[X] Close
JUST IN
  • BREAKING-NEWS பாஜக அரசுக்கு எதிரான நம்பிக்கையில்லா தீர்மானத்தை அதிமுக ஆதரிக்காது- முதலமைச்சர்
  • BREAKING-NEWS டெல்டா பாசனத்திற்காக மேட்டூர் அணையிலிருந்து தண்ணீர் திறந்தார் முதலமைச்சர் பழனிசாமி
  • BREAKING-NEWS பாஜக அரசுக்கு எதிரான நம்பிக்கையில்லா தீர்மானத்திற்கு தார்மீக அடிப்படையில் திமுக முழு ஆதரவு- ஸ்டாலின்
  • BREAKING-NEWS கோவை: ஆழியார் அணை முழு கொள்ளளவான 120 அடியை எட்ட உள்ளதால் வெள்ள அபாய எச்சரிக்கை
  • BREAKING-NEWS சத்தீஸ்கர்: தான்டேவாடா- பிஜாப்பூர் எல்லைப்பகுதியில் நடந்த என்கவுன்டரில் 7 மாவோயிஸ்ட் சுட்டுக்கொலை
  • BREAKING-NEWS பாரதிய ஜனதா கட்சியின் தேசிய செயற்குழு கூட்டம் ஆகஸ்ட் 18,19 ஆம் தேதி டெல்லியில் நடக்கிறது
  • BREAKING-NEWS புதிய தலைமைச்செயலகம் கட்டியதில் முறைகேடுகள் நடந்திருந்தால் லஞ்ச ஒழிப்புதுறை விசாரணைக்கு உத்தரவிட்டிருக்கலாமே?- உயர்நீதிமன்றம்

கர்நாடக காவியின் தூதுவர் ரஜினி - பாரதிராஜா கடும் தாக்கு

bharathiraja-warned-rajinikanth-for-his-comment-on-ipl-protest

அறவழியில் போராடிய தமிழர்கள் வன்முறையாளர்களா? என்று ரஜினிக்கு இயக்குநர் பாரதிராஜா கேள்வி எழுப்பியுள்ளார். 

ஐபிஎல் போட்டிகளுக்கு எதிராக ஏப்ரல் 10-ம் தேதி ஆர்ப்பாட்டம் நடைபெற்றது. இந்த ஆர்ப்பாட்டத்தின் போது, காவலர் ஒருவர் மீது தாக்குதல் நடத்தப்பட்டது. அதேபோல், சென்னை அணி ரசிகர்கள் சிலர் மீதும் தாக்குதல் நடத்தப்பட்டது. இந்தச் சம்பவம் குறித்து ரஜினி தனது ட்விட்டரில், “வன்முறையின் உச்சக்கட்டமே சீருடையில் பணிபுரியும் காவலர்கள் தாக்கப்படுவது தான். இத்தகைய வன்முறை கலாச்சாரத்தை உடனே கிள்ளி எறியவில்லை என்றால் நாட்டுக்கே பேராபத்து. சீருடையில் இருக்கும் காவலர்கள் மீது கை வைப்பவர்களை தண்டிக்க இன்னும் கடுமையான சட்டங்களை நாம் இயற்றவேண்டும்” என்று கருத்து பதிவிட்டிருந்தார். காவலர் மீது தாக்குதல் நடத்தப்பட்ட வீடியோ காட்சிகளையும் பதிவிட்டு இருந்தார். 

ரஜினிகாந்தின் இந்த கருத்துக்கு பல்வேறு அரசியல் கட்சி தலைவர்கள் மற்றும் அமைப்பினர் கடும் கண்டனம் தெரிவித்தனர். இந்நிலையில், ரஜினியின் கருத்து இயக்குநர் பாரதிராஜாவும் கடும் கண்டனம் தெரிவித்து அறிக்கை வெளியிட்டுள்ளார். “பேசும் போது, எதைப்பேசுகிறோம் என்பதை உணர்ந்து பேசுங்கள். இல்லையென்றால், தமிழ் மக்களால் நீங்கள் ஓரங்கட்டப்படுவீர்கள்” என்று ரஜினிக்கு பாரதிராஜா எச்சரிக்கை விடுத்துள்ளார்.

மேலும் அந்த அறிக்கையில், “கலைஞர்களெல்லாம் ஒன்றுக் கூடி, எதிர்க்குரல் கொடுத்த போதும், அங்குள்ள காவலர்கள் தமிழர்களைத் துரத்தித் துரத்தி அடித்த போதும், தமிழ்நாடு பதிவு எண் கொண்ட அத்தனை வாகனங்களையும் அடித்து நொறுக்கிய போதும், வாகன ஓட்டிகளை நிர்வாணப்படுத்தி அடித்தப் போதும் வாய்திறக்காத நீங்கள் இன்று, தமிழ்நாட்டிலேயே இருந்து கொண்டு, தமிழனிடம் உறிஞ்சிய ரத்தத்தில், ராஜவாழ்க்கை வாழ்ந்து கொண்டு, எங்களையே வன்முறையாளர்கள் என்று பட்டம் சுமத்துகிறீர்கள். சீருடையில் இருந்தவரும் எங்கள் தமிழன் தான், எங்கோ, கூட்டத்தில் அடையாளம் இல்லாத ஒருவன், அல்லது இந்த நிகழ்ச்சியைக் கறைபடுத்த நினைத்த ஒருவர், செய்த செயலுக்கு நாங்கள் வருந்துகிறோம். நடந்த போராட்டம் தனிமனிதர்களுக்கானது அல்ல” என்று அவர் கூறியுள்ளார்.

வீடியோ

Advertisement:
Advertisement:
Advertisement:
[X] Close