[X] Close
JUST IN
  • BREAKING-NEWS நீட் தேர்வை எதிர்கொள்ளும் வகையில் மொபைல் ஆப்-ஐ அறிமுகம் செய்ய உள்ளோம் - ஜி.வி.பிரகாஷ்
  • BREAKING-NEWS கரிகாலன் என்ற அடைமொழியுடன் 'காலா' படத்தை வெளியிட தடை விதிக்கக்கோரிய மனுவை தள்ளுபடி செய்தது சென்னை உயர்நீதிமன்றம்
  • BREAKING-NEWS பேராசிரியை நிர்மலா தேவியை காவலில் எடுத்து விசாரிக்க அனுமதி கோரி சாத்தூர் நீதிமன்றத்தில் சிபிசிஐடி மனுதாக்கல்
  • BREAKING-NEWS பேராசிரியை நிர்மலா தேவி விவகாரத்தில் விசாரணைக்கு உதவ 2 பெண் அதிகாரிகள் நியமனம் - விசாரணை அதிகாரி சந்தானம்
  • BREAKING-NEWS ஹெச். ராஜா மீது புகார் அளிக்கப்பட்டால் நடவடிக்கை எடுக்க சட்டத்தில் இடமுண்டு- அமைச்சர் ஜெயக்குமார்
  • BREAKING-NEWS பேராசிரியை நிர்மலாதேவி விவகாரம் தொடர்பாக விசாரிக்க சிபிசிஐடி சார்பில் 7 குழுக்கள் அமைப்பு
  • BREAKING-NEWS திரையரங்குகளில் ரூ.150க்கு மேல் டிக்கெட் விற்பனை செய்யப்படாது - விஷால்

நடிகர் சங்கக் கட்டிடத்தை நாமே கட்டுவோம்: ஆவேசமான அஜித்

why-actor-ajith-not-participated-in-star-festival-at-malaysia

மலேசியாவில் நடைபெற்ற நட்சத்திர கலை விழாவில் நடிகர் அஜித் கலந்துகொள்ளவில்லை. இதற்கான காரணம் என்னவென்று நடிகர் எஸ்.வி.சேகர் விளக்கம் அளித்துள்ளார்.

நடிகர் சங்கக் கட்டிடம் கட்டுவதற்கானப் பணியை, நடிகர் சங்கம் முன்னெடுத்து வருகிறது. இதற்கான நிதி திரட்டும் பணியில் நடிகர் சங்கம் ஈடுபட்டுள்ளது. அதன் ஒரு கட்டமாக, கடந்த 6ஆம் தேதி மலேசியாவில் நட்சத்திர கலை நிகழ்ச்சி மற்றும் கிரிக்கெட் போட்டியை நடத்தியது. இதில் ரஜினிகாந்த், கமல்ஹாசன், விஷால், கார்த்தி உட்பட முன்னணி நடிகர், நடிகைகள் கலந்துகொண்டனர். ஆனால் விஜய், அஜித், தனுஷ், சிம்பு, சந்தானம், அரவிந்த்சாமி, சிபிராஜ், ஜெய் உட்பட பல நடிகர், நடிகைகள் கலந்துகொள்ளவில்லை. இவர்கள் அனைவருக்கும் தகவல் அனுப்பியும் எந்தவித காரணமும் இன்றி அவர்கள் வரவில்லை என்று கூறப்படுகிறது.

இந்நிலையில் நட்சத்திர கலை விழாவில் நடிகர் அஜித் ஏன் கலந்துகொள்ளவில்லை என நடிகர் எஸ்.வி.சேகர் விளக்கம் அளித்துள்ளார். இதுகுறித்து சென்னையில் செய்தியாளர்களிடம் பேசிய அவர், “அஜித்தை மலேசியாவில் நடைபெற்ற நட்சத்திர விழாவுக்கு அழைத்தபோது, ’ஏற்கனவே மக்களிடம் இருந்து வசூலிக்கும் தியேட்டர் டிக்கெட்டில் இருந்துதான் நாம் நிறைய சம்பாதிக்கிறோம். அதனால் நடிகர் சங்க கட்டிடத்துக்கு அவர்களிடம் இருந்து பணம் வாங்காமல் நாமே பணம் போட்டுக் கட்டலாம்’ என்றார். அதனால்தான் அவர் மலேசியாவில் நடைபெற்ற விழாவிலும் கலந்துகொள்ளவில்லை” என எஸ்.வி.சேகர் தெரிவித்தார். நடிகர் சங்கத்தின் அறங்காவலர் பதவியில் இருந்து எஸ்.வி.சேகர் சமீபத்தில் ராஜினாமா செய்தார்.

Advertisement:
Advertisement:
Advertisement:
[X] Close