[X] Close
JUST IN
  • BREAKING-NEWS 21 கி.மீ. வேகத்தில் நாகையை நெருங்கி வருகிறது கஜா புயல் - சென்னை வானிலை ஆய்வு மையம்
  • BREAKING-NEWS கடற்கரையில் உள்ளவர்களை கலைந்து செல்ல அறிவுறுத்துமாறு காவல்துறைக்கு பேரிடர் மேலாண்மைத் துறை உத்தரவு
  • BREAKING-NEWS ‘கஜா புயல்’... முன்னெச்சரிக்கை அடிப்படையில் தேவையான நடவடிக்கைகள் அரசு சார்பில் மேற்கொள்ளப்பட்டுள்ளன; மக்கள் அச்சமடைய வேண்டாம் - பேரிடர் மேலாண்மைத் துறை
  • BREAKING-NEWS தமிழகத்தில் கடலோர மாவட்டங்களில் 405 ஆம்புலன்ஸ்கள் தயார் நிலையில் வைக்கப்பட்டுள்ளன - தமிழக அரசு
  • BREAKING-NEWS கஜா புயலை எதிர்கொள்ள அவசர கால சேவை 108, மருந்து உதவி சேவை 104 தயார் நிலையில் உள்ளது - தமிழக அரசு
  • BREAKING-NEWS சந்திராயன் - 2 ஜனவரியில் ஜிஎஸ்எல்வி மார்க் 3 தொழில்நுட்ப ராக்கெட் மூலமே ஏவப்படும் - இஸ்ரோ தலைவர் சிவன்
  • BREAKING-NEWS ஜிசாட்-29 செயற்கைக்கோளுடன் விண்ணில் பாய்ந்தது ஜிஎஸ்எல்வி- மார்க் 3 ராக்கெட்

ஒளிப்பதிவாளர் ப்ரியன் மாரடைப்பால் காலமானார்

cinematographer-dop-priyan-passed-away-due-to-cardiac-arrest

சென்னையில் பிரபல திரைப்பட ஒளிப்பதிவாளர் ப்ரியன் மாரடைப்பால் காலமானார். 

பாலு மகேந்திராவிடம் உதவி ஒளிப்பதிவாளராக தனது வாழ்க்கையை தொடங்கிய ப்ரியன், தெனாலியில் கமல், தொடங்கி 'வரலாறு' படத்தில் அஜித், 'வேலாயுதம்' படத்தில் விஜய், என்று முன்னணி நட்சத்திர கதாநாயகர்கள் உடன் பணியாற்றினார். அதேபோல், விக்ரம், சூர்யா, விஷால், பிரசாந்த், சிம்பு, பரத் என்று பல முன்னணி நாயகர்களுடன் அவர் பணிபுரிந்திருக்கிறார். மொத்தம் 25-க்கும் மேற்பட்ட படங்களில் ஒளிப்பதிவாளராக ப்ரியன் பணியாற்றியுள்ளார்.  

விருதுநகர் மாவட்டத்தை சேர்ந்த ப்ரியன், 1982-ல் வெளியான மூன்றாம் பிறை படத்தில்தான் உதவி ஒளிப்பதிவாளராக அறிமுகமானார். அதனை தொடர்ந்து பாலுமகேந்திராவுடன் ஓலங்கள்(1982), சத்மா(1983), யாத்ரா(1984) ஆகிய படங்களில் உதவி ஒளிப்பதிவாளராக ப்ரியன் பணியாற்றினார். மணிரத்னம் இயக்கிய பகல் நிலவு, நாயகன் ஆகிய படங்களின் ஒளிப்பதிவாளர்கள் குழுவில் பணியாற்றினார். 

1995-ம் ஆண்டு வெளியான தொட்டா சிணுங்கி படத்தில்தான் ப்ரியன் உதவி ஒளிப்பதிவாளர் நிலையில் இருந்து ஒளிப்பதிவாளராக உயர்ந்தார். பின்னர் சேரன் இயக்கத்தில் வெளிவந்த பொற்காலம், தேசிய கீதம், வெற்றிக் கொடி கட்டு ஆகிய படங்களில் ஒளிப்பதிவாளராக பணியாற்றினார். ஹரி இயக்கத்தில் வெளியான 13 படங்களில் ப்ரியன் ஒளிப்பதிவாளராக பணியாற்றியுள்ளார். 

சிங்கம் 3 படத்திற்கு பிறகு ஹரி இயக்கும் சாமி படத்தின் இரண்டாம் பாகத்திற்கு ஒளிப்பதிவு பணி செய்து வந்தார். இந்த நிலையில், ஒளிப்பதிவாளர் ப்ரியன் மாரடைப்பால் இன்று காலமானார். அவரது மறைவுக்கு திரையுலக பிரபலங்கள் இரங்கல் தெரிவித்து வருகின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close