[X] Close
JUST IN
  • BREAKING-NEWS காரைக்கால் மாவட்டத்தில் நாளை பள்ளிகளுக்கு விடுமுறை - ஆட்சியர் கேசவன்
  • BREAKING-NEWS வேதாரண்யம் அருகே 35க்கும் மேற்பட்ட கிராமங்களில் தொலைத்தொடர்பு சேவைகள் முழுவதும் பாதிப்பு
  • BREAKING-NEWS கஜா புயலால் கடுமையாக பாதிக்கப்பட்ட வேதாரண்யம் தனித்தீவாக காட்சியளிக்கிறது
  • BREAKING-NEWS கஜா புயலின் தாக்கத்தால் ஏற்பட்ட விபத்துகளில் தமிழகத்தில் இதுவரை உயிரிழந்தோரின் எண்ணிக்கை 27 ஆனது
  • BREAKING-NEWS 21 கி.மீ. வேகத்தில் நாகையை நெருங்கி வருகிறது கஜா புயல் - சென்னை வானிலை ஆய்வு மையம்
  • BREAKING-NEWS கடற்கரையில் உள்ளவர்களை கலைந்து செல்ல அறிவுறுத்துமாறு காவல்துறைக்கு பேரிடர் மேலாண்மைத் துறை உத்தரவு
  • BREAKING-NEWS ‘கஜா புயல்’... முன்னெச்சரிக்கை அடிப்படையில் தேவையான நடவடிக்கைகள் அரசு சார்பில் மேற்கொள்ளப்பட்டுள்ளன; மக்கள் அச்சமடைய வேண்டாம் - பேரிடர் மேலாண்மைத் துறை

கேரள பாதிப்பால் மனமுடைந்தேன்: ராகவா லாரன்ஸ் ரூ.1 கோடி நிதியுதவி!

i-pray-to-ragavavendra-swamy-for-kerala-to-rebuild-soon-lawrance

வெள்ளப் பாதிப்ப்பில் இருந்து கேரள மாநிலம் விரைவில் மீண்டு வர, ராகவேந்திரரிடம் வேண்டுவதாக கூறியுள்ள நடிகர் ராகவா லாரன்ஸ், ரூ.1 கோடி நிவாரண நிதி வழங்குகிறார். 

கேரளாவில் வரலாறு காணாத மழை, வெள்ளம் காரணமாக கடும் சேதம் ஏற்பட்டுள்ளது. இழப்பை சரிசெய்ய ரூ.2,500 கோடி ஆகும் என அரசு மதிப்பிட்டுள்ளது. பாதிக்கப்பட்ட மக்களுக்கு பல்வேறு தரப்பினரும் உதவிக்கரம் நீட்டி வருகின்றனர். தமிழ் சினிமாவில் நடிகர் ரஜினிகாந்த், கமல்ஹாசன், சூர்யா, கார்த்தி, விஷால், விக்ரம் உட்பட பல நடிகர், நடிகைகள் நிதியுதவி அளித்துள்ளனர். அந்த வகையில் நடிகர் ராகவா லாரன்ஸ் ரூ.1 கோடி வழங்க உள்ளதாகத் தெரிவித்துள்ளார். வரும் சனிக்கிழமை கேரள முதலமைச்சர் பினராயி விஜயனை நேரில் சந்தித்துக்கு இந்த தொகையை வழங்க இருக்கிறார்.

Read Also -> கமலின் 'ஹேராம்' தந்த திருப்புமுனை: ராணி முகர்ஜி ஜிலீர்!

Read Also -> கேரள சேதம்: மகனின் திருமணத் திட்டத்தை மாற்றிய பாடகர் உண்ணி மேனன் 

இதுபற்றி ட்விட்டரில், ‘வெள்ளப்பாதிப்பு காரணமாக கேரளா சிதைந்திருப்பது கண்டு மனமுடைந்தேன். என் சகோதர, சகோதரிகள் வெள்ளத் தால் பாதிக்கப்படுவது வருத்தத்தை அளிக்கிறது. நான் நேரடியாக பாதிக்கப்பட்ட இடங்களுக்குச் சென்று உதவ நினைத்தேன். அப்போது மழை அதிகமாக இருந்ததால் போக வேண்டாம் என்று சொன்னார்கள். இப்போது மழை நின்றுவிட்டது. இதுதான் சரியான நேரம். சனிக்கிழமை கேரள முதல்வர் பினராயி விஜயனை சந்திக்கிறேன். அவரிடம் நிவாரண நிதியாக ரூ.1 கோடியை வழங்குகிறேன். அரசுடன் இணைந்து பாதிக்கப்பட்ட பகுதிகளில் சென்று உதவி செய்ய இருக்கிறேன். பாதிப்பில் இருந்து கேரளா விரைவில் மீண்டெழுவதற்கு ராகவேந்திரர் சாமியிடம் வேண்டுகிறேன்’ என்று கூறியுள்ளார்..


 

Advertisement:
Advertisement:
Advertisement:
[X] Close