[X] Close
JUST IN
  • BREAKING-NEWS டெல்லி- மீரட் எக்ஸ்பிரஸ் நெடுஞ்சாலை திறப்பு
  • BREAKING-NEWS ஸ்டெர்லைட் ஆலையை மூட நடவடிக்கை: அமைச்சர் கடம்பூர் ராஜு
  • BREAKING-NEWS இயல்பு நிலைக்கு திரும்புகிறது தூத்துக்குடி
  • BREAKING-NEWS நாட்டின் முதல் ஸ்மார்ட் நெடுஞ்சாலையை இன்று திறந்து வைக்கிறார் மோடி
  • BREAKING-NEWS வவ்வால்களால் நிஃபா வைரஸ் வரவில்லை- ஆய்வு முடிவில் விளக்கம்
  • BREAKING-NEWS முதலமைச்சர் உத்தரவின்படி ஆலைக்கான மின்சாரம், குடிநீர் இணைப்புகள் துண்டிப்பு: தூத்துக்குடி ஆட்சியர் சந்தீப் நந்தூரி
  • BREAKING-NEWS சிபிஎஸ்இ 12ஆம் வகுப்பு தேர்வு முடிவுகள் வெளியீடு

மறக்க முடியாத மெலோடி நாயகன் ஆதித்யன்

noted-musician-adithyan-passes-away

இசையமைப்பாளர் ஆதித்யன் உடல்நலக் குறைவால் காலமானார்.

கார்த்திக், பானுப்ரியா நடித்த ‘அமரன்’ படம் மூலம் இசையமைப்பாளராக அறிமுகமானவர் ஆதித்யன். இந்தப் படத்தில் ‘சண்டை பஜாரு’ பாடல் மிகப் பிரமலமானது. அடுத்து ‘நாளைய செய்தி’, ‘டேவிட் அங்கிள்’, ‘சீவலப்பேரி பாண்டி’, ‘தொட்டில் குழந்தை’, ‘மாமன் மகள்’, ‘கோவில்பட்டி வீரலட்சுமி’ உள்ளிட்ட பல படங்களுக்கு ஆதித்யன் இசையமைத்தவர். மேலும் தெலுங்கு மற்றும் மலையாளப் படங்கள் சிலவற்றுக்கும் இசையமைத்திருக்கிறார். இதில் “கெழக்குச் செவக்கையிலே”, “ஒயிலா பாடும் பாட்டுல” போன்ற பாடல்கள் மெகா ஹிட் ஆனது.

‘சண்டை பஜாரு’ பாடல் அனுபவம் பற்றி அந்தப் பாடலை பாடிய ஸ்ரீவித்யா பேட்டி ஒன்றில், “என்னைப் பாட அழைத்தபோது, எம்.எல்.வசந்தகுமாரியின் மகள் என்பதால் அழைக்கிறார்கள், ஏதாவது தாலாட்டுப் பாடலாக இருக்குமென்று நினைத்தேன். ஆனால் இப்படியொரு பாடல் என்று தெரியாது. அந்தப் பாடல் பாடிய அனுபவம் நன்றாக இருந்தது” என கூறியிருந்தார். 
 
தனியார் தொலைக்காட்சி ஒன்றில் ‘ஆதித்யன்ஸ் கிச்சன்ஸ்’ என்ற சமையல் நிகழ்ச்சியை 8 வருடங்களாக நடத்தி வந்தார். அவரது தடாலடியான சமையல் வெகு பிரமலமடைந்தது. கூடவே அவரது சுருள் சுருளான ஹேர்ஸ்டைல் பலரால் கவனிக்கப்பட்டது. சென்னையைச் சேர்ந்த இவர், ஹைதராபாத்தில் வசித்து வந்தார். உடல்நலக்குறைவு காரணமாக, நேற்று ஹைதராபாத்தில் காலமானார். இவருக்கு 63 வயது.

Advertisement:
Advertisement:
Advertisement:
[X] Close