[X] Close
JUST IN
  • BREAKING-NEWS சபரிமலை விவகாரத்தில் உச்சநீதிமன்ற தீர்ப்பை எதிர்த்து கேரள பிராமணர் சங்கம் சீராய்வு மனு தாக்கல்
  • BREAKING-NEWS பிற கோயில்களை போல் அல்லாமல் எந்த நம்பிக்கை உள்ளவரும் வழிபடலாம் என்ற சிறப்புக்குரியது சபரிமலை - கேரள முதல்வர் பினராயி விஜயன் ட்வீட்
  • BREAKING-NEWS தமிழகம் மற்றும் புதுச்சேரியில் இன்று மதியம் ஒரு சில இடங்களில் கனமழை பெய்ய வாய்ப்பு - வானிலை ஆய்வு மைய
  • BREAKING-NEWS மேட்டுப்பாளையம்-உதகை ரயில் மண்சரிவு காரணமாக அடர்லி ரயில் நிலையம் அருகே நடுவழியில் நிறுத்தம்
  • BREAKING-NEWS கோவையில் இருந்து கேரளாவுக்கு செல்லும் அரசுப் பேருந்துகள் தமிழக எல்லையில் நிறுத்தம்
  • BREAKING-NEWS மேலடுக்கு சுழற்சி, வெப்பசலனம் காரணமாக தமிழகம், புதுச்சேரியில் சில இடங்களில் விட்டு விட்டு மழை பெய்யும் - வானிலை ஆய்வு மையம்
  • BREAKING-NEWS சென்னை மற்றும் புறநகர் பகுதியின் பல்வேறு இடங்களில் விடிய விடிய மழை

திருமணம் ஆகவில்லை என்பதை நீதிமன்றம் மூலம் நிரூபித்த நடிகை 

the-actress-who-proved-by-the-court-that-she-was-not-married

பாகிஸ்தான் சினிமாவின் பிரபலமான நடிகை ஒருவர் தனக்கு திருமணம் ஆகவில்லை என்பதை நீதிமன்றத்தின் மூலம் நிரூபித்துள்ளார்.

பைசலாபாத்தை சேர்ந்தவர் தொழிலதிபர் ஆதிக் உர் ரெஹ்மான். இவர் 2007 ஆம் ஆண்டு தனக்கும் பாகிஸ்தான் நடிகை மீராவிற்கு திருமணம் நடந்ததாக அறிவித்தார். மேலும் மீரா இந்த திருமணத்தை ரசிகர்களிடம் இருந்து மறைப்பதற்காவே வெளியில் சொல்லாமல் இருப்பதாக கூறினார். எனவே மீரா தன்னை முறைப்படி விவகாரத்து செய்யாமல் வேறொருவரை திருமணம் செய்யக்கூடாது என்று வழக்கு தொடர்ந்தார். அதில் அவருக்கும் மீராவிற்கு திருமணம் நடந்துதற்கான திருமண சான்றிதழ் ஒன்றையும் ரெஹ்மான் நீதிமன்றத்தில் தாக்கல் செய்தார். இதனுடன் நடிகை மீரா தனது மனைவிதான் என்பதை நிரூபிக்க அவரின் கன்னித்தன்மையைப் பரிசோதிக்க வேண்டும் என்று தெரிவிருந்தார். 

ரெஹ்மானின் இந்த குற்றசாட்டினால் மீராவிற்கு திருமணம் நடந்து இருக்குமோ என்று அவரின் ரசிகர்கள் பேச ஆரம்பித்தனர். இதனால் முன்னணி நடிகையாக திகழ்ந்த மீராவிற்கு படவாய்ப்புகள் குறைந்தன. இதை சற்றும் விரும்பாத அவர், ரெஹ்மான் தொடர்ந்த வழக்கிற்கு எதிராக 2010ஆம் ஆண்டு மனுதாக்கல் செய்தார். ரெஹ்மானின் குற்றசாட்டுகள் அனைத்தையும் மறுத்த மீரா, தனக்கு திருமணம் ஆகவில்லை என்று கூறினார். இந்நிலையில் இந்த வழக்கை விசாரித்த பாகிஸ்தான் குடும்பநல நீதிமன்றம் சம்பந்தப்பட்ட பெண்ணின் அனுமதி இல்லாமல் கன்னித்தன்மை தொடர்பான சோதனையை செய்ய முடியாது என்று தெரிவித்தது. மேலும் நீதிமன்ற சட்டம் 1964ன்-படி மீரா வேறொருவருடன் திருமணம் செய்துக் கொள்வதற்கு எந்த தடையும் இல்லை என்று ரெஹ்மான் தொடர்ந்த வழக்கை தள்ளுபடி செய்து உத்தரவிட்டுள்ளது. 

பாகிஸ்தான் சட்டப்படி பாலியல் வன்கொடுமை போன்ற குற்றச்சாட்டுகளின் போது மட்டுமே பாதிக்கப்பட்ட பெண்ணின் கன்னித்தன்மை குறித்த சோதனை நடத்தலாம். ஆனால் மீராவின் வழக்கில் அத்தகைய சோதனை நடத்த முடியாது எனவும், இது போன்ற சோதனைகளுக்கு பெண்ணின் சம்மதம் அவசியம் எனவும் அதனால் ரெஹ்மானின் மனுவை கோர்ட் தள்ளுபடி செய்ததாகவும் மீராவின் வழக்கறிஞர் தெரிவித்தார்.40 வயதாகும் மீரா தனக்கு திருமணம் ஆகவில்லை என்பதை ரசிகர்களுக்கு நிரூபித்து விட்டதாக தெரிவித்துள்ளார்.     
 

Advertisement:
இது தொடர்பான செய்திகள் :
Advertisement:
Advertisement:
[X] Close