விஜய்க்காக ஏ.ஆர்.ரஹ்மான் இசையமைக்கும் முதல் தீம் மியூசிக்

ஏ.ஆர். ரஹ்மான் ‘சர்கார்’ படத்திற்காக தீம் மியூசிக் ஒன்றை உருவாக்கி வருவதாக தகவல் வெளியாகி உள்ளது. 

விஜய் நடித்து வரும் ‘சர்கார்’ திரைப்படத்திற்கு ஏ.ஆர். ரஹ்மான் இசையமைத்து வருகிறார். இந்தப் படத்திற்கான இரண்டு பாடல்களை முழுவதுமாக இசையமைத்து ரஹ்மான் கொடுத்துவிட்டார். அதற்கான காட்சிகளையும் படக்குழு படமாக்கிவிட்டது. இந்நிலையில் இந்தப் படத்தில் ரஹ்மான் முதன்முறையாக விஜய்க்காக தீம் மியூசிக் ஒன்றை உருவாகி இருக்கிறார். இதுவரை ரஹ்மான் ‘உதயா’, ‘அழகிய தமிழ் மகன்’, ‘மெர்சல்’ என மூன்று படங்களுக்கு இசையமைத்திருகிறார். ஆனால் தனியாக விஜய்க்கு தீம் மியூசிக் போட்டது கிடையாது. ‘மெர்சல்’ படத்தில் கூட தனது வழக்கமான பாணியை மீறி ‘ஆளப் போறான் தமிழன்’ என்ற வரிகளை அமைத்திருந்தார். அந்த மாற்றம் அவரது இசை வாழ்வில் முக்கியதமானதாக கருதப்படுகிறது. இவர் ‘சர்கார்’ படத்தில் அமைக்கும் தீம் மியூசிக் காட்சிகள் அமெரிக்காவில் படமாக்க பட உள்ளது.