மூவி மேக்கர்ஸ் நிறுவனம் கடந்த 2013-ஆம் ஆண்டு நடிகர் சிம்புவை வைத்து படம் ஒன்றை தயாரிக்க திட்டமிட்டது. இதற்காக நடிகர் சிம்புவிற்கு ஐம்பது லட்சம் ரூபாய் முன் பணமும் கொடுக்கப்பட்டது. ஆனால் சொன்னபடி நடிகர் சிம்பு படத்தில் நடிக்கவில்லை. எனவே முன் பணத்தை திரும்பி கேட்டபோது சிம்பு தரப்பில் கொடுக்க மறுத்ததாகவும் கூறப்படுகிறது. இதனையடுத்து முன் பணத் தொகையை திரும்பி வசூலிக்கும் நோக்கில் சென்னை உயர்நீதிமன்றத்தில் பட நிறுவனம் வழக்கு தொடர்ந்தது.

இந்த வழக்கு நீதிபதி கோவிந்தராஜ் முன்பு விசாரணைக்கு வந்தது. அப்போது குறித்த காலத்தில் தயாரிப்பு பணிகளை பட தயாரிப்பு நிறுவனம் துவங்காத காரணத்தினால் தனக்கு பெருத்த இழப்பு ஏற்பட்டதாகவும், அதனால் முன் பணத்தை முடக்க வேண்டும் என நடிகர் சிம்பு தரப்பில் தெரிவிக்கப்பட்டது. இதனை கேட்ட உயர்நீதிமன்ற நீதிபதி, பட பணிகள் துவங்காத காரணத்தினால் ஏற்பட்ட இழப்பிற்கான ஆதாரங்களை சிம்பு தரப்பு சமர்ப்பிக்கவில்லை எனக் கூறி முன் பணமாகப் பெற்ற 50 லட்சம் ரூபாய்க்கு வங்கி உத்தரவாதம் வழங்க வேண்டும் என நடிகர் சிம்புவிற்கு உத்தரவிட்டார். 4 வாரங்களில் இந்த உத்தரவாதத்தை வழங்காவிடில் சிம்புவுக்கு சொந்தமான கார், மொபைல், பிரிட்ஜ், ஏசி உள்ளிட்ட வீட்டு உபயோகப் பொருட்கள் ஜப்தி செய்ய நேரிடும் எனவும் நீதிபதி எச்சரிக்கை விடுத்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close